#خذني_بعيدا
#الكاتبةورودالخالدي
البارت١٢والاخيررر
اكرم::
عمتي من سمعتني وكعت السبحة من ايدها ووجهه انكلب:
شنو ولك شكلت!!؟؟
كتلج اسمهان مو زوجتي..اي مو زوجتي اسمهان حبيبتي واحنا ممتزوجين ؟؟
ممتزوجين شنو..يعني قصدك ناهب البنيه من اهلها..صخام الوجه..صخام الوجه
تحجي وتضرب ع صدرها
عمه اهدي ..
ولك شهده
وانتي..انتي يمدهورة شلون انهزمتي من اهلج ويا..!!
عمه اهدي..خلي احجيلج؟؟
شتحجيلي ولك ذيج هيه واضحة مثل عين الشمس ناهبها ومنهزمين وضامها يمي!!
شفتها ترجف كسرت خاطري حيل تفاجئت ادنيت لزمت ايدها حيل وكعدتها ع القنفه وكتلها:
عمه بس خلي اشرحلج ..الموضوع اهدي ومن تسمعيني للنهايه بكيفج اطرديني تخليني ضلت يمج بعد..
احجي يمكموع ولك احجي:
عمه اني لاناهبها ولا شي بس اسمعيني ولتقاطعيني خلي اشرحلج كولشي بالتفصيل
وبديت احجيلها بالتفصيل من اول يوم ..فتت بيه لبيت اهل اسمهان لحد هاللحظة بس اني احجي واسمهان تبجي خطيه ومن خلصت كل كلامي صفنت عمتي بوجهي ورجعت صفنت بوجه اسمهان تريد تتاكد من وجوهنا ومن صدق كلامي وكالت:
ولك هي هاي الحقيقة ..لو تألف من عندك مثل اول يوم من جبتها والفتلي جذبه شكبرها.
عمه هي هاي الحقيقة سولفتلج كولشي ومضميت عليج لان اني ما اكدرابقه ضام عليج اكثر ومو بس اني هي هم ..مو من النوع الي تمثل وتجذب..وتستمر بالجذب هذا كل الي صار وجيت اكولج لان انتي معتقدة هي مرتي وترديني ابات يمها والبنيه..تخاف مني واني هم احجيلج الصدك اخاف من نفسي عليها وما اريد نوكع بغلط مستحيل يتصلح...
رجعت تباوع ع اسمهان
ولك..يعني هاي المسكينه شايله كل هالهم بكلبها...لو اني بمكانها جان طكيت ومتت
اي عمه..
انت مو تكول تحبها وتحبك.
اي والله ..احبها..بس شرحتلج كولشي واعتقد فهمتيني. واعرف انتي اكثر احد بهالدنيا يفهمني
عافتني ودنكت شالت سبحتها..
وين رايحة عمه:
اسكت...اسكت لتحاجيني هسه ومشت لغرفتها تسبح ع السريع...ومثل الي تفكر..
فاتت للغرفه..اسمهان مسحت دموعها وكالت:
هاا اكرم..اروح اجيب جنطتي ..راح تطردنا مو؟؟
