#خذني_بعيدا
#الكاتبةورودالخالدي
البارت٩
اسمهان::
خجلت من كل حرف كاله وفوكاها حاضني من خصري ويحجي بوجهي..لان من هدني وردت اوكع رجع حضني وخرت ايده عن خصري لان متت من المستحة تراجعت خطوتين وخليت ايدي ع طرف الجربايه حتى احافظ ع توازني لان احس رجليه ممتوازنات هلكد مكلبي يرجف من هالتقارب الي صار قبل اقل من دقيقة فكتله:
انت..ان..انت تحبني..وردت تزوجني لغيرك..اش..شلون يعني مفهمت !!
اي ردت ازوجج..واخلص من عذابي وارتاح اسمهان
وليش تتعذب شمسويتلك اني اشو حتى ما ادري انت تحبني!
اي حقج ...متدرين وهمزين مجنتي تدرين بالضيم العايشه واصلا مجانت عندي نيه اكولج حتى ما اعذبج وياي لان اعرفج شكد حساسه وكلبي مينطيني تشيلين وياي هالعذاب..اسمهان ..اني مو من ذولة اليحبون وعدهم عادي قصه حب والشاب هو المستفاد ..يخلصلة كم يوم ويترك..اني من حبيتج اعرف وضعج كولش زين واعرف اخلاقج.. واعرف انتي شريفه ومو مال حب ووكت يكضي..وهاهيه انتي متستاهلين اصلا افكر بيج هالشكل انتي انقى بنيه عرفتها..لان البنيه الي تفضل الموت ع العار....معناها..مو مال لعب
وتذكرت ثاني ليلة اجه بيها وحاجاني ذاك الحجي الوصخ فقاطعته:
بس..انت..اقصد من جيت شوفتني ال..الفديو جنت..تحجي غير حجي!!
اي ..صح واكيد اكو سبب اسمهان اول يوم جيت وختلتيني عدكم ما اخفي عجبتيني حيل يعني هيح كشكل وجمال وجسم ..بس كلت عادي بنيه حلوة وشايف هوايه حلوات..ومجنت اعرف عنج اي شي..بس من طلعت من يمج انصدمت حيل بسالفة امج واصلا الي حجالي عنها استفزني بطريقه سخيفة وحسسني انه انتي بعتي عليه ثكل واسشراف براسي بس هالسخافة خلتني افكر واراجع كل تصرفاتج وياي..بليلتها..كلت لنفسي هي ..منطت بيه وختلتني قبل حتى متعرفني وتشوف وجهي بس من نزعت الكليته وشفتيني حسيتج بدلتي..عليه وبديتي نتطين نصايح..وووو..وحتى كتيلي روح منا اني مخلفتك ونسيتك يعني موقف متناقض..كلت ليش من شافتني بدلت عليه..ومن خلال الحجي السمعته هي من عائلة زباله يعني امها كذا وكذا وهي اكيد متتخير عنها ..لعد ليش بدلت عليه شبيه اني ..حيل استغربت خرررب اول مره احس بهالاحساس انه اني مرفوض ..من بنيه ..مو شغلة غرور ولا اني ابوبنات وكل الاشوفها لازم تصير ملكي..بس والله محد صدتني بيوم واصلا اني ما ابادر او اتقرب لوحده بالعكس اني مبتعد لان تجارب المراهقة العشتها عرفتني انه العلاقات العابرة مثل العلج الملون بيه طعم حلو بعدين يصير فاهي..وينشمر من الحلك..ومدوم وما اريد يوميه فايت بعلاقة واتعب نفسي حتى انسحب منها..فمتجنب كل العلاقات العابرة من دخلت بعمر العشرين لحد الان..ومن جيتج وحجيت وياج جان فضولي يقره مليون بس اريد اعرف ليش مردتيني..ومن صديتني اكثر مجان كدامي غير اعيرج..بحقيقة سمعتكم وشغل امج..لان مفكر انه انتي تعرفين..غبي جنت حيل غبي تسرعت من شوفتج الفديو..وفوكاها كل انفعالاتج..وحاله المفاجئة والصدمة الي جنتي بيها جنت متوقها تمثيل حتى تبيعين ثكل واسشراف اكثر وبعدين كلت لنفسي طبها مرض هي الخسرانه واني كرامتي هم متسمحلي اكعد اطول خلك لو اتوسل بوحده اصلا موشريفة وتبيع ثكل واستشراف براسي ...ثاني يوم جانت اكبر صدمة عندي من شفتج ع السديه ومطلعيج من بيت اهلج منتحرة..ومااحجيلج ع مشاعري وتأنيب الضمير الي عشته..بايامها لان الحجي يطول ومن جيت سولفت وياج بره حسيت انتي ..غير وانتي بنيه ذهب ومعندج سند بهالدنيا وتستاهلين اوكف وياج واساعدج..وجيتي تشتغلين بمجمعي ويوم بعد يوم..هذا كلبي القافله تحرك اي غصبا عليه تحرك كلبي وحبيتج مو بيدي الحب موبيد البشر ..ومكدرت اقاوم حبج الي يوم بعد يوم يزيد لدرجة انتظر يخلص الليل واجي للمجمع اشوفج..بس من كعدت ويه نفسي وحسبتها..شفت حبي الج..ما اله مستقبل💔💔💔
