بارت مفاجيء لمتابعاتي القمرات
#خذني_بعيدا
#الكاتبةورودالخالدي
البارت٤
اسمهان:::
مرت ساعات الليل ودموعي منشفت وملامح اكرم وهو يحجي وياي وكلماته الكولها اتهامات وتلميحات وقذارة ادوك بدماغي مثل الجاكوج الي يدوك على بسمار بقوه..منتظره دقيقة ..دقيقة جيه ماما ونزلت جوه كعدت بالصاله انتظرهاورجعت قبل اذان الفجر حسيت بيها من فتحت الباب وفاتت نزعت الشال والعباية الاسلاميه وهي تمشي بحيث من فاتت للصاله هنه على ايدها..اول مفاتت شافتني مثل الفزت:
يمه..اسم الله الرحمن ..
طلع صوتي مختنك:
شبيج يوم فزيتي!؟من شوفتي!
اجت ركض يمي :
شبيج ولج مختنكة وميته من البجي وشعندج كاعده هنا بيبيتج بيها شي..اخوج صارله شي.
محجيت اريد اجمع الكلمات حتى اطكهن بوجهه
بس معندي هالقابلية السريعة للمواجهة لان كلبي احسه مكطع من القهر..وعيوني صفت من البجي وراسي احسه مثل الجبل..و شايلته جثتي
ولج شبيج خرعتيني احجي..
وقبل ما احجي فاتت لغرفة بيبي ..شافتها كاعدة ع جربايتها وتصلي ..
ركضت صعدت للدرج يمكن حتى تشوف صوفي ورجعت نزلت يمي.
مابيهم شي ..شبيج مفرفحة ماما..حاجيني صايرلج شي
طلعت جهازي اصابعي احسهن متجمدات فتحت الفديو وانطيتها الجهاز
ماما هذه انتي لولا؟؟
باوعت شويه..بالجهاز وشمرته ع القنفه..وزمخت بيه:
منيلج هذا الفديو ..منين حصلتي؟؟
بجيت
ه..ه..هذ..هذا كل همج منين ح..حصلته؟؟
وج احجي لا ابتلي بيج منين حصلتي؟؟
مو مهم منين حصلته المهم انتي الي بيه..انتي ماما..ليش..ليش هيج دمرتي حياتي ليش..يوم...تشتغلين بملهى..وترحين ويه الرياجيل للبيوت..يعني ..انتي موزينه يعني اني امي موزينه..يعني احنا عائلة سكط..
جرتني من شعري..
ولج انجبي شنو سكط؟؟
اي ..سكط ولا عبالج الناس متعرف تره منطقتنا..كووولها تعرف..بس اني العايشة وياج بنفس البيت ما اعرف..عايشه بجذبه وهي امي ممرضة عدها خفارات..ومعيشتنا بكدها وتعبها..وبلكمة حلال..
توقعت راح ترتبك لو تنهار لو تبجي من واجهتها بس هيه ولا تأثرت ..صيحت بوجهي:
ومنين اعيشكم من الورث العافة الي ابوج؟؟متحجين منين اعيشج مدلله انتي واخوج تتغدين احسن اكل من المطاعم وتتعشين مشاوي وتلبسين اشكال واخوج يوميه اراجع بيه وبيبيتج كل اسبوع علاكة علاج بميايه..منين اصرف عليكم..؟؟..اني مرة وحدي معندي لا كافل ولامعين ولا راتب ولا اي فلس يدخل البيتي..ملكيت غير هذا الشغل تجيني منه فلوس هوايه تعيشني وتعيشكم!!
