#خذني_بعيدا
#الكاتبةورود الخالدي
البارت٣
اكرم:::
بقيت صافن بوجه مناف الحقيقة ممستوعب الي يكوله :
ها شبيك صفنت ..حجيت شي غلط.. لك لو اني بمكانك جان سويت الهوايل شبيك فهيت وضيعت هيج فرصة حلوة..خرب يومك ..اليشوفك يحوفك ويكول..جسم وعضلات وشخصية..وكل بنيه يشوفها ..يكطع تراجيها..ميدري بيك فاشوشي!!!!!!!!!!
مناف اسكت لا افلش شنونك..لك اني ممصدك كلمة منك عقلي مدا يشيل الحجي الحجيته
ها ممصدك اني اخليك تصدك هسه بس نرجع اشوفك الفديو
يجوز موهيه ويجوز وحده تشبهه.ويجوز اكو فد غلط بالموضوع؟؟
لا هيه ..وماكو غلط راح اشوفك الفديو بس نرجع وحتى تتأكد ضل يمي الليلة لحد ساعة ١١لو ١١ونص واخليك تشوف بعينك شلون راح تطلع نفسها بالليل اي..تجيها سياره للباب تاخذها وتروح كل ليلة..انت مو كتلي انتجيت ع الباب وانفتح وفتت فكر واحسبها بيت بيه بس نسوان وطفل زغير ليش بابهن مفتوح نص الليل هاي وحده والثانيه ليش البنيه عدها عادي فوتتك البيتهم وساعدتك وختلتك..لك لو شريفة جان لمت العالم عليك بالصايح
ماشي راح ابقه واشوف..
وفعلا رحت ويه مناف لبيتهم وخابرت اهلي كتلهم اتعشه بره ..واول مفتت شوفني فديو موزين..صح تنطي شبه قوي لاسمهان بس بعدني ممتأكد كلبي يكولي ممعقولة..وبقيت يم اهل مناف الى ان صار ساعة ١١وربع طلعنا ع اساس عادي نتمشه بالشارع وبقينا ..نروح ونرجع من ركن مجمعي لنهاية شارعهم..وفعلا جتي سياره وطلعت نفس المره الي بالفديو صعدت وعافت بابهم بدون متقفله ..ومن جزت السيارة الشارع مناف كلي:
ها اكرم خو شفتها بعينك ..هسه صدكتني طلعت هي الي بالفديو لولا؟؟
اي والله هيه ..بس؟؟
بس شنو..؟؟
يعني بتها..ما اعتقد مثلها انته مشايفها والله مثل الملاك بنيه ..تاخذ العقل وابد ماكو اي دليل على انه هي مثل امها؟؟
ههههه..ها باعت عليك شرفيات..اوي وعيب..وميصير..ولتمد ايدك مو؟؟
مناف مو هالشكل بس.....
لك انت شبيك غشيم ..هنه ذني دروبهن بنات هالوكت..اول مره يبيعن عليك شرفيات وعيب وحرام....منا لما تستوي..وتوكع..وكلما توكع اكثر راح تدفع اكثر!!
ادفع اكثر !
اي شبيك متفاجيء عبالك خام وماعندك علاقات قبل؟؟
لا مو خام..بس مصاير وياي هيج موقف يعني عادي متعرف ع بنات وعندي علاقات بس هاي البنيه..ابد مديستوعب عقلي هي مو خوش
اي ..عرفت شلون ترسمها عليك ...هههه..منين تطلبها اكيد ابن الوز عوام!!..بعدين انت شو ادافع عنها عبالك معاشرها لو بت عمك الربعي هي ليلة كضيتها يمها..
