Toxic Love

⚛ _ 10

Happiness

အချိန်တွေဟာ ပျံသန်းပြေးလွှားနေသလိုပဲ အလျှင်အမြန်ကုန်ဆုံးပြီးမကြာခင် နန်းတွင်းပုထိုးတော်ကြီးဆီမှ ကြေးခေါင်းလောင်းသံချိုချိုကို ကြားလိုက်ရသည် ။ အရှေ့အရပ်က နီပြေပြေအရောင်တောင်မလာသေးခင် ကြယ်မဝင့်တဝင့်အချိန်မှာပဲ လျှိုးရန်ပင်းဟာ ဝတ်ရုံတော်ကိုသပ်ရပ်အောင် ပြုပြင်ပြီးမိဖုရားအဆောင်တော်မှ ထွက်ခွာသွားသည်။

နှုတ်ဆက်စကားတောင်မဆိုပဲ မှိန်းပျောက်သွားတဲ့ ကြယ်ဖြူလို ဖျက်ခနဲပျောက်သွားတဲ့ အရှင့်ရဲ့နောက်မှာ မိဖုရားဟန်လင်းရွှယ်ရဲ့အခန်းတံခါးလေးသာ အသံမမြည်ပဲ အသာစေ့ပိတ်သွားသတဲ့..။

အတူရှိခဲ့သည့် တစ်ညလုံးလည်း အရှင်ဟာ စကားတစ်ခွန်းတောင်မဆိုခဲ့ဘူး ။ ဟန်လင်းရွှယ်သာ သူစီးကုံးထားခဲ့တဲ့ အရှင့်ရဲ့ခန့်ညားမှုတွေ ၊ အရှင့်ကို ဘယ်လာက်ထိ စွဲလမ်းခဲ့ရပုံတွေကို တစ်ညလုံး တစ်တွတ်တွတ်ပြောနေခဲ့ရပေမယ့် အရှင်က သူ့ရင်ခွင်ထဲ မှီတွဲထားတဲ့သူမကို ​ပွေ့ဖက်ထားရင်းပင် အသံတိတ်တုန့်ပြန်သည်ပဲရှိလေသည်။

ဟန်လင်းရွှယ်မှာ အိပ်ယာထက်လှဲပြီး ကြည့်နေတုန်းမှာပဲ ငြင်ငြင်သာသာ အသံတစ်ချက်မမြည်စေ့သွားခဲ့သည့်တံခါးကိုစိုက်ကြည့်ရင်း ညကအဖြစ်အပျက်တွေဟာတကယ်ပဲလား ၊ ဒါမှမဟုတ် သူစိတ်စွဲပြီး အိမ်မက်ရှည်ကြီးပဲမက်နေသလားဆိုတာ စဥ်းစားလို့ကိုမရဘူး ။ တကယ်ဖြစ်ခဲ့တာပါဆိုရအောင်လည်း အရှင့်ရဲ့ အာရုံဖျော့ဖျောအောက်က လှုပ်ရှားဟန်တွေ ၊တံခါးကနေအရှင်ထွက်သွားပုံတို့က အိမ်မက်ဆန်စွာ တိုးတိတ်လှသည်။ အိမ်မက်ဆိုရအောင်လည်း အရှင့်၏ ထုံဝေသော ရနံ့တို့ဟာလည်းအဆောင်တော်တွင်း ဝေ့ဝဲပျံ့နှံ့နေဆဲပဲဖြစ်သည်။

အိပ်ယာပေါ်စွန်းထင်းနေသည့် အဖြူရောင်အကြည်ရည်တို့ဟာလည်း ညကအဖြစ်အပျက်ဟာ တကယ်ပါဟု သက်သေထူနေပြန်သည်။

ဟုတ်ပါသည် ဒါဟာ တကယ်ဖြစ်ခဲ့တာပါပဲ..။

သေချာကြောင်း သိသည့်အခါ၌ ဟန်လင်းရွှယ် အိပ်ယာကနေ ဆက်ခနဲပင် ထထိုင်လိုက်မိသည်။