اسكربتتات خلود ناجي 💜

اسكربت رقم 1

" انا قدس ...دا اسمي هحكيلك قصتي واتمنى تسمعيها  ... انا اتولدت في الجيزة .. كنت ساكنة في عمارة مع اختي وماما وبابا. .. كان عندنا جارة اسمها سماح دي كانت صديقة ماما. ..كان الكل فاكر انهم اخوات وبابا وعمي جمال كانوا أصحاب برضوا ...وانا وحمزة كنا صحاب...هو كان اسمه حمزة علفكرة. ..كان اكبر مني ب10 سنين. .ببساطة كان عايلتي وعايلة حمزة واحد. .. كان حمزة المسؤؤل عني ..كان هو اللي بياخدني المدرسة يذكرلي...يجبلي اكل...يفسحني...انتي عارفة انا كنت بنام في بيت حمزة من كتر تعلقي بيه...كان الكل بيقولي حمزة اخوكي..كبرت و بقي عندي 10 سنين وقتها اتحجبت وحمزة هو اللي طلب من ماما كده وقالي "مش هينفع اشيلك ولا العب معاكي تاني ... بس انا هفضل صحبك "وقتها عيطت وخاصمت الكل انهم ازاي يبعدوني عن حمزة ...وقتها قعدت في اوضتي وخاصمت الكل لمدة 3 ايام ..في اليوم التالت كان بيخبط على باب اوضتي شوفته وجريت حضنته هو ضحك وغمزاته بانت"اميرتي الزعلانة ...انا جبتلها شكولاتة بس مش هتخدها غير بشرط"
- شرط ايه؟؟؟؟
"انك تقومي تصالحي الكل..
زعلت 'لا مش هصالحهم...هم بعدوني عنك ..."
-ضحك " بصي ياقدس...انا مش اخوكي. ..انا جيرانك بس ...يعني غلط تحضنيني وكمان انتي كبرتي وبقيتي شطورة ولبستي الحجاب. ..انتي عارفة انك كده بقيتي اميرة وغالية وحجابك هو تاجك وعلي قدر جمال التاج بيتعلي مكانتك"
.........
ومن وقتها وانا بتعمل مع حمزة كصديق ...بكلمه يوميا بستناه في الشقة مع خالتي سماح ... بيذاكر معايا ويشرحلي كتير. .. بيعملي الشاي بلبن ...تعرفي ياخلود هو بيكره اللبن جدا جدا ..بس دايما كان بيعمله...كان لازم يعمل كوباية شاي بلبن ليا...لو كنت مشغولة يعملها وسيبها على حافة البلكونة عنده وانا اطلع اخدها من اوضتي وكان لازم يكون مع الكوباية شكولاتة...ببساطة 18 سنة من حياتي كان عبارة عن حمزة وبس...اكلت مع حمزة ...ذاكرالي حمزة. ..كلمت حمزة ...اتخانقت مع حمزة. .حمزة. .حمزة ..حمزة
.....
أتذكر كويس اول يوم كلية كان متوتر وهو بيقولي ابعدي عن الشباب ومكرهم...انتي عنوان اهلك. .. واصحابك اختريهم كويس عشان هم عنوانك وسندك
     سمعت نصايحه وابتسمت لاني طول عمري بشوف حمزة الاخ الكبير السند ...هو بيحميني من نفسي ..انا لو حسيت بخوف او ضعف بروح لحمزة ...لو اتوترت اشوف عنيه والدفء اللي فيها انسي كل التوتر ... افتكرت اني في أولي كلية سقطت وعدت السنة من تاني...وقتها كان الكل بيعاتب ويلومني ..كان ضغط نفسي وعصبي  كان وضعي سى وحالتي مش كويسة ...بس بوجود حمزة  الوضع اتحسن وبقيت افضل...هو كان بيشجعني ويقف معايا ...كان دايما يقولي كل بلاء ومعاه هدية من ربنا  .....وقتها كان حمزة هو الهدية ..كان واثق فيا رغم ان الكل  ايقن اني فاشلة. ...صح حمزة دكتور قلب معروف. ..وانا طالبة في دار علوم. ..كان الكل بيقولي خليكي زي حمزة. ..اعملي زي حمزة. ..بس هو كان يرد ويقول قدس احسن من حمزة قدس جميلة من جوا وأحسن من حمزة. ..قدس هي عمود حمزة ...قدس نبض قلب حمزة ... تاني سنة سبحان الله كنت التانية علي الدفعة. ..وقتها كانت عنيه بتلمع وكانت اول مرة يحضني من 9 سنين. ..هو ممكن مجرد شعور اسمه الامان يتحول لشخص اسمه حمزة ...والسعادة تكون ضحكة حمزة. ...والحب تكون عيون حمزة. ..وان حياة قدس تتمثل في وجود حمزة. ... وقتها اتكسف وضحك وجبلي هدايا كتير ...وقتها كنت فخورة مش عشان اني التانية علي الدفعة لا عشان انا الأولي في قلب حمزة ...هو وقتها قلي انتي التانية علي الدفعة بس الاولي في قلبي .... وقتها روحت لصحبتي نورهان وقولتلها الحوار كله ...كانت إجابته صاعقة ليا "اني مجرد لعبة وتسلية لحمزة ...معقول دكتور مثقف ومشهور زي حمزة ...هيحب طفلة تافهة زي ...مستحيل طبعا "
انا مازلت فاكرة الحوار ياخلود. ..مازلت فاكرة لانه مكانش مجرد حوار وكام كلمو. ..كان عبارة عن طلقات وخناجر في قلبي...كان حوار حول حياتي لجحيم ومازلت عايشة في الجحيم ....وقتها انقطعت عن تواصل بحمزة لمدة يوم....دقيقة هو كان يوم واحد بس ....امال انا كنت فاكرة انه قرن ليه ...قرن كله ألم ووجع وضعف ...كأني كنت في عالم تاني ...هواها أنفاسي السخنة ... الاكل اللي فيه كان قلبي والخوف بينهش فيه ....كانت عنيا غابة مليان سواد وحقد وكره ناحية حمزة ...انا بكره حمزة بكرهه..... تاني يوم ماما قالتلي ان في موضوع عايزة تكلمني فيه من سنة بس حمزة رفض. ".تاني حمزة. ..هو انا للدرجادي كنت لعبة لحمزة" والمضحك في الموضوع أنه كان طلب حمزة ايدي وأني اكون مراته..."وقتها رفضت بشدة ..أتذكر ملامح الصدمة والضيق اللي سيطر علي العالتين ..لو كان في وقت كنت قبلت وكنت هكون مبسوطة. ...بس للاسف 💔💔...مرت9 شهور وحمزة بيقنع فيا وانا برفض انا وقتها كرهت حمزة جدا ...ونسيت ان اللي زي حمزة بيطلب الشئ مرة واحدة...في عمره مش في كل يوم في عمره. ..وقتها انا كنت غبية كنت غبية جدا وقتها كسرته بجوازي من المعيد بتاعي ...
  وقتها الكل عارض بس انا عاندت ...وقدامي عندي وافق الكل. ..اتجوزت وكنت فاكرة اني كده انتصرت وكسرت  قلبه زي ماكسر قلبي...ونسيت ان القلوب مش لعبة ممكن نصلحها تاني...كسر حمزة كسرني جدا مستحيل اني انسي نظرته يوم كتب الكتاب مستحيل انسي كلام عنيه اللي اتقال" ماقيل بالاعين لاينسي" ... ومن وقتها وانا معرفش حاجة عنه غير أنه  سافر بره عشان يطور من مسيراته..او عشان يهرب من ذكريتنا سوا...انتي عارفة جوزي اسمه عصام. ..حبيته جدا بس للاسف بعديها الحب اختفي وبقيت ام ل3 عيال...نسيت نفسي ...لغيت قدس وروح  وطفولة قدس وبقيت مجرد زوجة وأم بس ... انتي عارفة بعد20  سنين  جواز طلقني واتجوز واحدة تانية. ..كسرت قلبي وعمري اللي ضاع في حب شخص خاين...انا ازاي نسيت انهم نفسوا عدد السنين اللي ضيعهم حمزة في حبي ...نفس كسره القلب..انا خاينة في نظره مش كده ... دموعي وحرقة قلبي مستحيل انساهم ياتري حمزة حصل معاه كده يوم كتب كتابي. .. هو الوجع وحش كده. ..هو كسر القلوب بيهد كده....هو الإنسان ممكن يموت من الوجع. ..... وبس ياخلود انا عشت بقية حياتي علي ذكريات حمزة. .. ولادي اتجوزوا وعندهم أحفاد وانتي النهاردة هتكوني مرات حفيدي الصغير حمزة .... الحب لحظة فعيشيها ياخلود. ...
- جدتي حبيبتي
"حمزة ...تعال انا كنت بكلم خطيبتك"
-طبعا كنت بتقوليها حكيتك انتي وحمزة "الله يرحمه"
-جدتي. ...حمزة مات
-وقتها بكت وعنيها اتملت دموع ...صوتها اتغير ... وجسمها كان بيترجف ...
حمزة مات  من خمس سنين  وبعتلي جوابات كتير ...كل يوم  وليه جواب كان بيقولي ادق تفاصيل يومه وفي اخر كل جواب " اترانا نلتقي في الحياة ...إم تكفينا الاحلام؟؟" هو متجوزش ...هو قالي انتي مراتي وبنتي وكل حاجة انتي الحياة. ..انتي قدس، وقدس نبض قلب حمزة. ...قابلته قبل مايموت "وأخيرا اتقابلنا يانبض قلبي....قدسي الجميلة مازالت جميلة. ..انا عرفت ان حفيدك اسمه حمزة. ..حبيه ...كانك بتعوضي حبك لحمزة....هنتقابل مرة تانية بس عند خالقنا"
وقفت كلامها وعيطت حمزة حضنها وقعد معاها ...انا كنت ساكتة بسأل ياتري ياقدس دعيتي بأيه عشان ربك يرزقني بحب زي حل حمزة.....؟ حب حمزة وقدس جميل وبرى اتعلمت وعرفت معنى كلمة حب بجد ...ياتري انتوا عرفتوا ولا
........
"اترانا نلتقي في الحياة ،ام يكفينا عالم الاحلام💜؟"
#صغيرتي
#خلود ناجي
اسكربيت جديد
رايكوا👇👇👇