اسكربتتات خلود ناجي 💜

اسكربت رقم 22

" ماانا مفضلش صايمة صايمة وفي الاخر افطر علي فايز "
-يابت لمي نفسك
" ايه يا ماما مش هتجوز فايز انا ...انتي بتجملي خالتي علي قفايا"
- هو انتي تطولي تتجوزي واحد زيه
" انتي بتتريقي عليا عشان انا قصيرة. ..وبعدين دا متوحد مش بنشوفه مرة غير كل سنتين مرة. ..  دا انا نسيت اني عندي ابن خالة اسمه فايز "
- هو هادي بس وفي حاله وبعدين اتعرفوا علي بعض الأول في فترة الخطوبة
" مش هننفع....  ياماما دا آخر مرة شوفته فيها من سنتين ...وتحسيه كده مش طايق نفسه عشان يطيقني"
- هو في حاله كده مش زيك ...هييجي النهاردة عشان يقعد معاكي ...البسي لبس حلو'
"انا هطلع بالاسدال بتاعك وده اللي عندي "
--------
دعاء ده اسمي،  وانا بالفعل دعاء سنين طويلة لبابا وماما بعد 10 سنين جواز. .. ماما ميرفت وخالتو الفت تؤام وبيحبوا بعض جدا ومتجوزين اتنين صحاب وعايشين في بيوت جنب بعض ... اكتر حاجة بحبها علاقة بابا وماما بخالتو الفت وعمي أحمد علاقة صداقة  وحب فظيعة. .. عشان كده عايزين أتجوز فايز اكتر شخص غريب. ..هادي جدا ومنطوي وعمره مااتجمع معنا عكس اخواته ... فايز اكبر مني ب9 سنين ...ملامحه حادة جدا بس هو شخصية هادئة. .. طويل وملامحه حلوة بس مش بيتعامل معايا ولا حتي بيتكلم معايا. ... طب اتجوزوا ازاي ده؟ دا انا بتكلم ومش بفصل وهو مش بينطق
-----
- هلا يامرات أخويا
" يالا ابعد عن وشي...  مش عندك درس دلوقتي ياتافه"
ضحك ' ياستي الثانوية  ودروسها مش هتطير وبعدين مش لازم أقابل مرات أخويا '
" يوسف ياحيوان متعصبنيش وبعدين سيبني اهدا شوية وافكر هعمل ايه لما اقابل اخوك"
- دعاء ...فايز كويس وحنين جدا هو بس انطوائي وانتي عارفة السبب كويس
" عارفة يايوسف بس انا كده هكون مراته ... انا عارفة حبه  لمريم بس هي اتوفت ...وهو مش هيقبل بحد تاني "
اتنهد' ربنا ييسر الأمور '
------- --
- احم ...احنا اديلنا فترة قاعدين ومش بنتكلم ..عندك أسئلة
"هه .... مش عارفة ...انا عارفة انك الحمد لله محافظ علي الصلاة وعارفة أخلاقك وكل حاجة عنك بس يعني. ...
- منستهاش ومش هنسها
" وانا يافايز استحق اني اتحب ... استحق ان شخص يحبني وانه يشوفني  حاجة عظيمة. .. انا هرفضك يافايز لانك بتحب مريم ولو حصل نصيب واتجوزنا مش هتحبني انا مش هرمي نفسي في النار وبعديها أقول اتحرقت ليه؟"....
- تمام
"فايز. ..نصيحة من اختك الصغيرة احنا كلنا بنتوجع وكلنا بنخسر، الحياة بتاخد مننا كتير وبتوجعنا في اقرب حاجة لقلبنا،،، الحياة كده بس الفرق فيه اللي استسلم و اللي عافر وابتسم،  الحياة مش عادلة بس ربنا عادل "
- انا عارف اننا مش هينفع نكون لبعض بس ممكن نكون أصحاب
اتوترت " فايز اصلي. .. انا عارفة انك محتاج حد يكون معاك بس بلاش اكون انا الحد ده ... انا برفض طلبك لكذا سبب واهمهم اني مش هقدر اتجاوز حدود ديني واكون صداقة معاك. .. ...
-انا عارف حدودي كويس ومش هتجاوزها متخافيش
" فاهمة بس معنديش إستعداد اجازف بقلبي .... عن  اذنك لاني اديلنا ساعة بنتكلم "
- دعاء   ...انتي هترفضيني؟
" اللي فيه الخير يقدمه ربنا "
-------
- انتي رفضتي أخويا
" بصي ياهدير صداقتنا في جنب واخوكي في جنب"
ضحكت' يابنتي انا كنت واثقة انك هترفضيه'
" وايه  اللي خلاك واثقة من كده ؟"
-انك صحبتي وعايز قلب لوحدك محدش يشاركك فيه واخويا حب غيرك
" حقيقي اخوكي مثالي ومناسب بس مش ليا... فاهمني؟"
- فاهمكي ياست حلويات
ضحكت ' طيب ياتافهة ...يلا بقي نرجع عالشغل"
" يلا...."

هدير ويوسف اخوات فايز وشايفهم اخواتي،  هدير اختي وصحبتي دخلنا مدرسة مع بعض وانفس الكلية ونفس الشغل كل حياتنا مع  بعض الكل فاكر أننا تؤام ، اوقات كتير الدنيا بتكون غريبة وساذجة ومش فاهمين نفسنا فيها بنكون  مش عارفين احنا عايزين ايه ولا نفسنا نعمل ايه؟ ساعتها بنعرف معني الصحاب، هدير اول واحدة بكلمها لما مكنش فاهمة نفسي حتي ...بخاف عليها من الاذي، بنتشارك اتفه التفاصيل لدرجة اني بتصل اتخانق معاها عشان هي اشترت خمار درجة جديدة مش معايا. ..او فستان عجبني ،  احنا تافهين جدا وده افضل شي، وجودها بيمنع الحزن والتراكمات ، وازاي هيكون في تراكمات وهي موجودة بزنها ده ...هي نعمة من ربنا وانا بحبها
- انا عايزة أتجوز
ضحكت " حاضر"
- انا مش بهزر انا تعبت من الشغل دا
" طيب اعمل ايه يعني؟ "
- انتي معندكيش اخوات ليه اتجوزهم ليه؟
ضحكت ' الله وانا مالي يالمبي"
-انتي صاحبة مش جدعة،  انا عندي اخين وعندي استعداد اجوزهملك بس انتي معندكيش'
" لآ بقي ...باين ضغط الشغل اثر علي عقلك ..انتي مش خلصتي شغلك؟ "
- اه خلصت. ..
" طيب روحي انتي وانا هخلص شغلي واجي وراكي "
- طيب هستناكي
" لا ياستي. ..ارجعي البيت بدل ماتفضحينا "
ضحكت ' طيب همشي انا ...يلا سلام '
" سلام   ....خلي بالك من نفسك "
--------
- انتي فين؟
" اديني طلعت من الشركة ياهدير نص ساعة وهكو ..........عاااااااااااا
-دعاء ....دعاء ردي. ...يا دعاء بتصرخي ليه؟ ..دعاااااء
-----------
-حبيبتي انتي كويسة. ..اخيرا فوقتي
" اها ...حاسة راسي هتنفجر وجسمي مدغدغ "
- مش تعدي الطريق و انتي مركزة بدل ماتعملي حادثة وتتكسري كده
هدير 'بدموع ': انا االسبب  ياخالتو كنت بكلمها وهي مكنتش مركزة بسببي
" ياستي الحمد لله انها جت علي كسر وكام كدمة...الحمد لله ان مموتش"
الفت: بعد الشر عليكي ..
يوسف : والله يااسطا زعلت انك عملتي حادثة واتكسرتي بس كنت فاكر انك هتموتي
" ايه يافقر انت عايز تموتني"
- اه طمعان في اللاب والسماعة وشوية الفلوس اللي معاكي
" شوية الفلوس. ..شوفي يابني انا عليا ديون ...عارف لو موبيلي حصله حاجة هعمل منك شاورما "
- لما تقفي علي رجلك الأول
" ياماما خلي الغلس ده يغور من وشي"
فايز : في ايه؟
يوسف ' بتوتر': مفيش ياابيه بس الجبس مضايق دعاء بس ... مش صح
كتمت ضحكتي" اه صح"
الفت: يلا ياميرفت نرجع البيت ...وفايز هيقعد مع دعاء
بصيت لخالتو بغيظ ... ماما وخالتو يموتوا في التخطيطات
" معلش ياخالتو خلي هدير معايا ودكتور فايز عنده شغل موكد"
فايز: لا معنديش شغل
بصتله بغيظ البارد ده ...وهو انت هتقعد معايا ليه
هدير ' بهمس' : ماما وخالتو مش هيسكتوا غير لما تتجوزي فايز ...
" والله اصعب من المخابرات "
- بس خبطك حتة محامي
" والله اقول فايز يشوف اخته المحترمة بتقول ايه "
- فايز لا ... المهم المحامي اعتذر ومشي
" أحسن انه مشي"
ميرفت : يلا ياهدير ...سلام يادودي ولو عزتي حاجة ابقي قولي لفايز ....
" سلام ياماما"
----
- انتي كويسة؟
عيطت " رجلي وجعاني قوى حاسة بنار فيها "
- طبيعي لان الجبس والحر غير الكسر  لازم بتعبوكي
" انت بارد. ..بدل ماتواسيني بتقولي  اكيد هيتعبك....وماما عايزني اتجوزك ايه العذاب ده ياربي"
سكت. ..كنت هنفجر من الغيظ ..بارد  والله ويشل مديرية ...وكمان طلع بره موكد نزل يفرفش وسايبني اعيط انا .... ادي ساعة مرت والممرضة مش هنا ، ياربي هموت من الجوع والوجع. ..اكلوني طيب عشان اعيط بضمير
- اتفضلي. ..
" ايه دا؟"
- اكل مش شايفة
"دبش ولسانك عايز قصه والله"
- كلي وانت ساكتة
" مش هاكل ومش عايزة حاجة منك"
- أحسن برضوا
" انت بارد ليه كده ...هو انتي مستخسر في الفلوس. ..ياربي عايزين يجوزوني واحد بخيل وبارد وكمان مستفز كده كتير "
- انا دا؟
" شوف ياجدع  سبحان الله نسخة منك "
- انا فكرت بتتكلمي علي نفسك بس اتاكدت لما مقولتيش ام  لسان طويل
عيطت " هقول لبابا عليك"
ضحك' انتي بشتكي ابن اختك'
" ماانا جعانة ورجلي وجعاني وانت قاعد تغيظ فيا "
- خلاص حقك عليا ..كلي وانا هطلع اشوف الممرضة اسالها علي كذا حاجة خاصة بيكي واجي
" طيب"