اسكربتتات خلود ناجي 💜

اسكربت رقم 15

- وافقي انك تتجوزيه يابنتي  دا راجل ليه كلمته وليه منصب وهيعيشك ملكة

دي الجملة اللي غيرت حياتي وخلتني اوافق على الجواز من غيث شاب عنده 32 سنة الكل عارف ان طبعه شديد قوي وصعب عنده هيبه وشديد في كلامه وشغله،  غيث اعرفه من خلال الاسم بس كل اهلي بيتكلموا عنه بحكم انه صاحب أخويا في الشغل ، عشان كده الكل فرح انه اتقدملي ووافقوا علطول وطلبوا اني اوافق ...ممكن انا اتصدمت انه طلب ايدي دا حتي معتقدش انه شافني قبل كده ... وافقت وقبليها صليت استخارة وكل الأمور كانت بتييسر وقلبي مرتاح عشان كده وافقت ...ااجوزنا علطول لاني اساسا متخرجة من سنة ، مرت 6 شهور واحنا متجوزين بحاول اعرف طبعه بس حقيقي غيث طبعه صعب وشديد ومش بيحب الغلط وعصبي وانا بعيط بسرعة. ..دا حتي عمره ماحاول يصالحني بييجي بعديها يكلمني ولا كانه كان متخانق معايا. ..منكرش اني فكرت في الطلاق بس كنت بستغفر ربنا لان الطلاق مش لعبة ومش سهل كمان ...اول ماكنت ازعل منه كنت بطلع في الجنينة واقعد علي العشب واقرا كتب او اقعد واصفي ذهني ..واستغفر كتير ...

- يعني لسه صاحية؟
" كنت منتظراك عشان احطلك العشا"
بص في الساعة ' اميمة الساعة داخلة على 4 ...انا بعتلك مسج اني هتاخر في الشغل '
" ماانا شوفت المسج بس موكد هتيجي تعبان وجعان فأنا قلت استناك وغير كده انا بخاف انام في الشقة لوحدي "
ضحك ' ليه هييجي ابو رجل مسلوخة ياكلك'
ضحكت" لا مش للدرجة دي بس متعودتش انام في مكان كبير كده لوحدي. ..انا مشغلة قران في الشقة عادي بس انا اتعودت يكون معايا حد ...المهم صح هتتعشي؟"
- انا مصدع وتعبان جدا صراحة وعندي شغل كمان كام ساعة هدخل انام شوية وابقى صحيني الصبح بس قبليها عايز مسكن للصداع'
" بس كده غلط علي صحتك علفكرة يعني مش بتاكل كويس وبتسهر كتير وكمان المسكنات مش حلوة ليك"
بصلي جامد فخوفت وجريت ادور علي مسكن. ..غيث مش بتجادل معاه ممكن ده اطول حوار بينا هو هادي وساكت وانا هادية شوية بس بضحك واهزر لو حد بدا يهزر معايا. ..وغيث طول الوقت ساكت،  هو كل يوم بيزور اهله الفرق بين كام شارع بس ... اهله كويسين جدا ومحترمين  وغيث بما أنه الكبير بتاعهم فهو مسؤول عن اخواته البنات والشباب ... اخواته برضوا بيخافوا منه بيحبوه حب خوف واحترام،  ام غيث بتحبه وبتغير عليه جدا مني ...لما بنزورها بتعاملني كاني من اليهود بس بعذرها الصراحة لان ابنها قمر ويتحب

- اميمة. .المسكن فين؟
" انا ملقتش خالص والله "
اتعصب' انا راسي هتنفجر من الصداع '
" طيب نام شوية وهتصح تكون كويس"
حط ايده علي راسه ومسك شعره جامد ' مش قادر من التفكير حاسس ان راسي هتنفجر '

معرفش اتجرت ازاي وخليت راسه علي رجلي. ..ماما لما كنت بصدع كنت بنام علي رجلها وهي بتلعبي في شعري لحد  مانام وكانت دايما  تكلمني لحد مااروح في النوم ...لحظت صدمته بس متهمتش كنت بلعب في شعره لأني بحب طول شعره وسواده جدا
" غيث تعرف ماما كانت بتعملي كده لحد ماانام"
حاول يقاوم  فمسكته جامد ' انا مش عيل صغير '
" اوف دقيقة. .. بص انا عارفة انك مش عيل صغير بس انا هعملك مساج وكده الصداع هيهدا ...وممكن انت تتكلم لو حابب"