اسكربتتات خلود ناجي 💜

اسكربت رقم 12

- وهو انا استحق اني اتحب؟
اتوترت وسكت ... احمد بطبعه هادي جدا ومش بيتكلم مع حد ، يتيم واتربي في ميتم من حسن حظه كمل تعليم وبقي محاسب،  يعرف ربنا وفي حاله جدا بيخاف يتعامل مع حد او حقيقة انه لقيط تتكشف، هو اتبناه راجل كبير ومراته وبعديها بكام سنة اتوفوا في حادثة،  اتجوزني كرد جميل لأني الراجل اللي اتبناه بيكون خالي، فترة الخطوبة كان بس بيتكلم مع اهلي ومحاولش يكلمني،  امي وابي ناس في حالهم جدا وبسطة جدا واتكسروا بعد مااخويا سابهم وسافر ونسيهم، بابا بيحب احمد جدا واحمد بيحترم اهلي ، اتجوزته من سنة وهو مانع اني اخلف معرفش ليه، بيكره يتكلم .. بيكره يتعامل مع الناس ، بيحب الوحدة جدا ومش بيحب الكلام، لو اتكلم بيكون مع بابا بس ، بابا وماما بيحبوه من وهو طفل صغير وهو كان متعلق بيهم ، انا عارفة انه اتجوزني بحيث ان اهلي قبلوه وحبوه زي ماهو بدون مايكدب ولا يتصنع بس انا كنت الضحية معاه،  انا مش عارفة اتاقلم علي طبيعته الساكتة، انا بكره الناس اللي تفضل ساكنة بحس وقتها اني تقيلة علي قلبهم وكمان بحس اني انا بس اللي شارية العلاقة دي ، بكرهم عشان اوقات كتير بيقابلوا المليون مسج مننا برد هادي وبارد زيهم،  لأول مرة بعد سنة جواز الاخ يتكرم وييجي يقعد معايا لا وكمان بيكلمني وانا في المطبخ
" هو حصل حاجة؟ "
- لا مفيش ...انا هدخل اخد دش لحد مالاكل يجهز
" تمام. .."
---------
حطينا ااغدا اللي هو العشا برضوا في نفس الوقت لانه بييجي متأخر من الشغل وانا مش بعرف اكل لوحدي. ...
" ممكن نتكلم؟ "
بصلي بهدوء وانا اتوترت ...اكتر شي بيوترني عنيه ، نظرته شديدة وقوية بحس انه مش محتاج يتكلم لان نظراته بتعبر عن حاله. ... او ممكن عشان انا بحب عنيه. ..
- مفيش مشكلة نتكلم
" تمام هعمل الشاي ونقعد في البلكونة شوية "
- تمام
-------
" اتفضل الشاي بالنعناع اهو وانا هاخد الشاي بلبن"
- تسلم ايدك. ..
اتكسفت من رده البسيط وكالعادة رجعت خصلة شعري ورا ودني عشان ادراي توتري ...كاني نسيت الموضوع ونسيت كل حاجة هو قاعد ببشرب الشاي وسرحان وانا قاعدة مركز في ملامحهم ...هو ليه الوقت ميقفش عشان احفظ ملامحه. ..ليه مينفعش اتكلم معاه واضحك زي اي اتنين متجوزين، ليه ميكونش بينا حب، ليه حاسة اني مش مسموح ليا حتي اشاركه حزني وفرحتي واكتفي بس بحالي ده
- رانيا. ...رانيا
" ها. .. آه معاك "
- مالك سرحانة ؟ وايه الموضوع اللي عايزاني فيه؟
" أحمد انا عايزة اخلف"
اتعصب ووقف' انا الموضوع ده قلت ميتفتحش تاني وقولت مش عايز عيال'
" بس انا عايزة. ..يا احمد والله حرام تحرمني من اني اكون ام، ممكن بس تقولي ايه السبب وانا هتقبل الموضوع "
- مش هبرر حاجة
عيطت " أحمد انا وانت هينفع نخلف بالله فكر في الموضوع عشاني"
- مش هفكر في مواضيع. ..والموضوع ده ميتفتحش تاني. ..انا داخل انام

---------
- مالك يارانيا ساكتة من ساعة ماجيتي؟
" مفيش ياماما. .سلامتك "
- باست راسي ' مالك ياحبة قلبي عنيكي ورامة وتعبانة '
" ادعيلي بس ياماما. ..انا هدخل اشوف بابا ، اخباره ايه النهاردة؟ "
- عنيا يابنتي ...تعبان بس خدا الدوا ونام شوية
كنت لسه هتكلم بس سمعت صوت خبط وصوت عالي في الشقة اللي فوقينا وطبعا دي شقة عمي وعائلته اكتر ناس مؤذيين وعمرهم مابيتمنوا الخير لحد ودايما بيتخانقوا معانا وخصوصا مرات عمي
- ايه دا الست هانم هنا ...
" اخبارك يامرات عمي "
- كنت بخير ياختي قبل مااشوف الأشكال اللي تدس النفس دي
فاطمة : تعالي يابنتي ادخلي جوا مش عايزين مشاكل
- خديها دخليها جوا ... يامريم خدي ولدك ودخليه جوا احسن في ناس عنيها وحشة هنا

سكت ... انا فاهمة مرات عمي بتلمح لايه، انا بجد بحب الأطفال بس والله مش ذنبي اني معنديش طفل، مش ذنبي خالص حتي لو ربنا مدنيش اطفال ليه المجتمع والناس بيجعونا اكتر،  طيب هما فاهمين مدي بشاعة الشعور اللي بنحس بيه لما نشوف عيل صغير،  طيب لما تكون كل امنياني اني بس اصحي علي عياطه واسمع ضحكته وخطواته في الشقة،  طيب اول كلمة هو هينطقها، انا حتي محتاجة اوصفهم اني هموت بس ويكون ليا ابن اشم ريحته واخده في حضني، مش هبعده عني هستحمل تعبه وزنه ومشاكله بس يكون معايا،  طيب لما أكبر مين هيكون معايا،  او لما ازعل واتعصب هقعد مع مين،  انا نفسي يكون عندي ابن نتخانق ونضحك ونزعل ونشارك بعض كل تفاصيل حياته من اول خطواته واول كلمة قالها لحد مايكبر وييجي يقولي علي حبيبته، طيب البيت هيفضل مضلم كده وناقصاه الروح،  قلبي هيفضل فيه غصة ومستحيل تتعالج، هفضل كده بالنسبة للناس واحدة هتحسد العيال عشان محرومة منهم. ...دايما بصبر واحتسب لان ربنا هيكافئني ، زمان كان عندنا ست كبيرة كان كل اللي في الشارع بيقولها ياامي وهي فعلا كانت ام الكل بحنيتها بابا عرفني عليها ولما ماتت الكل زعل عليها وكان في ناس كتير بتبكي على موتها ولسه لغاية دلوقتي بابا بيدعيلها رغم انها ماتت من 15 سنة. .. رجعت البيت نمت، مبقتش اتعامل معاه خالص ولا اكل معاه مكنش في فرق كبير لان كده كده مكنش في بينا كلام...مر أسبوعين ولقيته مرة واحدة جاي من الشغل عرقان ومتوتر كان بيتنفس بصعوبة ...جريت عليه
" أحمد حبيبي في ايه مالك؟ دقيقة اقعد هجيب مية"
مسكني وحضني وعيط. ..قلبي وقع معرفش في ايه
" أحمد في ايه مالك؟"
..........
" أحمد في ايه؟  في حاجة حصلت متخوفنيش في ايه؟ "
- البسي وتعالي معايا من غير كلام
-------
لبست ومشيت معاه ركبنا العربية وطول الطريق ساكت وماسك أيدي،  حاسة برجفته وجسمي بيترجف من رجفته هو ، نظرة عنيه  تايهة ومليانة خوف وندم  ...وصلني  بيت اهلي كان في ناس متجمعة وقتها قلبي وقع بصيلته علطول واتمنيت انه يكدب شكوكي بس دموعه كانت أقوي إثبات
" بابا ....بابا مات. ..احمد الناس متجمعة ليه؟  بابا كويس انا كنت هكلمك النهاردة عشان اروح أشوفه لانه وحشني. ..بابا كويس يااحمد. ..