اسكربتتات خلود ناجي 💜

اسكربت رقم 14

- عبد الرحمن هييجي بكرة
" ماشي"

عبد الرحمن ابن صاحب بابا وبكرة الرؤية الشرعية ، الموضوع بالنسبالي عادي لان بابا قرر وانا هنفذ وماما شايفة اني المفروض اوافق والا هبقي غبية،  ماما شايفة اني دايما غيية مش بفهم حاجة ، وأني شخصية ضعيفة ومينفهش اعارضها ولا حتي اتناقش معاها والا هكون قليلة ادب،  اتربيت على اني اضرب كل مااغلط اضرب والعقاب كان بيكون اني اتحبس في الأوضة، عندي اخين والاتنين أكبر مني سافروا بره ومش بيرجعوا البيت الا نادرا وانا عشان بنت مش هينفع اسافر واشتغل زيهم ، بتقارن دايما ببنات خالاتي وماما شايفة اني مش في كلية حلوة زيهم ولا حلوة ومدلعة زيهم وان لبسي للنقاب ده تخلف وشى رجعي تاني زي اهل بابا متخلفة ومش بفهم ، بابا علاقتي بيه عادية هو بيشتغل محاسب في بنك وعشان كده دايما في شغله ومشغول وعشان كده ميعرفش عننا حاجة هو شايف اختار لينا ام مناسبة،بابا راجل عادي بس ملتزم بالصلاة وللقرءان عشان كده فرح اني لبست النقاب ، على رغم وحدتي وضعف شخصيتي الا انني كنت بحاول اغلف نفسي بغلاف وشخصية مش بتاعتي شخصية مش شبهي ولا عمرها هتكون شبهي شخصية اني بنت قويةومستحيل حد يقدر يقرب منها او يهز ثقتها في نفسه ، بس عشان كده ثابتة ومنهترش ولا حاولت اروح لحد احكيله معنديش صحاب للاسف ومين هيقرب من واحدة ضعيفة وجبانة وعمرها ماهتدافع عن علاقة تخصها ، ولا حاولت اصاحب بنات لاني هتقارن بيهم وانا عارفة اني وحشة سواء شكلا او طبعا معنديش ذوق في اللبس ولا حتي بعرف اتكلم زي البنات ، ماما دايما بتيجي تقولي وتوريني صور بنات اخواتها ولبسهم الحلو وكل واحدة مخطوبة لواحد غني وليه منصب وهم اتقدملهم الطيار والظابط والمهندس وانا اخري هتجوز واحد اكبر مني ب20 سنة لاني غبية ووحشة ، كداب الللي قال الكلام مش بياثر واكبركداب كمان انا حاولت الانتحار اكتر من مرة بس في الاخر كنت برجع اعيط واستغفر ربنا انا مش عايزة اخسر اخرتي  ، شايفة اني سلبية عارفة بس انا لو اتكلمت هشتكي مين ولمين طيب مين هيسمعني ، ربنا موجود وده اللي مهون عليا ، انا لسه فاكرة لما مرة ضعفت وكلمت شاب كنت وقتها لسه راجعة من خطوبة بنت خالتي اللي اتجوزت مستشار وهيعيشها ملكة وماما كالعادة هزقتني وقتها كان في ولد بعتلي رسالة علي الماسنجر رديت عليه واتعودت اتكلم معاه علطول وكنت بكلمه اليوم كلع بس علي نهاية اليوم كنت بنام عايطة وكارهة نفسي ، سبت الصلاة وكنت هقلع النقاب لالني كده منافقة بس الحمد لله ربنا ثبتني علي اخر لحظة ، ممكن الولا دخ كان بيكلمني زي ماتعود يكلم بنات عادي انا مش هلومه بس انا كرهت نفسي اني اديته مشاعر مش ليه ، كرهت اني كلمته وقربت منه وكرهته هو شخصيا خصوصا بعد ماطلب يقابلني واننا لازم نطلع نتقابل في الكافيه وقتها عيطت كتير كنت عايزة اقوله اني غالية والله غالية لدرجة اني مينفعش اكون كده واخون ربنا واهلي والشخص اللي هكون من نصيبه ، طيب قلبي دخ امانة والله  ومنتظرة صاحبه عشان اخليه يملكخ بحبه ، انا غالية لدرجة اني مينفعش اخون ثقة اهلي واخواتي ، انا مش كدخ ، كنت عايزة اقوله اني بخاف جدا اني اتاذي وبخاف كمان اني اتساب لوحدي في الضلمة او اتساب في العموم عشان كدخ عملت اكتر حاجة بخاف منها وسبت الشخص ده لو بيحبني يعرف بيتي مش هيغلب ، ولو بيتسلس فربنا يغفرلي ويغفرله ، الحياة غربية وقلوبنا اغرب  عشان كدخ بخاف احب ، صح نسيت اعرفكم بنفسي انا فريدة بنت العشرين اخر سنة في  كلية  حقوق ، قومت صليت استخارة زي كل يوم عبد الرحمن اتقدملي من اسبوع وماما اجبرتني اني اوافق لانه شاب كويس معاه منصب وفلوس ومناسب واني مطولش اكون مراته ومؤكد غلط في العنوان ، ماما استغربت انه هيتقدملي وطلبت من بابا يتاكد هو عايزني انا ولا حد من ولاد خالاتي ضحكت وقتها ودخلت اوضتي عملت كوباية شاي بلبن وطلعت الرواية وطلعت في البلكونة اقرا وكالعادة فردت شعري دي الطريقة الوحيدة اللي ممكن اهدا بيها وقتها استغربت وعيطت من ردة فعل ماما بس هي عندها حق هو ممكن غلط في العنوان ، طنشت تفكيري والموقف ده ودخلت انام
- قومي اعملي مسك ولا زفت  بدل مالراجل يشوفك يطفش
قومت بضيق  بس سكتت" حاضر ياماما هقوم اهو"
- مروة هتيجي تتكرم وتحطلك مكياج وخليتها تجيب معاها فستان بدل القرف اللي عندك ده 
" ياماما ماانا عندي لبس كتير حلو "
- انتي مسمية الجلاليب الفلاحي دي لبس ماانتي واحدة غبية ومتفهميش صحيح
عنيا دمعت بس سكتت ، انا مستحقش كده ولا انا وحشة كده ،انا والله لبسي حلو ومهتمية بنفسي وبلبس حلو بس انا منتقبة وحابة النقاب وعندي اغلي الماركات والله وعندي ميكاب بحطه في اوضتي وعندي اكسسورات حلوة بس الفرق اني مش بعمل كده ولا بلبس قصير قدام الغربب. ... انا مش معقدة ... دلوقتي عايزة اعيط انا ليه معنديش اخت تهون عليا ليه اخواني مش بيسألوا عليا طيب ليه بابا مش صحبي ليه ماما مش صحبتي ليه هي أكبر عدو ليا ليه محسساني اني اقل واحدة دايما. ... انا مش مسمحاها علي اي دمعة نزلتها ولا إي مرة حسيت فيها اني قليلة ومينفعش اكون زي البنات واني مش حلوة. ...هي ليه مفهمتنيش اني كل بنت حلوة وكل واحدة مميزة بروحها وان الشكل مش كل حاجة. ...انا بكرهها بس .... انا بكدب انا عمري ماكرهتها بس انا موجوعة منها وهي بتغرس في قلبي سكاكين
" مستحيل يامروة البس الفستان ده .. دا قصير جدا وكمان ابيض وشفاف انا منتقبة يامروة "
مروة سابتني ومشيت وانا عارفة ان دلوقتي هتبدا الحرب بيني وبين ماما
- انتي متخلفة
" ياماما والله حرام البس الفستان ده وكمان انا منتقبة"
- هتقليعه وياانا ياالنقاب
" ماما انتي غالية عليا بس مش هقلع النقاب "
- طيب هتشوفي انا هعمل ايه