"وأخيرا ....ياايمان هتعلم الرسم...انا اتقبلت في ورشة الرسم اللي قلتلك عليها. ...يااحلي يوم في عمري "
-الحمد لله ...طيب دفعتي الفلوس ولا لسه...استني معتز وافق ؟؟
"ايمان بصي انا دفعت الفلوس من غير اذن معتز ...انا كرهت اللي بيعمله فيا...ياايمان هو مخليني عايشة في سجن انا مش عارفة مستحملة جوزك ده ازاي
... -ههههه انا عارفة والله انه صعب بس طيب جدا والله
" طيب!!!! انتي اللي طيبة يامرات أخويا ...انا هروح اكلم معتز واطلب منه الاذن طبعا عشان يوافق كفاية اني مطلعتش من 3 شهور
-اوك ...بس بلاش عند ...
"اوك💙"
......
-خير ...
"مفيش يامعتز ...انا في ورشة رسم اتوصلت معاهم وهروحها بكرة عشان اتعلم الرسم
-وايه فايدة الرسم بقي ...مالوش 30 لازمة
" ده بالنسبالك....اما ليا فهو حياة وعالم تاني. ..عالم جميل وكله ألوان. ..عالم انت اللي بتلونه ...عالم مفهوش نفاق ولاكدب...الرسم افضل صديق في حياتي ... الكل بيدور علي صديق يستحملنا وقت وجعنا وضيقنا يستحمل غضبنا المكتوم ...عصبيتنا من اتفه الأمور اللي سببها اكبر الامور بس متراكمة ...يستحملني لساعات طويلة بدون ملل ولاتعب....يستحملني سنين طويلة ...ويستحملني في اوقات تعبي وحزني اكتر من اوقات فرحتي وسعادتي ...انا لقيت الصديق ده ...ولقيت كل ده في الرسم "
-تمام ...اعملي اللي عايزاه
"بجد..... تمام ...سلام "
.....
بفرح"ايمان ...معتز وافق ....اللهم لك الحمد "
-الحمد لله ياحبيتي ...يلا بقي روحي جهزي ادواتك ...
"اوك. ..."
....
تاني يوم روحت الورشة كنت مبسوطة جدا لأول مرة في حياتي انا اختار حاجة. ..لأول مرة محدش يفرض عليا شي ...الشعور ممتع جدا .....
-ياانسة...تعالي هنا دقيقة
"انا !!!!!
-لا انا....تعالي دقيقة ياانسة
استغفر الله هو اولتها أوامر يارب صبرني" نعم حضرتك "
-اقعدي علي الكرسي ده كده .....ركزوا معايا شباب. ...دلوقتي الآنسة دي مثلا لو عايز ارسمها. .. وهي قاعدة قدامي وطبعا واحدة زيها مش راضية تثبت نعمل ايه....اقلكم نعمل ايه. ..
"واقف قدامي وركز في عنيا ...الصراحة انا خوفت جدا يعني " ...... مرت خمس دقايق ومفيش صوت ولا حركة ولا اي حاجة. ..
"ياكابتن ....نعمل ايه. ..."
-اه....انا اسف. ..اول حاجة هنعملها هنرسم عنياها بس قبليها بنرسم الوش اوت لاين خفيف خالص وبعديها نشوف النسب مظبوطة ولا لا .... تمام كده ....
-طيب ممكن تخلي الآنسة ترفع وشها يااستاذ نادر عشان نشوف عنياها
"انا مش هرفع وشي...بعد اذنكم "
هو الواحد ناقص ...قال يشوفوا عنيا قال اقعد انا قدام 30 ولد وكلهم اكبر مني انا خوفت منهم كفاية المدرب بتاعهم ...
-ياأنسه انتي ....
"نعم حضرتك. ...
-ممكن تهداي شوية ...هو انتي اسمك ايه
شئ ميخصكش عن أذنك. ..
......
انسة رزان ....استاذ معتز كلمني وقالي ان حضرتك معانا في الورشة. ....ودا شي يسعدني جدا
"شكرا لحضرتك ...بدون تضييع وقت مين المدرب بتاعي وفين هو ...
-انتي هيدربك أفضل مدرب هنا هو اسمه ....
اسمي نادر. ....كان بيبتسم بسماجة والله لو ينفع اشوه وشه ده كنت عملتها ...
ابتسمت ابتسامة صفرا " اه اتشرفت بمعرفتك ...وانا رزان ..."
-باين كده علاقتنا هتكون كويسة جدا يعني ...
"ان شاء الله....ممكن نبدا بقي ....
-اه طبعا ....نبدا
...........
