اسكربتتات خلود ناجي 💜

اسكربت رقم 21

-شذي هانم بنفسها عندنا
"هه... طيب انا هستاذن يافاطم "
فاطم: يابنتي انتي لسه جايه
" معلش بس عندي شغل ضروري ولازم ارجع البيت بسرعة "
- طيب اجي اوصلك ؟
اتوترت " لا ...انا همشي لوحدي"

- عاصم ...اخو فاطم "مرات أخويا " فاطم صحبتي ويعتبر اختي ، متجوزة حازم من سنتين وهي دلوقتي قاعدة في بيت باباها عشان حازم مسافر وهي بتخاف تقعد لوحدها وانا بزورها علي فترات. ..ممكن عشان بهرب من عاصم. ..هو بيحبني واتقدملي كذا مرة بس رفضت رفض قاطع ، عشان كده مش بحب اتكلم معاه، ... دايما بيغلس عليا ويتريق عشان يعصبني وارد عليه بس مبقدرش اتكلم قدامه عشان كده بهرب، هو فاكر اني بكرهه بس انا عمري ماكرهته بالعكس انا معجبة بيه بس مش كل حاجة بنحبها هتكون لينا

-مش هتنزلي شغلك
" ليه بس ياماما؟ "
- انا قلت كلمة وخلصت. ..النهاردة خالتي سمية وابنها هشام هييجوا ...ولازم اقعدي معاهم
" يا ماما هشام عكسي ومش هينفع اتجوزه "
- وايه اللي قل نفعه بقي، شاب وكويس ومحترم ومرتاح ماديا وكمان ابن خالتك هتعوزي ايه تاني
عيطت " هعوز شريك ليا....واحد يكون شريكي في الحياة...انا مطلبتش حب انا طلبت شخص يكون شريكي بس ..هشام مش بيفكر غير بالفلوس ، هو عايز اي واحدة يتجوزها والسلام مش ذنبي انك عايزة تحققي احلامك عن طريقي. ..انا مش هتجوزه ياماما ولو اجبرتيني والله ماهقعد في البيت حرف 
- طيب ياشذي ..انا خلاص قولت كلمتي مش هتتجوزي غير هشام والا انتي مش بنتي ولا اعرفك  ... انتي فاكرة اني هبلة ولا ايه ومش عارفة انك بتحبي عاصم بس مش هخليكي هتتجوزيه ... وانا ياجوازك من عاصم ياشذي

9 شهور والحوار دايما بينتهي كده ، هي اول واحدة عرفت اني بحبه بس بدل ماتقف معايا بتستخدمه ضدي ...جوازي من عاصم هيكون نفس يوم طلاق حازم وفاطم...ماما مش وحشة انا عارفة كده وهي طيبة بس هي شايفة نفسها دايما صح واحنا غلط ومش فاهمين حاجة. ..حازم اتجوز فاطم بعد ماحبها وماما كنت مصرة انه هيتجوز اخت هشام مروة بس هو وقف قصادها واتجوز فاطم. ..ماما زعلت في الأول بس بعديها رضيت ووافقت،حازم شخصيته قوية ويقدر يحمي فاطم من الدنيا كله مش ماما بس... بس انا مش زي حازم ، انا بحبها بس هي بتستغل ضعفي وحبي ليها .. حاولت كتير أفهمها انها كده مش هتحميني ولا تخليني أحبها بالعكس كده هكرهها ... بس للاسف كاني بكلم نفسي ،
- هشام عايز يحدد ميعاد الخطوبة وانا قولته الأسبوع الجاي هنجيب الدهب ونعمل الخطوبة علطول
اتصدمت وعيطت " انتي بتعملي فيا ليه كده ؟ حرام عليكي بقي، قلتلك مش هتجوزه ...مش هتجوزه ياماما،  انتي قولتي ياجوازي من عاصم ياانتي ، وانا اشتريتك بالغالي وبعت عاصم رغم انه شاريني ...عملت كل حاجة عشان ترضي بس انتي بتدوسي عليا...انا مش هتجوز خالص كفاية بقي ممكن ...كفاية والله حرام "
- حرام؟؟ انا اتطلقت ومرضتش أتجوز عشان اربيكي انتي  واخوكي وفالاخر تسيبوني، انا بعت عالمي كله عشانكم وفي الاخر انتوا تعملوا كده ، اخوكي راح أتجوز واحدة غريبة عننا وانتي عايزة تتجوزي اخوها،  مستحيلة اسيبك تعملي كده ...انا ضيعت عمري كله عليكم وانتوا طلعتوا متستهلوش حاجة. ..زي ابوكم ناكرين الجميل ...ادي اخوكي من ساعة مااتجوز وهو ولا بيزورنا
" اخوكي يزورك وانتي بتهيني مراته...ااخوكي يزورك وانتي مفكرتيش تسالي عليه مرة. ..أخويا يزورك وانتي مرضتش تباركي لمراته علي حملها. ..ولا حتي تروحي تسألي عليها...طيب حتي اسألي عليها في الفون. ..انتي عايزنا بس نسمع كلامك ...يا ماما والله احنا بشر.....
- طلعتوا انتوا الملاك وانا الشيطان صح؟
" انا مقولتش كده بس ....
- آخر كلام عندي والله لو موفقتيش علي هشام لاكون غضبانة عليكي ليوم الدين