اسكربتتات خلود ناجي 💜

اسكربت رقم 19

' انا عجبتني طريقة تفكيرك وهزارك مع البنات في الكومنتس،  وعجبني جدا طريقة الرسم بتاعتك. ..'

مسج لقيتها في الازر ، مبحبش افتح الماسنجر خالص عشان الرسايل المستفزة في ناس كده تخصصها تدخل الخاص وتبعت رسائل كفيلة بأنها تكرهك في السوشيال ميديا كلها .... ركزت في اسم اااكونت وكان ولد اسمه احمد ، بطبعي مش برد علي أولاد بس رديت ...مش هيحصل حاجة من رد يعني بعتله مسج بشكره فيها على كلامه...ولقيته رد بسرعة ...
- مش مصدقة انك رديتي بسرعة ...حقيقي انا معجب بفنك ياايمان
" شكرا لذوق حضرتك"
- انا بحب الرسم بس مش بعرف ارسم. ..انا بغني وبحب الغناء جدا
" الرسم سهلة جدا اي حاجة تقدر تتعلمها "
- يعني مش موهبة؟
" طيب الغنا موهبة بس؟"
- لا ...لازم الواحد يعرف كويس طبقة  صوته ويستخدم ابلكشين معينة تبين صوته بطريقة حلوة
" الرسم كده برضوا،  جزء موهبة والجزء التاني شغل واجتهاد علي نفسك ...الغنا موهبة اكتر ، بس الرسم تقدر تتعلمه عن طريق كورس المهم انك بتكون حابب الرسم،  الموضوع سهل بس حضرتك تنوي"
- ممكن بلاش حضرتك وقولي احمد
" انا شايفة حضرتك افضل "
- بس انا مش كبير للدرجة
" مش موضوع كبير ولا صغير  .انا مش بحب أنادي ولد باسمه بس مش اكتر وخصوصا لما يكون غريب "
- تمام ... حقيقي اتبسطت انك رديتي عليا وشوفتي المسج

معرفش مر ازاي 3 ساعات بسرعة كده ، حسيت بضيق انك كلمته بس بعديها قولت عادي مفيش داعي اكبر الموضوع كده الناس كلها بتتكلم ... نمت وصحيت  تاني يوم متأخرة علي الجامعة. ..انا في خامسة كلية تربية فنية عشان كده بحب الرسم ، ....كالعادة الدكاترة طلبوا مشاريع نعملها ونسلمها بسرعة و حاجة اخر استفزاز الدكاترة دي والله ، الواحد بيكره نفسه بسببهم ...
رجعت البيت مضايقة جدا وتعبانة المشاريع كتيرة ومفيش وقت غير مصاريف الأدوات. .فتحت فيس ونزلت بوست تريقة عن الكلية. ...لقيت احمد بعتلي مسج وانه عايز يتعلم الرسم ...ممكن اقوله علي مكان كورس حلو
" في كورس تبع الجامعة وعليه خصم حلو جدا "
- تمام ...هو انتي كويسة ؟
" اه كويسة ...فيه حاجة حضرتك؟ "
- اصلي حاسس انك مضايقة وزعلانة من اخر بوست نزلتيه؟
معرفش ليه عيطت حكيتله كل حاجة ضغط الدكاترة والمشاريع. ..وكلام الناس والقرف، ...حكيت كل حاجة وهو سمعني وبس ، اللي بيخلينا للاسف منستغتاش عن شخص بيوجعنا انه بيسمعنا، انا طول عمري بستغرب البنات اللي بيحبوا رغم الخناقات والتجاهل،  عرفت انهم مفيش حد بيسمعهم غير الشخص دا ، ولو بعدت مش هتنساه لأنه أول شخص سمعاها ، اول  شخص وقف معاها وسندها اول ماوقعت، انا لحد دلوقتي مش شايفة ده مبرر انها تكلم ولد برضوا وتدخل في علاقة محرمة ، انا فضلت أنصح االبنات وافكرهم بأوامر ربنا لينا واحذرهم من الغلط لحد ماوقعت انا في الغلط ، قلبي كان معمي كنت حاسة اني مغيبة عن الوعي ...كنت بكلم احمد طول الوقت بنتكلم ونهزر ونضحك، طول اليوم بنتكلم مع بعض لو قفل  دقيقة انا بتعصب وبزعل وهو نفس النظام،  مرت6 شهور وطول الوقت واحنا بنتكلم مع بعض ، بس صدمني انه بيحبني ... في الوقت ده عقلي وقف ، لان وقتها أخويا دخل وانا خبيت الموبيل،،  وقتها عقلي ترجم اني بعمل حاجة غلط ، وكأني أخيرا رجعت لوعيي ، عملت بلوك  لاحمد،  وقعدت عيطت كتير حسيت بوجع كبير في قلبي ، انا غلطت ...انا خفت من مصطفي ومخوفتش من ربنا؟ ؟؟ ازاي ؟ انا كنت بخاف اسلم علي راجل عشان مغضبش ربنا اقوم اكلم شاب للساعة3 الفجر كل يوم وكمان اكلمه في الفون، طيب بابا اللي مفكر انه رباني تربية صالحة، و مصطفي  اللي تعب في تربيتي وتحفيظي القرآن،  وانا ...وحلمي انا اكون تربية صالحة عشان اكون سبب في دخول بابا الجنة    ....انا فين من كل دا،،، إيمان فين؟ ،،، قومت صليت ركعتين بنية بداية جديدة،  نزلت فيديوهات لشيوخ اسمعلها، الفيديوهات دي هتشحن قلبي بالطاعة،  مسحت التراب من علي مصحفي ورجعت لوردي،، رجعت تاني  ... ومن وقتها وانا عمري مافكرت اتكبر علي حد واشوفي نفسي اعلي من حد ولا اكبر من الفتنة ... لمجرد ان شخص اتفتن كده هو مش وحش ولا انا احسن منه. ..الفرق ان ربنا حفظني برحمته بس ....