الـطـالـبة وابن العـم ❤️🔞

(البارت8)

الـطـالـبـة وابـن الـعـم ❤️🔞

الـكـاتـبة رنـا النـصـيـري

البارت 8

فعلا وصلنه يعني هستوها صارت ب 3 بليل واشوف جماعة شباب وزلم يردون يصعدون ومسلحين صرخت بصوت عالي وصار الرمي بيناتنه واكو شاب رمه ع بيت عمي وصارت الاشتباكات قوية بيناتنه

مصطفى .. جنت ارمي عليهم وعلي منهار بالرمي يخلص الشاجور بسرعة اجيت اركض علي شفت واحد تقدم علي الولد تقدمو عليهم وشردو ركضنه وراهم نرمي من رجعنه واحد يباوع بوجه الثاني

حسين .. بتعب .. علي وين

ركضنه ولكينه علي 😳😳 طايح والدم ماخذه بسرعة شلته وركبنه سيارتنه بقه بس موسى وابن عمي لاخ  يم بيت عمي وحسين خطيه حاضن اخوو ويبجي لقرب مستشفى نزلته ودكاتره انخبصو اخر شي اجت دكتورة ودكتور اكبار بالعمر

دكتور .. فورأ يدخل بالعمليات لين الطلقة مو خارجية ونزيف هواي يلا ولدي بسرعة

اخذو وضلينه اني وحسين واكفين ربع ساعة ماكو اي خبر بعدين اجو عمامي ولد عمنه وعمي بالعمارة كلها نص بقو خارج المستشفى مسلحين نكلبت المستشفى شباب وزلم من عشيرة

داليا .. جنت نايمه اسمع صوت رمي قوي  وسمعت هم  اصريخ قوي بالبيت نزلت ركض والرمي ماوكف والرمي اتجاه الشباك مال غرفتي اسمع صوت الجام انكسر بعدين نسمع بس صوت شلون المواجهات اخواني اجو يطلعون يرمون بس بابا ماخلاهم خاف عليهم شوية وتوقف صوت الرمي ركضو بابا واخواني ع الباب واني ركضت فوك لغرفتي واشوف الجام والغرفة صايره كارثة من الكزاز حتى الحيطان مالتي طلق بيها بهل اثناء سمعت صوت قوي وحجي نزلت ركض واشوف موسى مخلي ايده ع  راسه ويخابر

موسى .. اي عمي والله هذولة الكلاب اجو يصعدون لكينه ثنين صاعدين اصلا ع السياج وعلي رمه عليهم اي عمي اكثر من 10 جماعة هواي صار الرمي بيناتنه والجبناء شردو ركضنه وراهم ولكينه علي بمكانه اي اي هسه اخذه مصطفى هلا بيكم

اسمع ومامفتهمه شي كتله شلونك موسى شنو صاير فدوة

بابا .. ابن عمج مضروب والدم بطوله وهسه ماخذينه بالمستشفى

سمعت هيج وتخبلت خليت ايدي ع حلكي وهزيت راسي بمعنه لا مو صح عفتهم وركضت لغرفتي بجيت بجي ماكدر اوصفلكم شعوري بهذيج الحظة عيوني ورمت من كد مابجيت وادعي ربي يكومه بسلامة ويحفظه مو لخاطري بس لخاطر عمي واهله كلت هاذا البجي مايسويلي شي توضيت ومديت المصلاية وصلايت

بابا .. اني صالي ساعة صافن شنو سبب الهجوم علينه

موسى .. عمو كل مافي الامر علي يم القاضي واجته رسائل من طالع فاتحهن وكاتب هذاك اذا ماتسحب القضية مال ابن عمي من قاضي نخطف واغتصب بنتك داليا واحتمال الاكبر حتى اكتلهن ف ماكدر يكعد بقو هوه ومصطفى يبحثون بالقضية لحت ماجته رسالة ب 11 كاتب اليوم راح اهجم ع بيت عمك اسويهم طشار ف بسرعة اجينه ودمنه نارر مصدكنه نوصل والحمدالله وصلنه جان هسه بناتك وانته عمي الله يعلم شمسوين بيهن هذولة الحقراء بس بقه بالي يم علي اخابر مصطفى ميجاي يجاوب