Unicode 🏎
တီရှပ်ခပ်ပွပွအဖြူကို ဒူးအထက်ဘောင်းဘီအနက်အတိုလေးနဲ့ တွဲဖက်ဝတ်ဆင်ကာ ထမင်းစားပွဲမှာ ဝင်ထိုင်လိုက်သည့် Yellowအား တစ်ချက်သာမော့ကြည့်ပြီး လှီးလက်စ အသားကို ဆက်လှီးနေလိုက်သည် ။
Haechanက အသားတစ်ဖက်ဝါးရင်း အကဲခတ်သလိုကြည့်နေပေမဲ့ Jisungနဲ့Chenleကတော့ ခေါင်းပင်မဖော် ။
သူ့ရှေ့က ပန်းကန်ကိုကိုင်ကာ အဓိပ္ပါယ်မဲ့ ထိုင်တွေးနေသည့် Yellow ရှေ့က ပန်းကန်ကိုဆွဲယူလိုက်ပြီး အသားတွေအပြည့်လှီးထားသည့် ကျွန်တော့်ပန်းကန်နဲ့လဲပေးလိုက်တော့ မော့၍ကြည့်သည် ။
သူ့အကြည့်တို့အားမသိကျေးကျွံပြုကာ အသစ်စက်စက်ပန်းကန်ထဲက အသားတို့ကိုသာလှီးချွတ်နေလိုက်သည် ။
တိတ်ဆိတ်ခြင်းကို ကိုယ်စားပြုတဲ့ ညစာစားပွဲလေးမှာ ဘယ်သူကမှယောင်လို့တောင် စကားဦးမသမ်း..
ထိုတိတ်ဆိတ်မှုအားဖြိုခွင်းလိုက်သည်က ဖုန်းသံတစ်ခုသာ..
ကျွန်တော့်ဖုန်းလာနေတာမို့ ထိုင်နေရာမှထကာ showcase ပေါ်တင်ထားသည့်ဖုန်းယူကာ ကြည့်လိုက်တော့ မာမီ့ဆီက..
" ဟယ်လို.. "
" Minhyung ah "
တုန်ယင်နေတဲ့မာမီ့အသံလေးနောက်မှာ တမ်းတလွမ်းဆွတ်ခြင်းတွေ အပြည့်ပါဝင်လို့နေမှန်း ကျွန်တော်ခံစားမိတယ် ။
" Nae."
" သတိရတယ် "
မာမီ့စကားအဆုံး အံကိုတင်းတင်းကြိတ်ကာ မျက်ဝန်းဖျားက မျက်ရည်ကြည်အချို့အား မျက်တောင်နှင့်ပုတ်ခတ်၍သိမ်းဆည်းလိုက်သည် ။
" အိမ်ပြန်လာခဲ့ "
" ကျွန်တော်တောင်းပန်ပါတယ် မာမီ "
" Minhyung မင်းကိုမာမီနေ့တိုင်းမျှော်နေတာ "
" တောင်းပန်ပါတယ် Hyung "
" မလိုပါဘူးကွာ.. အားရင်တစ်ခေါက်လောက်ဖြစ်ဖြစ် မာမီ့ကိုမျက်နှာလေးလာပြလိုက်ပါ "
" ကျွန်တော်ကြိုးစားပါ့မယ် "
" Minhyung ah! အမေ သားကိုအရမ်းချစ်တယ်နော် "
YOU ARE READING
🏎️Racer🏎️
Fanfictionကြၽန္ေတာ့္ခ်စ္သူရဲ႕ေျခေထာက္ကို ခင္ဗ်ားလည္ေခ်ာင္းေသြးနဲ႔ေဆးေပးရမွ ကြၽန္ေတာ္ေက်နပ္မယ္... MarkRen feat:: RenMin [ Unicode ] ကျွန်တော့်ချစ်သူရဲ့ခြေထောက်ကို ခင်ဗျားလည်ချောင်းသွေးနဲ့ဆေးပေးရမှ ကျွန်တော်ကျေနပ်မယ်... MarkRen feat:: RenMin
