သက္ကရာဇ်တစ်ခု၏ ချိုမြိန်သောရက်စွဲများ(Completed)

28.

ဝုန်း ဝုန်း

"သက္ကရာဇ်! သက္ကရာဇ် မင်း ဘာလုပ်တာလဲ ''

"ခင်ဗျား ဖယ်နော် မဖယ်ရင် ခင်ဗျားကိုပါ သတ်ပစ်မှာ!! ဖယ်လို့ပြောနေတယ်လေ!! "

ရဲစခန်းကခံဝန်နဲ့သွားထုတ်လိုက်ပြီး အိမ်ကိုရောက်ရောက်ချင်းပဲ သက္ကရာဇ်က အိမ်ပေါ်သို့ဝုန်းဒိုင်းကြဲတက်သွားပြီး နံရံကိုလက်သီးနှင့် အကြမ်းပတမ်းထိုးနေသောကြောင့် ဥာဏ် ဝင်ဆွဲလိုက်ရသည် ။

ဒါက သက္ကရာဇ်ဆိုပေမယ့် ဥာဏ်ကတော့ သက္ကရာ ခန္ဓာကိုယ်ကို နည်းနည်းလေးတောင် အထိအခိုက်မခံနိုင်ဘူး ။
ခန္ဓာကိုယ်ချင်းသိပ်မကွာတာမို့ သက္ကရာဇ်ကအားနှင့်ရုန်းနေတာကို ဥာဏ့်မှာမနည်းဆွဲထားကာ ထိန်းနေရသည် ။

"မင်း ဘာဖြစ်နေတာလဲ ငါ့ကိုပြော အခုမင်းကြောင့် ကိစ္စတွေအားလုံးရှုပ်ထွေးကုန်တာကို မင်းကပါ ငြိမ်ငြိမ်လေးနေပေးလို့မရဘူးလား ''

ဥာဏ့်စကားကြောင့် သက္ကရာဇ်က မဲ့ပြုံးပြုံးကာ ခနဲ့တဲ့တဲ့ဖြင့် ရယ်သည် ။

"အဟက် အဲ့လိုရှုပ်ထွေးကုန်တာ ငယ်သွေးဆိုတဲ့မိန်းမကြောင့်လေ သူကများ မတန်မရာ ငါ့ချစ်သူကိုမှန်းရဲသေးတယ် တစ်ခါထဲသေသွားရမှာ တခြားသူတွေသာ ဝင်မတားရင် အဲ့မိန်းမကို အဲ့နေရာမှာတင် သတ်ပစ်လိုက်မှာ ''

ခွပ်!!!

သက္ကရာဇ်စကားအဆုံး မျက်နှာတစ်ခြမ်း၌ ပူထူသွားကာ နှုတ်ခမ်းထောင့်၌ သွေးထွက်နေသည်ကို ခံစားလိုက်ရသည် ။
စီးကျနေသော သွေးစအနည်းငယ်ကို လက်ဖြင့် ခပ်ကြမ်းကြမ်းပွတ်သုတ်၍ သက္ကရာဇ် ဟက်ဟက်ပက်ပက်ရယ်လိုက်သည် ။

"အဟက်ဟက် အဟားဟား နောက်ဆုံးတော့ မထိရက်မကိုင်ရက်ပိုးမွေးသလိုမွေးထားတဲ့ညီလေးကို ကိုကိုက ထိုးတယ်ပေါ့ ဟုတ်လား အဟက်ဟက် ''

"ခွေးမသား! မင်း လူပါးမဝနဲ့ ငါသည်းခံတာ သက္ကရာတစ်ယောက်တည်း မင်းက သက္ကရာကိုယ်မှာကပ်နေတဲ့ ကပ်ပါးကောင်သာသာမို့လို့ မင်းသက်သာနေတယ်မှတ် ''

ဥာဏ် လက်သီးကိုတင်းတင်းဆုပ်ကာ အံကိုကြိတ်၍ ပြောလိုက်သည် ။
ဘယ်လိုပဲ သက္ကရာလို့ဆိုဆို ဒီလောက် တစ်ဖက်သားကို စော်ကားပြောဆိုနေတဲ့သူကို ဥာဏ် ဆက်သည်းမခံနိုင်တော့ပေ ။