كان فاضل يومين ويبقى بقالي شهر محدثتش 🌝
طبعا الشغف صفر الحمدلله ده غير اني مبقتش فاضية زي الاول فعشان كده البارت قصير🙂 .. المهم فاضل
٣ بارت والرواية تنتهي 🥺
.
.
عايزة اقول 💜 i miss u all
.
.
فتحت عيني ببطء شديد من الضوء اللي قصاد عيني .. الساعة كانت ٢ بعد الضهر .. لكن ايه ده !!!
تاريخ النهارده في النتيجة !! النتيجة متقدمة سنة !!! يعني ايه !! انا بقالي قد ايه هنا .. صرخت بعلوا صوتي ومسكت راسي بألم شديد
فقدت احساسي بالوقت والزمن .. مبقتش مدركة اي شيء حواليا لدرجة اني لما فوقت فكرت اني كنت فاقدة وعيي
فقت ع حد بيحركني بعنف .. بصيت حواليا ... لقيت ممرضين كتير بيبصولي بشيء من الدهشة الشديدة
لكن دهشتي انا كانت اكبر .. كل الوشوش اللي كانت بتبصلي كانت عربية .. كانت لهجتهم مصرية ..
جريت واحدة منهم وخرجت بره الاوضة والباقين كانوا بيبصولي وانا عمالة اسألهم بهلع .. انا فين !!! انا هنا من امتى !!! انا عايزة ماما .. عايزة بابا
صرخت .. عايزة شوجا انا عايزة جوزي
كان ابشع يوم في حياتي
لقيت ماما و بابا قصادي فعلا .. جريوا عليا وحضنوني وفضلوا يبكوا بألم .. مكنتش فاهمة حاجة .... انا جيت هنا امتى .. ومر قد ايه ع وجودي هنا !! رجعت اسألهم تاني فلقيتهم ساكتين .. كررت السؤال
فرد بابا وقالي : استريحي الاول وبعدين نحكي لك كل حاجة
صممت فحكت لي امي ان جت لها مكالمة غريبة من واحدة ..
: كانت بتبكي ف الموبايل بشكل غريب وبعدين الخط قطع .. قلقت جدا واتصلت بيكي لكن موبايلك دايما كان مغلق .. اتكلمت مع ابوكي فسافرلي بسرعة عشان نعرف انت مختفية فين .. اتصلنا كتير بالرقم اللي اتصل بينا لكنه برضو بقى مغلق طول الوقت .. اتجننت انا وابوكي وجالنا ذعر لما تاني يوم عرفنا ف الاخبار اللي حصل ف البلد اللي انتِ قاعدة فيها .. سامحينا ياشهد سامحينا
فضلت تبكي تاني وانا غير مُشفقة عليها بالمرة .. سكتت ورجعت كملت كلامها
: البلد عندكم مناطق كتير فيها اتضربت وكان من الصعب اننا نسافر لك ندور عليكي .. فضلنا ع الحال ده شهر بنحاول نسافر لك لكن بدون اي فايدة .. كنا بنموت حرفيا .. كنا بنموت واحنا مش عارفين عنك اي خبر
لحد مافي يوم رن علينا رقم ولما رديت كان شخص بيتكلم عربي مكسر.. مصدقتش نفسي لما قالي انك معاه ومقلقش عليكي .. اتكلمت معاه كتير عرفت منه انه كان صديق ليكي
شهد : جان !!
الاب : ايوه .. قال انك معاه وكويسة فسألناه طلاما كويسة ليه مش بتتواصلي معانا وموبايلك مقفول دايما .. ليه اتصل هو يطمنا عليكي .. فضل متردد كتير وفي الاخر قالنا ان صاروخ وقع بالقرب منك وفي شيء ضخم راسك اتخبطت فيه ونتيجة لده انت ف المستشفى وداخلة ف غيبوبة من ساعتها .. امك فضلت تصرخ وفضلت ايامنا كده نتواصل معاه كل شوية لحد ماعرفنا نسافرلك ونجيبك ع هنا
أنت تقرأ
War Paradise🚩🔥(جنة الحرب)Suga
Любовные романыبينما الدم يُراق في كل مكان وصوت الطائرات الحربية يخترق الاجواء وبينما تتداخل اصوات البكاء والصراخ بين كل ذلك ورغم كل ذلك في عالم اخر هي تشعر بمرض الحب يغزوا قلبها لاول مرة فهذا مايسمى ب (جنة الحرب)
