اخيرا انتهينا من الاجزاء القديمة
البارت ١١ اللي جاي هيكون بارت جديد🤧🙆♀️💙
.
.
.
.
ثانية .. اباااا !!! وكأن بيتهيألي الكلمة زي بابا عندنا !!
سألتها بصوت واطي : مين الطفل دة !!
الام : حفيدي
سألتها تاني : حفيدك !! حضرتك عندك اولاد غير شوجا !!
الام : اه ابني الكبير .. اكبر من شوجا بـ ٥ سنين بس هو مع مراته و اولاده ف سؤول العاصمة
لحظتها صاعقة نزلت عليا وحسيت بخنقة معرفش ليه
الاكل اتحشر ف زوري وفضلت اكح مافيش هوا واصلي مامته قامت ناحيتي بسرعة وهو التفتلي وقام جري ناحيتي
الضربة اللي خدتها ع ضهري منه حسيتها كسرتلي فقرات ضهري
لما بدأت اخد نفسي لقيته بيبصلي بأستهزاء وامه مستغرباني
احراااااج
.
.
شهر مر على الاحداث دي
كانت ايام روتينية جدا حسيت فيهم بملل شديد منكرش معاملة مامته اللطيفة معايا
كانت اوقات بتخليني اخرج معاها نعمل shopping ولكن بحكم انها اكبر مني بكتير مكنتش بستمتع خاصة اني مكنتش فاهمه اللغة بتاعتهم وعشان كده قررت اني هتعلم اللغة دي .. انا مش ضامنة اعيش هنا لحد امتى وكان ده احسن قرار اخده ع الاقل هضيع وقتي في حاجة بس اكتشفت ساعتها ان لازم يكون ليا دخل اصرف ع نفسي منه مش هفضل عالة عليهم وفعلا ده حصل ولقيت شغل في صيدلية بشتغل فيها بعد العصر
رغم اني لو في مصر كان زماني عندي عيادتي الخاصة ولكن هنا انا ماصدقت حد رضي يشغلني عنده خاصة اني من دولة عربية وقلقانيين من ناحيتي
علاقتي بشوجا مش هقول اتطورت هي مازالت غريبة ولكن نوعا ما بقى يتعامل معايا عن الاول ويوجهلي كلام وده طبيعي بحكم اني عايشه معاه في بيت واحد
الاحوال ف البلد هنا برضو نوعا ما مش مستقرة بسبب حربهم مع الشماليين وبسبب كمان اللي حصلهم في مصر ولكن الموضوع ده انتهى دلوقتي ومصر مشغولة في حربها مع الاسبان اللي احتلوا ليبيا وضربوا مناطق في مصر
.
.
الام : شهدددد شهدددد (بترزع ع باب اوضتها بكل قوتها)
صحيت شهد مفزوعة
شهد : ف ايه !!!
الام : شوجاا شوجاا ياشهد
شهد : ماله !؟
الام : معرفش عديت من جنب اوضته سمعت صوته بيتألم لما فتحت الباب لقيته ماسك صدره وعمال ينزف ومش عايز يقولي ف ايه
اتحركت شهد بسرعة وامه وراها لحد ما دخلت الاوضة وشافته
قاعد ع الارض جنب السرير حاطت ايده ع صدره والاتنين غرقانيين دم
قربت منه وعرفت ان ده نفس مكان الجرح بتاع العملية
قامت وقفت وبصتله بعصبية : انت فتحت الجرح ده ازااااي ؟؟؟!
نظراته الباردة ليها عصبتها اكتر ولكن المرة دي وجهت كلامها لمامته : ده مكان الاصابة بتاعته وبعد ما كان قرب يبقى كويس هو عمل حركه غلط ورجع فتح الجرح من تاني ولازم يتنقل للمستشفى حالا عشان يخيطوه
ولو مستريحش فترة ممكنه هيرجع يتفتح تاني وكده مش هنخلص .
أنت تقرأ
War Paradise🚩🔥(جنة الحرب)Suga
Romansaبينما الدم يُراق في كل مكان وصوت الطائرات الحربية يخترق الاجواء وبينما تتداخل اصوات البكاء والصراخ بين كل ذلك ورغم كل ذلك في عالم اخر هي تشعر بمرض الحب يغزوا قلبها لاول مرة فهذا مايسمى ب (جنة الحرب)
