متوتره جدا من اللي الموقف اللي هي فيه واللي زاد من توترها بصاته ليها اللي قربت تخترقها
بعد عينه فجأة عنها لما حس بألم شديد مكان الجرح بسبب ايديها اللي لمست الجرح بتعقمه
....
عمال يبصلي لولا الغضب اللي ظاهر ف عينيه وطريقة نظرته كنت قولت انه معجب بيا زي اللي بيحصل ف المسلسلات
حسيت برعشة جسمه اول ما جيت جنب الجرح وعينه اللي غمضها جدا دليل ع قوة الالم
اكتر وقت حسيت فيه اني خايفة بل كنت مرعوبة
الموقف اللي انا فيه دة مكنش سهل فكرة ان اتنين رجالة معايا ف نفس المكان وانا لوحدي كانت الفكرة مخوفاني رغم ان واحد فيهم مصاب ومش قادر يتحرك ولكن كنت برضو خايفة منه جدا
خلصت شغلي بسرعة والرعب دب كل جسمي اول ما سمعت جملة من اللي واقف ورايا تقريبا اللي قدامي مفهمهاش لانه مبيعرفش يتكلم انجلش
هو قال اية !!! قال سيبيه دلوقتي يستريح وتعالي احنا نتسلى شوية !!!!!
قلبت وشي وبصتله وتأكدت من جملته اللي قالها لما لقيت نظرة عينه ليا مش مريحه ابدا
مسكني من ايدي وشدني بالعافية وخرج بيا برة الاوضة قبل ما يرمي جملة ع صاحبه المريض مفهمتهاش او اللي فهمته منها انه بيبررله خروجنا برة الاوضة عشان راحته لما لقى علامات الاستغراب ع وشه كأنه بيقوله واخدها ورايح فين
نفسي بدأ يعلى لما لقيته بيقرب مني ونظرته حقيقي مشوفت اقذر منها وقتها
قاومت .. قاومت بكل قوتي وهو لجأ للعنف لدرجة انه بقى يضرب فيا بكل غل الدنيا لحد ما ضعفت و وقعت ع الارض وهو فوقيا
وقتها مصرختش .. اي بنت ف موقفي كان اول شيئ هتعمله انها تصرخ لكني كنت بقاوم بس من غير ما يطلعلي اي صوت
هو انا مش خايفة !! لا انا تقريبا مكنتش متخيلة اللي بيحصل معايا من بداية اليوم ..
شق الهدوء صراخي المفاجئ
اخيرا استوعبت انه بيعتدى عليا !
مستمرة ع صراخي وعياطي ولكنه موقفش ومستمر ف محاولته اللي عمال يفشل فيها من مقاومتي الشديدة
اعلن فشله لما سمع صوت التاني بيتكلم بوهن شديد وحسيت من نبرة صوته انه بيأمره
بسرعة قام من فوقيا وفضل يبلع ريقه ويكح عشان يداري منظره قدام صاحبه اللي عيونه كانت متثبته عليه وبيبصله بشيئ من الاحتقار
فتح الباب وخرج وسابني معاه
واقف ساند ع الحيطة بتعب شديد
مقدرش يفضل واقف لوقت طويل ولقيته بيسند ع الحيط وجسمه بيهبط لحد ما قعد ع الارض ف مستوايا
حط ايده ع راسه ودفن راسه جواهم
فضلت من بين انفاسي المسموعة و دموعي اللي مستمره ف الهبوط ع خدي ولبسي ابصله .. ابصله وخايفه يقوم بدوره هو كمان
أنت تقرأ
War Paradise🚩🔥(جنة الحرب)Suga
Romanceبينما الدم يُراق في كل مكان وصوت الطائرات الحربية يخترق الاجواء وبينما تتداخل اصوات البكاء والصراخ بين كل ذلك ورغم كل ذلك في عالم اخر هي تشعر بمرض الحب يغزوا قلبها لاول مرة فهذا مايسمى ب (جنة الحرب)
