War Paradise🚩🔥(جنة الحرب)Suga

Part_15 اعتراف

وحشتوني💜💜
عايزة اقولكم حاجتين

اولا كل سنة وانتم طيبين بمناسبة رمضان💜🌸

ثانيا طبعا شهر رمضان للطاعة فأنا بصراحة مش هكون متفرغة اكتب .. يعني الشهر ده مش هحدث فيه فبعد رمضان ان شاء الله نحدث وانا حبيت انزل البارت ده  كتصبيره😂 .. انتم كمان استغلوا الشهر ده احسن استغلال انعزلوا عن الواتباد وغيره وربنا يبارك ف وقتكم 💜

واخيرا اسفة البارت مش طويل

.
.
.

خرجت قصادي وانا خارجة وراها .. كنت بسخر جوايا لما افتكرت اليوم اللي هي شافتني  ببكي فيه وقالت لي بحزم ان مافيش وقت للبكاء
تقريبا البكاء ع الحب اصعب بكتير.من البكاء ع فراق الوطن والاهل والاصحاب
.
.
.
_ ابااا متمشيش تاني
= هرجع متعيطش .. لو مبطلتش عياط مش هرجع

حاول وايونج ببراءة الاطفال انه يبطل عياط عشان شوجا يرجع تاني وبقى يمسح ف دموعة بحزن

شهد : انت بتعيط ليه انا لسه معاك.. مش انا وانت بنلعب سوا دايما !
هز راسه فضحكت وراحت حضناه ولما سابته قرب شوجا منه وباسه من خده ورجع حضن امه اللي فضلت توصيه كتير انه ياخد باله من نفسه ..
.
.
انا كنت واقفة وقتها بحاول اخلص من عياط وايونج اللي فرتك راسي وكنت بتفرج ع شوجا لكن اللي استغربته لما بعد عن امه لقيته بيبصلي ومد ايده ليا عشان يسلم عليا .. حقيقي اترددت واللي وترني اكتر نظرته ليا كانت غريبة .. كان اول مرة اشوفه بيبص لي كده
وبعد تردد طويل مسكت ايده فأبتسم وده خلاني اتحرج واشد ايدي من ايده تاني
وهو انتبه لصوت سارا وكلنا بصينا ناحيتها هي وجان وهم جاين من بعيد وبيشاورا لينا بأديهم
حضنتني سارا وقالت لي اني هوحشها واتفزعت لما جان حضني زيها لكني زقيته بعيد عني وبقيت عايزة الارض تتشق وتبلعني ..
لاحظت ان شوجا وسارا نظراتهم غريبة وكانو بيبصوا لبعض لكن سارا بسرعة لما عرفت اني ببصلهم وشها اتغير بسرعة وجريت شدت جان من هدومه وضربته ع راسه ومرة واحدة حطت دراعتها ع كتافهم هم اللاتنين وهي ماشية ف وسطيهم وخدتهم ومشيت

.
.
ايام كتير عدت بل شهور .. علاقتي بأمه بقت اقوى و وايونج بقى متعلق بيا جدا لدرجة انه بقى ينام معايا ع سريري ويفضل حاضني .. رغم السعادة اللي حسيت بيها معاهم الا اني افتقدت شعور تاني .. الحقيقة اني تقريبا افتقدته ومبقتش عارفة هيفضلوا مختفيين لحد امتى ..الشعور ده مفضلش ملازمني كتير لانه بينزل اجازات كل فترة .. رغم ان الاجازة بتكون كل فترة طويلة الا ان ده افضل من البُعد الدائم ...
ف الفترة دي كان بيحاول يتقرب مني وكنت واخدة بالي من تصرفاته منكرش اني حسيت ان انا مهمة عند حد ولو حتى كنت بشكك ف الشعور ده لكني حسيته .. شعور ان حد فاقد الامان والحب والدعم بل فاقد كل معاني السعادة وفي مكان غريب عليه وفجأة يبدأ يحس بكل ده بالتدريج كاان شعور جميل جدا وكنت ممتنة لكل لحظة كان بيرجع واقضيها معاه .. حقيقي مواقف كتير حصلت بينا  مش هنساها
=زي ايه مثلا !!؟
_ اممم نفسي احكي كل حاجة بس مافيش وقت
=يعني اديني مثل بس ..
_يعني كان بيفرغ وقت مخصص ليا يعلمني فيه اللغة بتاعتهم
=وانتِ مش قولتي انك كنتِ بتتعلمي ف معهد هناك عندهم !
_ هههه مهو من الامور الغريبة اني ف مرة رجعت من هناك متضايقة جدا وهو كعادته خد باله .. كان دايما بياخد باله لما اكون فرحانة او زعلانة .. المهم فضل يلح عليا كتير عشان احكي له متضايقة من ايه .. ولما حكيت له فضل يزعق ويصرخ فيا ومنعني اني اروح هناك تاني
=وحكيتي له ايه !
_حكيت له ع الشباب اللي كانو بيضايقوني هناك من فترة طويلة وزعقلي عشان مكنتش قولت له عليهم قبل كده قالي مش هتروحي تاني ولما زعقت انا كمان وقولت له انه مش من حقه يمنعني ثانيا هتعلم ازاي !! قالي بهدوء شديد .. انا هعلمك ..بصراحة مفرقش معايا غير انه هيوفر عليا فلوس كتير وهخلص من الشباب دول اللي بيضايقوني
=واضح انه كان فاكر نفسه ولي امرك