هلا اتأخرت عليكم اووي اني اسف 🤦♀️😂
يارب البارت الاخير يعجبكم 🧚♀️🥺
.
.
.
بعد مرور سنة كاملة ...
طالع السلم عشان يوصل عيادته فدخلها وهو بنهي مكالمة .. رمى عبارات السلام اللي متعود عليها كل صباح ع المساعدة بتاعته اللي بصت له بإبتسامة سعيدة لما سمعته وهو بيوقلها وحشاني وتعالت ضحته وبعدها رد (اي يعني كنت لسه معاكِ مش مشكلة انت بتوحشيني كل دقيقة) بتشوفه سعيد وبشوش على غير عادته من فترة طويلة والفضل يرجع لشهد اللي غيريت مجرى حياته تماما فسألته عنها زي مابتعمل بإستمرار : شهد عاملة ايه يادكتور !!!
اكرم : كويسة جدا وبتسلم عليكي دايما
فإبتسمت له فعرف مغزى وسبب ابتسامتها واللي بتفكر فيه
لكنه تجاهلها ودخل مكتبه قلع جاكت بدلته حطه ع ضهر كرسي مكتبه وقعد يفكر ف شهد اللي دايما بتيجي ع باله ...
اليوم مر بهدوء في عيادته كأي يوم عادي لكن ف وسط يومه يسمع صوت موبايله بيعلن عن وصول رسالة جديدة .. فتح الرسايل واذا بإبتسامة عريضة بتظهر ع وشه من فرط السعادة ...
قام اتحرك بسرعة فتح الباب وبص للمساعدة بتاعته بفرح وقال : شهد حامل ..
فرحت لما سعمت الخبر وباركت له وقالت له يوصل لها السلام
رجع تاني مكتبه و قعد مكانه وهو مبسوط وسعيد وف اللحظة دي رجع بالذكريات اللي حصلت من سنة بالظبط .. لما اتصل بوالدها يسأله عن شهد اللي بقالها ٥ ايام بيرن عليها لكنها مش بترد ع مكلماته وانه معلمش حاجة عشان تزعل منه ومتردش عليه او حتى تفكر ترد تطمنه عليها .. وقتها الاب اتوتر وقاله بمنتهى الصراحة ان شهد مش ف حالة كويسة الفترة دي فكرر يروحلهم زيارة في البيت عشان يعرف ايه سبب اللي هي فيه
وهناك لما وصل بيتهم كانت رافضة تطلع تقابله لحد ما اهلها سمحوا له انه يدخل بنفسه يكلمها
وقتها استغرب من شكلها جدا .. قاعدة ع كرسي المكتب حاطة راسها فوق المكتب وكأنها في عالم تاني
اكرم : شهد !
رفعت راسها ببطء وبصت له ومنطقتش
اكرم : ف ايه مالك !!! في حاجة حصلت !!
شهد : ........
اكرم : هتفضلي ساكتة كده كتير !! من ساعة ما اتخطبنا وانت مش بتتكلمي معايا ف اي حاجة تخصك زي الاول ... طيب انا عملت حاجة تزعلك مني !!!
شهد : معملتش
اكرم بتفاجئ : طيب ليه مش بتردي عليا وكمان مش عايزة تطلعي تقابليني !!
بصت له وسكتت لكن الدموع اتجمعت ف عينها .. نفسها تتكلم لكن مش قادرة تعبر عن اللي جواها
اكرم : ايه ده انتِ بتعيطي !!
قرب منها وقعد قصادها واتكلم بمنتهى الصدق : انا مش خطيبك انا دكتور اكرم اللي اتعودتي تتكلمي معاه بدون قلق وخوف .. قوليلي مالك وانا هساعدك وهعمل كل اللي تطلبيه مني
مسحت دموعها واتكلمت بحشرجة : متأكد انك هتقدر تساعدني !!!
اكرم بإصرار : ايوه متأكد ..
شهد : انا عايزة اسافر كوريا
اكرم : ايه !!!
شهد : خلاص .. ممكن تسبني لوحدي
اكرم : ويت ويت انا بس اتفاجئت من الطلب ده ..
شهد : هتساعدني ولا لا !!
اكرم : هساعدك بس فهميني ايه الحوار بالظبط
بدأت تحكي له كل اللي حصل معاها من ٥ ايام وان جان كلمها اتطمن عليها لكن نبرة صوته كانت غريبة وهي متأكدة انه مخبي عليها حاجة ...
اكرم بإنكار : وانت جبتي التأكيد ده منين انه مخبي عليكي !!!
اتضايقت من نبرة السخرية ف كلامه لكن اصرت تكمل كلامها وقالت : وايه اللي هيخليه يكلمني بعد الفترة دي كلها !!! ايه اللي يخليه يكلم واحد يفضل يراقب فيا وف الاخر اكلمه عن طريق الشخص ده !!! .. فاكر الراجل الكبير ف السن اللي حكيت لك ان جان قالي انه كان قاعد عنده ف القهوة بتاعته طول الفترة اللي كان قاعدها ف مصر !! هو ده بقى الشخص اللي شوفته كذا مرة ف اكتر من مكان ... تفتكر ايه اللي يخليه يعمل كل ده !!!
اكرم : تفتكري انتِ ف حاجة كبيرة تستدعي كل ده زي مانتِ متخيلة !؟
شهد بإرتباك : انا .. انا عندي احساس كبير ان ف حاجة مخبينها عليا ..
اكرم بإنفعال : شهد انت هتفضلي عايشة ف الوهم ده كتير !! فوقي بقى لنفسك ...
صرخت فيه : انا مش عايشة ف وهم .... انا مش مجنونة زي ما كلكم فاكرين ... حرام عليكم ليه بتعملوا معايا كده !!
انتو بتقولوا عليا مجنونة حتى اهلي موافقوش عليك رغم فرق السن بينا إلا لأنهم عارفين انك دكتور وانت الحل الوحيد قصادهم عشان اتعالج من حالتي النفسية
رغم صدمته من رد فعلها وكلامها لكنه قال : طيب اهدي اهدي وفهميني انتِ بتفكري ف ايه !! وعايزة ايه بالظبط
شهد بتوتر : دكتور اكرم انا بشكرك
أنت تقرأ
War Paradise🚩🔥(جنة الحرب)Suga
Romanceبينما الدم يُراق في كل مكان وصوت الطائرات الحربية يخترق الاجواء وبينما تتداخل اصوات البكاء والصراخ بين كل ذلك ورغم كل ذلك في عالم اخر هي تشعر بمرض الحب يغزوا قلبها لاول مرة فهذا مايسمى ب (جنة الحرب)
