كده انا يُعتبر نزلت ٣ بارت ف اسبوع واحد رغم اني كنت بنزل بارت كل ١٥ يوم تقريبا
فموعدكمش ان البارت الجديد يكون قريب 🤧
فانا عوضت الموضوع ده بإن البارت ده طويل عن كل مرة 🤝
مستنية رأيكم ف البارت ده 🏌♂️💙
.
.
سكتت .. سكتت وقت طويل كأنها بتثبت لي حقيقة انه متجوزني مصلحة مش اكتر .. سكوتها ده كان بالنسبة لي عامل زي سكاكين بتاكل ف جسمي .. لكنها اتكلمت فجأة بكلام غير مفهوم : انا مش عارفة ليه رابط حياته بوايونج بالطريقة دي .. لازم اخلصه من الطفل ده
كانت ف الحقيقة بتكلم نفسها مش بتكلمني انا .. قالت كلامها وخرجت وسابتني .. سابتني بفكر مليون مرة .. يعني ايه تخلصه من الطفل ده !! يعني ايه !!!!!! ....
ف اليوم الخامس من وجودي ف اوضتي امه دخلت اوضتي وقالت لي اخرج كفاية كده ...
رغم اني هموت واخرج من الاوضة اللس حسيتها سجن بسببه لكني كنت خايفة جدا اخرج وبعد اصرار منها طلعت معاها برة الاوضة
طلعت وراها بهدوء وكأني خايفة من اسد قدام اوضتي اول ما اطلع هيفترسني .. ومن كتر خيالي الواسع الخوف زاد جوايا وفعلا لمحته وهو خارج من اوضته واول مابص ف عيني استخبيت ورا امه بفزع لكنه مدانيش اي اهتمام ونزل ... لكن الغريب انه كان بلبس الجيش !!
نزلنا وراه وهو اختفى تماما معرفش راح فين بالظبط فخدت راحتي ف جنينة البيت خاصة ان وايونج جري ناحيتي فشيلته وقعدت اتكلم واهزر معاه ...
بالصدفة لمحته تاني وهو جاي من ورا البيت وشايل الشنطة فوق ضهره فخفت وحاولت استخبى منه ف اي مكانه لكن وقفت لما سمعت صوته : استني عندك ...
اتصنمت مكاني ولقيته وقف قصادي فتجنبت ابص ف عينه
_انا مسمحتش انك تخرجي من اوضتك لسه .. لكنك خرجتي اهو .. ممشتيش ليه لحد دلوقتي !؟ (بسخرية)
= ءءء
_اسمعي اللي هقولهولك ده .. انا لما خدتك من مصر وجيبتك هنا كان كله بدافع اني احميكي لان مكنش ليكي ذنب ف كل اللي حصلك .. مكنتش عامل حساب اي حاجة وكنت اصلا مجهزلك مكان تعيشي فيه لوحدك وتعتمدي ع نفسك لحد ما الاحوال تتحسن ف بلدك وارجعك تاني.. لكن معرفش ايه اللي خلاني اتمسك بيكي لحد اللحظة دي !! (بندم)
_عشان وايونج..
=اسكتي متقاطعنيش
حبست الكلام جوايا عشان نبرته كانت فيها نوع من القسوة والغضب
_ لو عايزة تمشي اتفضلي امشي (بيشاور ع الباب الحديد بتاع الجنينة)
انا راجع الجيش هقعد شهر .. احتمال شهر .. فكري كويس وسبق وقولت لك ليكي حرية الاختيار .. مش هعارضك ع اي قرار تخديه .. عايزة تمشي يبقى امشي وساعتها مش عايز ارجع الاقيكي هنا .. لكن لو رجعت لقيتك موجودة يبقى تنسي تماما فكرة انك تتصرفي بمزاجك .. لأنك كده بتديني كل الحق اني اتصرف معاكي زي مانا عايز ... مش زي مانتِ عايزة .. لو لقيتك لسه موجودة وف انتظاري يبقى مش هتمنعيني عنك .. وعن حقي كزوج
نزلت صاعقة عليا من كلامه والطريقة نفسها اللي بيتكلم بيها .. ده اكيد اتجنن !!!
قال كلامه وكأنه حاجة عادية جدا ونزل باس وايونج وحضنه وقبل مايمشي رمى عليا كلماته الاخيرة بصوت شبه مسموع : اتمنى ارجع الاقيكي ف انتظاري ياشهد
قالهم وسابني وخرج وانا مازلت واقفة مكاني متحركتش من الذهول الي انا فيه ....
.
.
بيمسح ع ضهر خيل وهو بياكل جو الاسطبل اللي ورا بيتهم وبين شفايفه قشة رفيعة بيلويها بين اسنانه .. اللي يشوفه بالمظر ده يحسه عايش في قرون قديمه لولا موبايله الحديث اللي رن فجأه عشان يثبت انه من عالمنا
_ازيك عامل ايه !! هتيجي بكره !! ايه السرعة دي !! مش كنت قايل انك مش هتيجي الفترة دي !! تمام مستنينك .. حتى تيتي مستنياك (بضحك) دي كبرت وبقت جميلة .. هقفل وابعت لك صورتها
أنت تقرأ
War Paradise🚩🔥(جنة الحرب)Suga
Romanceبينما الدم يُراق في كل مكان وصوت الطائرات الحربية يخترق الاجواء وبينما تتداخل اصوات البكاء والصراخ بين كل ذلك ورغم كل ذلك في عالم اخر هي تشعر بمرض الحب يغزوا قلبها لاول مرة فهذا مايسمى ب (جنة الحرب)
