فوت فضلا وياريت لو كومنت قولوا لي رأيكم عشان اكمل 🙆♀️🙆♀️💙
.
.
.
سارا بابتسامة رضى : اوهام ايه ؟!
شوجا : انتِ عارفة قصدي كويس
سارا بأبتسامة عريضة مستفزة : طلاما قولت كده يبقى مش اوهام .. تصبح ع خير ي شوجا
فضل واقف باصص عليها وهي نازلة ع السلم وماشية بأتجاه الباب خارجة عشان تروح بيتها
والدم بيغلي ف عروقه من تصرفات سارا الطفولية اللي بيعاني منها من وقت طويل
دخل اوضته في هدوء ووقف قدام المراية .. فضل يبص ع نفسه بحيرة وبدون مايشعر حط ايده مكان قلبه وفضلت يضغط ع المكان بقوة وساعتها افتكر كلامه مع جان
*فلاش باك*
شوجا : بس انا ملقتش حد ف هبلك
چان بأستغراب : ليه !!
شوجا بضحك : بقى ف حد يحب واحدة لسه عارفها من ٣ ايام !!
*نهاية الفلاش باك*
واضح ان مافيش حد اهبل مني هنا (بيكلم نفسه)
بتمر الايام بشكل رتيب وبشكل يدعوا للملل
مازالت شهد مستمرة في انها تدرس لغتهم ومصره ع ده عشان تفهمهم كويس ولأنها ذكية قدرت تستوعب اللغة بسرعة وتتواصل بشكل كويس مع غيرها
كان يومها كالتالي .. بتخرج الصبح للمكان اللي بتتعلم فيه اللغة وتروح البيت شوية تستريح وتقعد مع وايونج والجدة وبعدين تنزل تاني قبل ما الشمس تغيب تروح الصيدلية اللي بتشتغل فيها
الغريب في الفترة اللي فاتت ان شوجا كان كل كام يوم تلاقيه داخل الصيدلية عندها بيشتري كل مرة حاجة غير التانية .. كان عندها احساس انه متعمد يعمل كده وانه مش غرضه يشتري حاجة
.
.
.
اوماااا خديني معاكِ (وايونج ببكاء شديد)
شهد في محاولة انها تهديه ولكن محاولتها فشلت واشتد بكاءه عن الاول وبقت في حيرة من امرها
دخل شوجا اوضتها بدون استئذان ع صوت وايونج اللي بيعيط ويكاد يكون بيصرخ
شوجا : مينفعش تروح معاها
وايونج بيتجاهل كلامه : اومااا
نزل شوجا بسرعة ف مستواه : اوما ! مين قالك انها اوما !
بدأ وايونج يبكي ويصرخ بشكل هيستيري وهنا لقوا الجدة اتدخلت وشالت وايونج وخرجت بيه من الاوضة اللي متبقاش فيها غير شهد المحرجة بسبب شوجا اللي واقف قصادها مثبت انظاره عليها
شوجا : واضح انه اتعلق بيكِ جدا لدرجة انه بيقولك امي
شهد : هاا !! صدقني انا معرفش بيقولها لي ليه بس انا مقولتلهوش انه يقولهالي ..
ابتسم ع الصعوبة اللي بتتكلم بيها لغتم وقال لها : عارف .. الحقي انزلي روحي شغلك قبل مايرجع يمسك فيكِ
قال كلامه وخرج
بتمر الايام وفي يوم عادي او زي ماكانت شهد بتعتقد انه هيكون يوم عادي زي اللي قبله راحت الصيدلية كالعادة وبعد فترة من وجودها هناك انتبهت لتايو اللي بيشتغل معاها ف الصيدلية كعامل دليفري انه وصلته مكالمة ع اثرها خرج من المكان بسرعة بدون استئذان والرعب باين ع ملامحه
أنت تقرأ
War Paradise🚩🔥(جنة الحرب)Suga
Romansaبينما الدم يُراق في كل مكان وصوت الطائرات الحربية يخترق الاجواء وبينما تتداخل اصوات البكاء والصراخ بين كل ذلك ورغم كل ذلك في عالم اخر هي تشعر بمرض الحب يغزوا قلبها لاول مرة فهذا مايسمى ب (جنة الحرب)
