Mafia Lovers [Taekook] ✔️

Chapter 1

Third person pov

"ජන්ග්කුක්.. මට ඔයත් එක්ක පොඩ්ඩක් කතාකරන්න ඕනෙ." Mr. Jeon කිව්වෙ එයාගෙ පුතාගෙ කාමරේට ඇතුල් වෙන ගමන්.

"ඇයි අප්පච්චි... මොකක් හරි ප්‍රශ්නයක්ද? ඔයාට හරිම මහන්සි පාටයි." ජන්ග්කුක් එයාගෙ අතේ තිබ්බ පොත පැත්තකින් තියලා ඇඳෙන් ඉඳගත්තා.

"ඔව්.. ඔයා ලියෝ ගැන දන්නවද? ඌ අපේ drug contract එක බලෙන් අරගෙන. ඒකා දැන් මට චැලේන්ජ් කරන්න හදන්නෙ."

"අහ් මටත් ඒ ගැන ආරංචි වුණා.. අපි දැන් මොකද්ද කරන්නෙ අප්පච්චි?"

"මං මේ ගැන Mr. Kim එක්ක කතා කරා." ජන්ග්කුක්ගෙ ඇස් ලොකු වුණා. එයා දන්නවා Mr. Kim ගැන හොඳට. Mr. Kim කියන්නේ භයානකම මාෆියා ලොක්කා වගේම කට්ටිය කියන්නෙ එයාගෙ පුතා තමයි පාතාල ලෝකෙ හොඳම ඊළඟ උරුමක්කාරයා කියලා. මොකද හැමෝම කියන විදිහට එයාගෙ පුතා හුඟක් දක්ශයි වගේම හදවතේ කිසිම තෙතමනයක් නැති භයානක මනුස්සයෙක්.

"අප්පච්චි කොහොමද Mr. Kimව දන්නේ?"

"අපි පොඩි කාලෙ ඉඳන් යාලුවො. ඒත් අපේ වැඩ නිසා කාලයත් එක්ක අපිට හම්බවෙන්නවත් ඉඩක් ලැබුණේ නෑ."

"එහෙමද? එතකොට මොනාද ඔය දෙන්නා කතාවුණේ? මොකද්ද ඒ ප්‍රශ්නෙට කරන්නේ?"

"මං කිම්ගෙන් උදව් ඉල්ලුවා. මිනිහා හා කිව්වා.. පොර කියන්නේ අපි දෙගොල්ල එකට එකතු වුණොත් අපිට ලෝකෙ බලවත්ම මාෆියා කල්ලියක් වෙන්න පුළුවන් කියලා."

"එතකොට ඔයාලා පාට්නර්ස්ලා වෙන්න එකඟ වුණා?"

"නෑ ජන්ග්කුක්.. අපි නෙවේ ඔයාලා දෙන්න තමයි පාට්නර්ස්ලා වෙන්නෙ." Mr. Jeon දීර්ඝ සුසුමක් හෙලුවා.

"ඔයාලා දෙන්නා කීවේ?"

"ළඟදිම ඔයයි Vයි පාට්නර්ස්ලා වෙන්න යන්නෙ."

"අප්පච්චි මොකද්ද පාට්නර්ස්ලා කියලා ඔයා අදහස් කරන්නෙ කියලා මට මුලින්ම කියලා ඉන්න. මට මේ මුකුත් තේරෙන්නෙ නෑ." ජන්ග්කුක්ගෙ කටහඬ නොසන්සුන් වුණා.

"ඔයාට Mr. Kim ගෙ පුතා V ව බඳින්න වෙනවා."

"අප්පච්චි.. ඔයාට පිස්සුද? මට කසාද ඕනෙ නෑ. මට මේක නම් කරන්න බෑ අප්පච්චි.. ඔයා හොඳටම දන්නවා මං මාෆියා කල්ලියක උරුමක්කාරයෙක් වෙලා ඉපදුනු එකට වෛර කරනවා කියලා. මට මගෙ නිදහස ඕනෙ. මට තියෙන එකම සතුටත් මේ විදිහට නැති කරන්නෙපා අප්පච්චි.. මට මගෙ ජීවිතෙ ඉතිරි කාලෙත් හිරකාරයෙක් විදිහට ජීවත් වෙන්න ඕනෙ නෑ.. අනේ අප්පච්චි..." ජන්ග්කුක් ඒ යෝජනාවට තදින්ම විරුද්ධ වුණා.