ذمه برگبه ادم

بارت 54

للكاتبه:  ود الباشا

سلام عليكم
شونكم شخباركم
اليوم كاعده ماخذتني صفنه وكلت خليني انزل بارت لحبايبي مادام ماعندي شي. مشتاقيلي لا 😁
شاركوني ارائكم

يعرف بيه لا انساه ولا اشبع نوم
ولا مثل البشر لو راح احب غيره
ويكتلني اليلوم ومايعرف بتعبي
انطي الروحي كلمه عايفه وناسي
بس بكلبي شيقنعه وينساه

كاعده وبيدي كلاص عصير وماخذتني صفنه
يجي يوم اشوفه يجي يووم ابررله الصار وابرد گلبي وگلبه لان اعرف هوه متأذي اضعاف ما اني متاذيه گلبي محروك بس شسوي اخاف ارجع افتح صفحه جديده من المشاكل الخوف البداخلي مسيطر عليه
مامستعده احد بيهم يصير بي شي
بس اني مشتاقتله والله ميته عليه راضيه حتى لو اشووفه من بعييد حتى لو بس اسمع اخبااره شسوه بهل سنتين شصااير ويا معقوله بعد يفكر بيه؟
فزيت من صفنتي واشوف نرمين مزنبره بوجهي
مدت ايدها مسحت دموعي

نرمين:  رجعت حليمه لعادتها القديييمه شهل دمووعي شبيج لخاطر الله

شفاء: شبيج شكو شصاير  ماتصدگين تنهدين بيه تخوصرت

نرمين:  الدمووع هاذي عليمن بالله امج ماتت ومادري لو تموووت البس احمر وارگص چووبي

شفاء: نرررمين انجبي وولي يلا

نرمين:  ابقي بهل قوقعه ماتصيرلج جاررره

شفاء: خليت العصير على الطبله ياااا قوقعه وولج اخذتني صفنه حررام خوما حرررام
غمزتلي وبعدها متخوصره

نرمين:  اذا بجلال حلال والله حبيته هل رجال لو ياخذني عليج الثانيه اقبل واني الممنونه شبيج يحضي اوكفيلي وحسسيني انتي صديقتي وزوجينيا وخليني ضرتج

شفاء: ضربتها بلكوشه
كعدت گبالي مشتاقتله مشتاقه لصوته

نرمين:  انتي ممخابرته

شفاء:  هزيت راسي لا رفعتلي حاجبه ممصدگتني

نرمين:  بعده مراقب صالون لارا

شفاء: عوفينه لا تذكريني خليني احاول انسااه مااريد اتذكر شي لزمت راسي  مرات اتمنئ يصير بيه فقدان ذاكره جزئي وارتاح ماريد اتذكر غير بنتي
اجوي زبائن كمنه لشغلنه والله اني بس جسد اهنا روحي وگلبي وكل گياني بقئ يمه يم دلاله وحنانه المغركني بيهم ماايووم امي عاملتني مثل ماهوه عاملني بس اني شسويت وبشنو جازيته درت وجهي وعفته واني كلش زين ادري رلح يتااذه
مسحت دموعي  ماريد افكر بي تعبت من التفكير خلصنه شغلنه ورجعنه للبيت ملاك
تبقئ يم خاله ام نرمين خطيه هيه تكفلت بيها
اول مافتحت الباب ركضت لحظني بستها
اجتي خاله مبتسمه وبيدها الجفجير

ام نرمين:  الله يساعدكم

شفاء: ويساعدج خاله داتعبج وياي والله