ذمه برگبه ادم

بارت 15

للكاتبه: ود الباشا

‏أصعب أنواع الفقدان، أن تشعر بفقدان شيء بداخلك، ربما تفاصيلك البسيطة، ضحكتك القديمة، أو شغفك الذي اختفى فجأة، أشد أنواع الفقدان أن تفتقد نفسك القديمة

ادم: منوو جاان يمج""

شفاء: مداستوعب اليكوله بقيت باهته بوجه
ااا اني جنت نايمه وحدي بلبيت والله وسديت البيبان كلها لان وحدي اخاف
رجع ضربني مره ثانيه اجتي خاله وكفت بنصنه

ام باقر: عووفها ادم لخاطري والله فقيره لا تسوي وياها هلشكل

ادم:  ام باااقر تقنعييين نفسج ساعه واكفين اندك الباب ومكعدت من النوم حضرتها نوميش هذه لو ممصخمه وجها والله العالم شجانت تسوووي

شفاء: اجتي تقئ لزمتني من ايدي تريد ادخلني للغرفه جريت ايدي منها ماكو داعي تبقئ بشگ وتاكل بنفسك طلگني وفضها

ام ادم:  اي يمه طلكها وارتاح وفگ نفسك

ام باقر:  لا ادم لا تاخذ بكلامها بعدها صغيره ومعدها مكان تروحله

شفاء: خاله يمكن الشارع ارحم
خلي يطلك ويريح نفسه احجي وابجي

ام ادم: طلكها ابني شو عدك مره تسوه راسها وراس عشيرتها

شفاء: تسوه راسج الج وراس عشيرتج لا تقارنيني بهل اشكال لطمني علئ حلگي وراد يضربني خاله بعدته

ادم:  علئ الاقل هل اشكال شريفه وماعدها اسواياتج
انتي طالگ

ام باقر:  ليش هيج ابني لهل درجه مالنه خاطر يمك

ادم:  عندج منا لباجر الصبح شكلج ماريد اشوفه

شفاء: ابتسمت ويا ابتسامتي نزلت دموعي شكرا علئ كلشي سويته الله يسعدك اني هسه راح اطلع عفته ودخلت للغرفه اجتي ورايه تقئ

تقئ: لا تعوفينه شفاء نطلع منا احنه هم ناجر بيت ونكعد بي

شفاء: حظنتها وبقيت ابچي
لازم اروح تعبت ومحد ديفهمني لبست عبايتي باوعت للساعه ب ثمانيه ونص  عندي شكم فلس خاله تنطيني تكلي خلي جوه ايدج اخذتهم وطلعت شفتها واكف بلمطبخ خاله كاعده بصاله وتبجي رحت حظنتها
راح اشتاقلج خاله مادري شلون اجازيج علئ كلشي سويتي وياي

ام باقر:  لا طلعين بهل ليل بنتي الله يخليج لا تركبين راسج وابقي كاعده تندمين بعدين

شفاء: ادعيلي خاله علمود مااحتاج احد
درت وجهي صاح باقر اني اوصلج مقبلت باوعت بوجهه طلعت صاحتني تقئ حضنتني بقينه نبجي اثنينه فتحت الباب مانكر الخوف البداخلي بس لازم اصير قويه

ادم: انتضرري اوصلج منين ماجبتج

شفاء: باوعت عليه تسلم لا تلوث نفسك اكثر عفته ومشيت شراح اسوي وين راح اروح بهل ليل
ماعرف اجرت تكسي وجسمي يرجف كل شويه اباوع علئ الطريق اخاف ياخذني من غير مكان وصلنه لفرعنه انطيته كروته وراح وكفت يم بيتنه بقيت اباوع عليه مبين كاعدين بي ناس مشيت علما وصلت للبيت الكاعده بي ماما بس ماكو احد بقيت ادك علما طلع جارهم كال محد موجود قبل سبوعين سافروو