للكاتبه: ود الباشا
نحن في حاجه لمن يفهمنا اكثر ممن يحبنا لمن يملك اجنحة السعادة لا لمن ينتزعها..
نحن في حاجه الي الثقة التي تجعل للحياة روح ومعني..
نحن بحاجه للحديث دائماً لا للصمت الذي يؤلمنا..
لا تبحثوا عن الحب الوهمي..
ابحثوا عن التفاهم ، عن الثقة ، عن الاهتمام
شفاء: حسيت حركه ورايه التفتت
شفت جلال كمت بسرعه من مكاني ردت ادخل جوه
جلال: ليش كمتي كعدي
شفاء: نعست اروح انام
جلال: انتي ليش مفضوحه ذيج عيونج دكول خايفه مني كعدي تره لو رايد ائذيج جان اذيتج من زمان
شفاء: رجعت كعدت واني خايفه كعد يمي بمسافه شبرين
جلال: ليش طالعه كاعده اهنا
شفاء: مادري اختنكت
جلال: اختنكتي لو اشتاقيتيله
شفاء: باوعت عليه ورجعت ركزت عيني علئ ورده كدامي ذبلانه ادم انتهى من حياتي لا هوه سبب دماري وكلشي صار وياي متتخيل حجم الاذيه الاذانياها بدون مايحس علئ نفسه شايف هذيج الورده خلاني اذبل مثلها بس متحملت اكمل نزلت دمعه من عيني اني مشتاقه البنتي صار اكثر من سنه مشايفتها ولا اعرف عنها شي ميخليني اشوفها حارمني منها متتخيل شكد حاولت ويا وشكد رحتله وتوسلت بي بس ابد مفاد بكل مره يطردني ويهيني ومخلاني اشوف اضفر منها
جلال: شنو السبب حرمج منها ؟
شفاء: بسببكم
جلال: ههههه ليش تحجين جمع
شفاء: محاجيه جمع بس بوكتها جان متعارك ويا مصطفئ واجه حاامي عليه هوه دائما هلشكل ياخذله اسبوع ززمان زين وياي وباقي الايام عايش بقوقعه شگ
جلال: اريد اسئلج سوال وين اهلج؟
وليش جانو يخلوج تشتغلين هيج شغله مو الج وهمه كلش زين يعرفون بعض الاوادم البشارع مو بشر حيوانات
شفاء: سحبت نفس بابا مجان مخلينه محتاجين شي مرات جان يشتغل اضعااف شغله علمود ميخلينه بعاز
بس صار ويا حادث وصار عنده شلل نصفي وبقينه ايام بلا معيل علما خلصت الفلوس الضاميها اضطريت اشتغل علمود اخواني وعلاج بابا
جلال: عمامج خوالج كرايبج وين؟
شفاء: خوالي مو صلح ويا ماما ويكرهونا ماعرف السبب وعندي عم واحد مو اهنا من زمان طالع البنان
عايش يعني ماعدنه اي احد بحالنه
اني مجنت عارضه نفسي واتاجر بنفسي والله حتئ بوشيه لابسه ومااحتك بااحد والمكان الاسمع بي احجايه ابدله وماابقى كاعده بي بس مصطفئ الحقير مادري منين طلعلي بوكتها ودمرني ودمر حياتي
جلال: تكدرين تحجيلي الصار
شفاء: هزيت راسي لا ماريد اتذكر شي
أنت تقرأ
ذمه برگبه ادم
Romance#تلاگينه عيون تحچي گلوب تبچي #وماحچينه ما احلل احد ياخذ قصصي بدون ذكر اسمي (ذمه)
