ذمه برگبه ادم

النهايه

للكاتبه:  ود الباشا

سللام عليكم كلش شكراً علئ كلامكم اللطيف حبايبي ❤️ راح اشتاقلكم

" العلاقـات لا يُبقيها الحُب ما يُبقيها هُو الأمـان وعَدم الخَوف من الغدر وتقلُـب الرأي فحيثُما كان الأمـان وُجد الاستِقـرار والاطمَّئنـان

شفاء: كل ضني جلال بس من فتحتها انصدمت
من شفتها سبب كل مصايبي سبب كل دمعه نزلت مني سبب بكل شهكه طلعت مني شفت وراها شمس ابتسمت ردتلي الابتساامه كبرانه وحليانه

ام شفااء:  راح تبقينه بلباب؟

شفاء: باوعتلها مبين تعبانه والعمر ماخذ حقه منها شذكرج بيه

ام شفاء: نفوت ونحجي مو بلبااب

شفاء: ابتعدت دخلو كعدو بلحديقه كعدت كبالهم منتضره اعرف على شنو جاايين وليش جااييين لان ادري  ماتتذكرني لسووواد عيووني بعد كل هلفتره هاي جابت خاله ام احمد الضيافه رادت تدخل جوه ماخليتها كعدت يمي

ام شفاء: اريد احجي وياج وحدنا

شفاء: احجي ماكو احد غرريب مااضم شي على خاله
باوعت لخاله من جوه ليفوك ماعاجبها عرفت من نظراتها  بعدها نفسها مامتغير بيها شي
شعجب رجعتووو مو علساس استقريتو برره

ام شفاء: خسرنه كل فلووسنه وبعد مكدرنه نبقى اهناك

شفاء: ضحكت بداخلي وضني ماخاب من كلت مجايه لسواد عيوني وشمس شجايبها وياج مو متزوجه ؟

ام شفاء: طلگها الحقير علمود سوء تفاهم بيناتهم صار

شفاء: اورس وين

ام شفاء: بلبيت هوه بس بقالنه هذه البيت رجعناله

شفاء: سكتت وانتبهت علئ شمس مطايقه الجيه عبالك مجبوره

ام شفاء:  اجيت اكلج اذا ضايجه من الكعده اهنا تكدرين تجين وياي اني تندمت بلسويته وياج وفد مره افتحلج صالون باب رزق النه لان تدرين اورس مو مال شغل وشمس هم ممتعلمه واني بعد كبرت مابيه حيل قبل اشتغل تعالي ويانه بلفلوس البقت نفتح صالون ونعيش منه

شفاء: صفنت عليها باوعت على خاله ام احمد
ورجعت التفتلها يعني هم جاايه لمصلحتج بعمرررج فكرري بيه مررره وحددده

ام شفاء: ياا هاي فوك ما سمعت بيج تعرفين لهل شغله وداريد افتحلج صالللون وعرفت امورج ويا الشايب مو تمام

شفاء: تفتحيي لسووواد عيوني لو لان ميته عليييه تفتحييي علمود تعيشووون بررراسي وعبااالج بعدني ذيج شفاء الغبيه وييين جنتي من تهجولت وادورج بين الوجوه وين جنتي تعررفين بيه شعشت وشفتتت تعرفين الايااام المررررت عليه منين تعرفين وانتي بعمرج ماسألتي عليه ولا فكرتي بيه بس وكت مصلحتج كرهتي اخووواني بيه ودمرتيني هذه الشاايب التحجين عننه وكفلي بصغيره قبل الچبيره صارلي ام واب ولو خيررروني بينج وبينه اختااااره بعمرج ماحسستيني انتي امي كامت شمس وكفت بوجهي