للكاتبه: ود الباشا
هلو حبايب كلبي مايهون عليه اتاخر عليكم
وهذه بارت لعيونكم الحلوه واتمنى تتفاعلون وياي
❤️
حكايتنا القدر بيها لعب دور
التقينا وبيها شمل گلوبنا التم
چفينه عيونه بنظرات الاحساس
وتغازلنه بگلب مايعرف الهم
علئ اعناد الزعل نتراضه مرات
ولملمنه الجروح الصعبه تنلم
ندهتنه البلابل للمواعيد
وشردنه من النعاس البابه محكم
وتماشينه رغم درب السهر خيط
من يفلت اليل بليل نلزم
الشمس سلمتلنه بوگت الغروب
ومن مر الگمر فوگانه سلم
كتبت بينه ذكره اعواد الاغصان
وحلف بينه الورد وبشوگنه اقسم
بحيث اتحاججت ويانه الاشجار
بهاي الحدايق ياهو الاقدم
افترقنه وجرب نهر اروحنا الموت
وبياض گلوبنه علئ الروح خيم
اتفقنه انموت لكن احنه عدلين
نضحك بس اكو بخاطرنه مائتم
الهوه يلاكينه لكن مابينين مختنگين
بس نكوول نشتم
شفاء : كاعده علئ الرصيف وبيدي الكلينكس
وافكر من جان بابا بحيله شلون جنه ممحتاجين احد ولا بحال احد
وهسه حالنه يبجي الصخر
اتذكر شلون مجان يقصر علينه بشي والنريده ثاني يوم يجي يمنه
جان يشتغل شغلات اضافيه خاطر ميقصر علينه وميخلينه نباوع علئ ايد احد علما اجه اليوم الگلب حياتنه وخلانه بعازه الفلس اخواني شمس و اورس بعدهم اصغار اورس عمره ٨ سنوات صف ثالث وشمس عمرها ١٠ سنوات واني عمري ١٧ سنه
فززني صوت سياره وكفت يمي
ويصيح يابنيه انطيني باگيت كلينكس وبطل ماي
كمت بسرعه انطيته ضل صافن عليه اني لابسه نقاب يعني بس عيوني تبين
خويه بلا زحمه الفلوس
اها اعتذر تفضلي
شفاء: اخذت منه الفلوس ورجعت لمكاني متعوده علئ هيج نماذج بطرانين اني بيا حال بقيت اليوم بايعه بس باكيتين كلينكس وبطل ماي واحد شلون ارجع للبيت شاخذلهم وياي ياربي البارحه نمنه بدون عشه لا تخليني اليوم هم ارجع وايدي فارغه لميت غراضي ورحت لغير مكان كعدت علئ الرصيف وعدلت الغراض والشمس حرگتني حرگ
بقيت واكفه ابيع للسيارت لليل علما شفت الساعه صارت ب ٨ ونص لميت للبقن من الغراض ومشيت الحمدالله حصلت عشره
اروح اشتري بيهن عشه وارجع
وكفت يم ابو الاسواق اشتريت بيض ولبن وشويه حلويات للجهال واخذت صمون وبيقت امشي للبيت افلوس الكروه تفيدني ماكدر ابهذر بيها
وصلت للبيت الجهال يتعاركون مدري يلعبون وصوتهم واصل لاخر الدنيا من شافوني ركضو عليه بوستهم اخذو الغراض من ايدي ودخلو قبلي
أنت تقرأ
ذمه برگبه ادم
Romance#تلاگينه عيون تحچي گلوب تبچي #وماحچينه ما احلل احد ياخذ قصصي بدون ذكر اسمي (ذمه)
