ذمه برگبه ادم

بارت 56

للكاتبه: ود الباشا

سلام عليكم شخباركم حبايبي
هسه خلصت البارت شاركوني رئيكم 🌹

- الأمر أشبه بفقدان القدرة على الكلام، أو الشعور بألم جرحٍ ما في جسدك ، لكنك لاتستطيع بالضبط معرفة مكانه كأنما كل ما فيك يؤلمك أو لم يعد يؤلمك.

شفاء: اني كمت وحسيت الدنيا صارت سوده بعيني
فتحت عيني بلمستشفى شفت ادم واكف تقرب عليه

ادم: شتحسين زينه

شفاء: هزيت راسي اي اجتي الدكتوره شافتني

الدكتوره: سلامتج يحلوه مابيج شي شويه انهيار عصبي تكدرين اطلعين هسه

شفاء: شكراً دكتوره ابتسمت وراحت اجه ادم

ادم: يلا نطلع

شفاء: كمت راد يساعدني رفضت اكدر اكوم
ابتعد كمت عدلت حجابي ومشيت وصلنه للسياره ركبت ساق بدون مايحجي كلمه وصلنه للبيت نزلت يم الباب نزعت حذائي اذاني دخلت جوه صارت بوجهي رغد عيونه مورمه تقهرني ماحجيت شي صعدت فوك
قفلت الباب وتمددت بملابسي كلامه اذاني حيل اليهسه يرن براسي ارخص من الرخيصه بقيت افكر علما نمت كعدت ثاني يوم على دگ الباب كمت فتحتها

ادم: شلونج اليوم

شفاء: هزيت راسي احسن وين ملاك

ادم: بعدها اهناك ملتهيه ويا ام باقر خليها انتي تعبانه

شفاء: لا مابيه شي جيبها

ادم: ارتاحي اليوم باجر اجيبها

شفاء: كتلك جيبها مابيه شي

ادم: رجعي نامي طالع اني

شفاء: سديت الباب ورجعت نمت احس جسمي متكسر كعدت علئ صوت صياح لبست حجابي ونزلت شفت رغد خشمها طاك دم وشفتها مشكوكه وادم لازمها من ياختها يعت بيها دفعته ووكفت كباله شبيك تخبلتت

ادم: لا تدخلييين وخررري

شفاء: ماااوخر بطل هذه اسلووووبك الضرررب محلوو للمره ينزززل من رجووولتك افتهم هلشييي وكااافي مو ياهي الجايبها نازل بيها غلط وضرب حرررام عليك

ادم: كتتتتتلج لا تدخليييين وخررري لا اطلع حرگه گلبي بيج

شفاء: شسوووي يعني تضربني عاادي شنو الجديد خلصت حياتي انضرب وانهان منك مو هذه طبعك وسلوووبك المينجررررع ضربني دفعني علئ الحايط وكووور ايده بحركه بوكس غمضت عيني وضرب الحايط ورررايه

ادم: اعناااااااادج بطليييي

شفاء: خطيه ابنه يفرفح من صوت الصيااح ورغد تبجي بخنيك معااااجبك رجعني منين ما جبتني مووو جاريه عندك اني واتحمل اسلوبك هذه

ادم: غصبتج اني جبرتج تجييين انتييي اجيتي برجلج

شفاء: اجيييت لخااطر بنتي