ذمه برگبه ادم

بارت 20

للكاتبه:  ود الباشا

بارت لعيونكم اعذروني هل ايام اذا كدرت انزللكم واذا مكدرت ان شالله اعوضكم ❤️🌹

‏أصعب أنواع الفقدان، أن تشعر بفقدان شيء بداخلك، ربما تفاصيلك البسيطة، ضحكتك القديمة، أو شغفك الذي اختفى فجأة، أشد أنواع الفقدان أن تفتقد نفسك القديمة.

شفاء:  صارت عيوني بعيونه التجدح نار
وخاله ورا لازمه ايده تتوسل بيه  هسه نازل من الدوام بعده بملابسه العسكريه اني جمدت بمكاني

ادم:  تقئ اخذي امج وطلعي

تقئ: خالي الله يخليك افهم الموضوع

ادم:  تتتقى حجي زايد ماريد اخذي امج وطلعييي

ام باقر:  مااطلع الا ورجلي علئ رجلك افهمك الصاار

ادم:  ماااااريد احد يسمعني شييي كتلكم لا تدخلوووون

شفاء: شكله يخوف حسيته انسان ثاني يجدح نار
گرفصت علئ نفسي وكعدت علئ الكاع

ام باقر:  امشي عليك شكو عزيز علئ گلبك لا تاذيها

شفاء: خاله اخذت تقى وطلعت سد الباب وقفلها تقرب مني شمر البيريه مالته علئ السرير بيده باكيت الجكاير والجداحه

ادم:  ليييش انطيني سبب واحد يخليج هيج تسوين

شفاء: بقيت ساكته شكله واسلوبه يخوفني احس الساني انبلع تقرب مني لزمني من شعري كومني
لزمت ايده

ادم:  ليشش فهميني شنو السبب طفل مشوهه؟ 

شفاء: هزيت راسي لا

ادم:  الحمل سببلج اذيه والدكتوره كالت الا اسقاط؟

شفاء: رجعت هزيت راسي ولازمه ايده اريده يعوف شعري احس جسمي كله يرجف

ادم: لييييش لعد فهميييني ريحيني تصرفج يدل علئ شي واحددد هذه الطفل مو مني صح؟

شفاء: بلعت ريكي ونزلت دموعي علئ تفكيره لا والله لا

ادم:  لعددد لييييييييش شنوووو السببب

شفاء: ضربني راجدي اذني صفرت خليت ايدي علئ اذاني والله مماخذه حبوب اني ولا رايده اسقط ماااادري ليش هيج صاار ماادري

ادم:  بنت الگلب كولي اني مااااااريده واريد ارجع اديح بلشوارع المتعوده عليها اكلج اااايي مو دكليلي مااعرف جنتي متقصده تسقطين عبالج طريقه الحبوب مراح تنكشف بس الله كشفج

شفاء: مره وحده صدگني بحياتك بدون ماتضرب وتصيح  گرفص كدامي

ادم:  اصدگج اذا انتي كل سالفه والثانيه اطلعيها اكبر من القبلها شتردين اصدك بضبط سالفة اغتصابج لو سالفة الاسقاط لج انتي حرررام ليهسه امبقيج علئ ذمتي