ذمه برگبه ادم

مقتطفات

للكاتبه: ود الباشا

سلام عليكم حبايب گلبي متدرون شكد مشتاقتلكم
رجعتلكم بقصه جديده وان شالله تعجبكم ❤️
اذا شفت تفاعل عليها هذه الاسبوع التزم وياكم بنشرها

وشبدينه أنباكَت أحلام الصغر
منه وبچينه
وردنه نبدي من جديد
وما بدينه !💔"

شفاء: مااريد اتزووج كوووه هيه خوما كووه لوووو امووت ماتزوجه ماما حسي بيه ليش هيج تسووين وياي

ام شفاء: اني طلعت ظالمتج ولج خليتي راسنه بلطيييين انتي بعد منووو يقبل بيج بس فهمينيييي
تقبلين وغصب عليج

شفاء: شنوو ذنبي بلصار ماما بس فهميني ذنبي لان بنيه مكدرت ادافع علنفسي واحميها

ام شفاء: لا تلغين لغوه زايده كومي حضري نفسج

شفاء: ماما شكد منطيج فلوس خاطر هيج تسوين وياي كولي خاطر انطيج بكدهن وتجوزين مني

ام شفاء: لو تبيعين نفسج متجيبين نصهن
ربع ساعه الكاج حاظره

شفاء: عافتني وراحت كمت غسلت وجهي ولبست جبه وكعدت
ساعه واجوي وياهم شيخ صاحتني ماما للمطبخ اخذت الجاي ودخلت جان جاي هوه وزوجته وامه وابو واخته
زوجته دمعتها بطرف عينه وهوه يضحك صفح بستهزاء دنگت انطيته چاي

باسم: انكسر خشمج ووافقتي حتئ استر قذارتج

شفاء: لوو تموت متحصل اضفر مني عفته وطلعت رحت يم بابا بست ايده وراسه يباوع عليه ودمعته بعينه مكدرت اكعد احس البيت ديخنگني

ام شفاء: يلاا شفاااا السيد راح يعقدلكم

شفاء: محجيت ولا حرف رحت كعدت يمهم بده السيد يحجي وراحو جابو باباشويه وسئلني موافقه اتزوج من باسم بقيت اباوع بلوجوه ابتسامته الصفره متروسه سم ويا دمعة زوجته ويا شماته اهله

للكاتبه:  ود الباشا