للكاتبه: ود الباشا
هلو حبايبي اذا شفت تفاعل بليل انزل بارت ثاني
لعيونكم ❤️
وين الگه ؟ اليحبني ومايمل مني
ويگلي اسم الله لمن گلبي يوجعني
واذا حس بيه من الدنيا مامرتاح
يشاقيني يضل خاطر يضحكني
ادم: اي شفاء شنو رئيج؟
شفاء: بقيت ساكته ماعرف شحجي اصلا بابا من صفحه وماما من صفحه وهوه الثاني هم من صفحه مارييد اغدره مهما يكون مماذيني بشي ماريد ائذي بهل طريقه
ادم: مبين ليهسه ممفكره زين
شفاء: اني موافقه صفنت بعيونه ابتسملي
ادم: بيها الخير ان شالله هل يومين اجيب الاهل والسيد هم هيه مشيه وهم عقد سيد
ابو شفاء: الله يتمم علئ خير وليدي
شفاء: عفتهم ودخلت للمطبخ احس طابوكه علئ صدري
كعدت وبقيت ابجي اجتي ماما وكفت يمي
ام شفاء: الف مبروك شايفه كل الخير وهذه الموضوع البالج لا تفكرين بي خليها علئ الله
شفاء: بقيت اباوع عليها عفتها ودخلت للغرفه تعبت من الحجي
وره 3 ايام جان يوم جمعه ماما كعدتني من الصبح جايبتلي فستان مادري منين بس شكله حلو بيجي ويا شال زيتوني
اخذتني لحفافه رتبت وجهي حواجبي بس تنضيف بناتي. ل 4 بدلت وعدلت نفسي
وبقيت كاعده يم بابا وصافنه وهوه يباوع عليه بنظرات شفقه اعرف بابا مستحيل يخليني اتزوح واني مراضيه بس مجبور ساكت وضعي ميسمح ارفض
وكلام الناس راح ياكل وجهي اكل
بقت حسبه تاخذني وحسبه تجيبني علما اندگت الباب طفرت من مكاني بسرعه رحت للغرفه شعوور غريب خوف علئ فرح علئ حزن ماعرف شداحس بضبط گلبي دكاته الف
وره 10 د اجتي ماما كلتلي يلا طلعي
رحت للمطبخ قبل يوم جابلنه عصاير وكيك وهل سوالف رحت حضرتهن دخلت لغرفه بابا بس النسوان كاعدين اربعه ويا ام باقر سلمت عليهن وضيفتهن كعدت يم ماما
اثنين من النسوان بقن يباوعن عليه ويتهامسن
اتقربت مني ام باقر هل مره شكد ما اكول عليها حبابه قليل بحقها
ام باقر: شطالعه عروستنه اليوم كيكه
شفاء: حبيبتي خاله فدوه لعمرج
ام باقر: لو تشوفين ادم شون مخبوص
شفاء: ابتسمت الزلم كاعدين بصاله ويا بابا وحتئ عمو ابو باسم اجه
ام باقر: حبيبتي الوالده مكدرت تجي لا تاخذين بخاطرج شويه ضغطها صاعد ان شالله تمرلج وتشوفج
شفاء: خطيه بابا هم مرات يعلگ ويا الضغط
ام باقر: اي بعد الكباريه كلها هيج
ام شفاء: مابيها غير العافيه ان شالله
ام باقر: بعد گلبي تسلمين
أنت تقرأ
ذمه برگبه ادم
Romance#تلاگينه عيون تحچي گلوب تبچي #وماحچينه ما احلل احد ياخذ قصصي بدون ذكر اسمي (ذمه)
