مساء الخير ❤️
بارت 16 من قصة "قـسَـر الـرواسَـن"
.
.
.
اشرلي بأيدي تعاي بسرعه
وانا عدلت القمصلة وكمت امشي عسريع وصلت يمة
كمش ايدي حيل وحط ايده الثاني ورة ضهري
فتحو الحرس الباب طبينه للحديقة وابتعدنه عن الحرس ،جان يكمشني من قمصلتي
بأيد وحدة وزمخ .. شلووون تعوفيييين السائق وتجين وحدج
بلعت ريكي وكتله .. مالكيته موجود
نتر .. اتأخر عشر دقايق ماصبرتي ،تنتظرين داخل المعهد عشر دقايق؟
جاوبته بتوسل .. ولله جنت تعبانة وعبالي نساني كلت اجي انا
خزرني ورجع نتر .. بعددد ماتعيدينهاا واذا تأخر عليج تددكين عليه انا، اجيج مو تقررين بكيفج
هزيت راسي .. تمام
ظل كامش قمصلتي بيدة باوعتله و كتلة .. انطيكياهة؟
جان ينتبه وهد القمصلة
عدلتلها، وطبيت وهو وراي رحت كبل للغرفه افيششش يابرودتها ،شمرت نفسي ع جرباية بملابسي من التعب ماحسيت ع نفسي من غفيت لمن حسيت ع صوت الاذان كعدت غسلت وتعشيت البيت هدوء عبالي بهاء طالع بس سمعت صوته يخابر بالغرفه المهم فتحت كتبي اريد ادرس عندي امتحان واجهة صعوبه بالماده كلت خلي اشوف بهاء إذا فارغ يشرحلي
اخذت كتابي ورحت الغرفته ،لكيته كاعد يشتغل ع لابتوب وداكتو يتعارك وية الطوبة دكيت الباب رفع راسة وكال .. تفضلي
طبيت وكتله .. اكُلك بهاء فارغ تشرحلي موضوع بالرياضيات باجر عدنه امتحان وانا ماضابطة كُلش
رد .. طلعي الموضوع ،وتعاي كعدي كبالي
تقدمت .. كعدت كباله وطلعتة الا ضل صافن عليه شوية وكام يشرحلي .. شوفي هنا عندج تبسيط لازم تبسطينة لابعد حد يعني ترجعينه رقم مستحيل يتبسط بالرياضيات كُلة
باعي هنا عندي البسط، فرق بين مربعين والمقام التجربة اما العدد الثاني الفرق بين مكعبين
وعندج طريقتين للفرق، بين مكعبين
ضل يشرحلي وانا مندمجه ويا ،نوب انطاني مثال احلة ،اخذت القلم منه ودنكت احل ساعه امسح وساعه اكُتب، لمن خلصت رفعت راسي شفته صافن الدلعه مال الفانيلة ،ارتبكت عدلتها وهو حمم واخذ الورقه مني جان يكول .. رواسن، ماظابطة الاشارات؟
-صعبات انساهن
-ميصير بابا تدرين هسة، هذا لو مثلاً جابو بالوزاري كبل من البداية ينطيج خطأ لان من اول الاشارة كاتبتها خطأ، وع هل حال تصير كُل اجوبتج خطأ
كتله .. لعد شلون احفظهن
-شوفي المتشابهات موجب والمختلفات سالب
أنت تقرأ
قسر الرواسن
General Fictionالحياة تبدأ بضعف، وتنتهي بضعف، وما بين الضعفين حِكايه.. عادةً اكثر شي يجذبنه بالشخص هيَ الشخصية فـ أحياناً تجمعنا الصدفه مع شخص تكون شخصيته غامضة ،ومع شخص تكون شخصيته مُتمرده .. بالنسبه للغموض قد يكون خلفهُ قصة وبالنسبه للتمرد بالتأكيد سيكون خلفه...
