قسر الرواسن

بارت ٢٧

أنه المتعـــوب بس مابيــنت تعبي
انه بياض ذنوبي يشبهني
أنه البــيه الـــحزن يدبي

بارت -27- من قصة "قـسَـر الـرواسَـن"

فتحت عيوني ع وسعهن رجعت ليورة نضربت بالطاولة بضهري ،رحت ركض للغرفه وانا مصدومه بهاء قاتل امه بيدة !!!!!!!

لزمت راسي بصدمه، وزادت اسئلتي براسي ومانقصن
رجعت كُل الاحداث كبالي

صور امه ،بكنتورة !
ومن كاتب قتلت الدفئ بيدي يعني امه !
ومن حط ،السلاح براسه وراد يقتل نفسه
وكلماته بالكتاب الي حركه
وخالاته
وبعددددد هواي، احدث اجت براسي

لزمت راسي وتمددت، ع جرباية ياربي خلصصص مداصددددك شنووو قتل امه ،وليش حتى يقتلهاااا
لحظه لحظه لغز الـ ٢٥ سنه ،عررررفته
يعني بهاء بعمر الـ ٧ سنين قتل امه !!
لالاا شنو هاي التخيلات طفل يخاف يقتل نملة مو نوب امه بس كُلشي جاي يدل ع هذا الشي معقول صح !!!!!

ضليت لليل كُلة افكر ،وماغفت عيني ولل ٥ الفجر يالله نمت ساعتين وكعدت غسلت عسريع واجت فكرة براسي لازم اتحرك شوية الي اريد اعرفه ،وصلتله ولازم اعرفه كُله

رفعت موبايلي، واتصلت ع رشا
رن رن وجان ترد

سلمت عليها بتوتر ،وهي رحبت بيه وسلمت بكُل حرارة لان انا ماتصل عليها دوم هيج مرة بالسنه صدف وهي كذلك

خلصنه ،سلام كلتلها .. رشا اريد احجي وياج بس اريدج بمكان وحدج

ردت .. خيرج رواسن، خوفتيني بهاء خو ما بي شي

- لا بس اريد احجي وياج

سكتت ورة، شوية كالت .. يلة كولي انا وحدي بالاستقبال

حمحمت ورديت بتوتر .. رشا، احجيلي قصة امج بالتفصيل

جان تنتر بية بصوت .. عن ياقصةةة !

تنهدت ورديت .. بهاء ليش، قتل امج

سكتت وجان ترد بصدمه .. شمددرريج

- مو مهم شمدريني، احجيلي رشا

ردت .. ماطول بهاء ،ماحاجيلج فـ مالج حق تطالبيني احجيلج

كلتلها .. ماتردين، اخوج ينسى الي صار !

تنهدت وردت .. لو يكدر جان نسى من زمان

- ولكه الشخص، الي ينسي رشا احجيلي حتى اداوي لبهاء ماتردين سعادته

- امنيتي هاي اشوف اخوي مرتاح

- لعد احجيلي

- رواسن ديربالج تحكمين ع اخوي مثل الناس

- انا بعد ماشف اذيت بهاء كبال، عيوني اتمنى اضمه عن كُل الناس اتمنى انسي الصار حدث حدث بس شلون انسي وانا اصلاً ماعرف شنو ماضيه