قسر الرواسن

بارت ١٨

مساؤكم الله بالخير

بارت -18- من قصة "قـسَـر الـرواسَـن"

دخل المدير وست جليلة وكفنة احنه أشرلنه نُكعد وكال .. السلام عليكم

ردينه السلام نوب كال .. من رخصت الست بتول مدرسة العربي راح نأخذ درسها

هزت راسها ام العربي وكالت .. براحتك استاذ انا راح اطلع والدرس الكم

طلعت ام العربي وجان المدير يحط ايده ورة ضهرة وكال .. طلاب اجتني شكوة من قاعتكم
والموضوع تخص اخلاقكم
الست جليلة سامعه ،من هاي الشعبه انُ يلقبوها
بلقب غير اخلاقي واضافةً هذا الموضوع فشلة احجي بي وياكم لان انتم طلاب كبار واعين ومثقفين وجاي تطلبون العلم، مو تقيمون اساتذتكم

المطلوب هو الطلاب الي اقترح، هذا اللقب وكذلك يطعن بأخلاق الست جليلة يطلع هسة حتى ،يتحاسب
يلة لا تخلوني اتصرف وياكم بالدرجات

فتحت عيوني ع وسعهن منو، طاعن بأخلاق الست جليلة محد بس فهد طلع لقب جعجوعه

القاعه صارت هدوء رجع، المدير كال .. اذا ماتكولون اسم الطالب يتنقص كُل طلاب هاي القاعه ٢٠ درجات من كُل درس

من كال هيج ماكدرت اسكت صح هو معهد بس اني كلشش اخاف ع درجاتي لأن جايبتهن بتعب، انتفضت وكتلة .. استاذ ما الك الحق تنقصنه هسة انا شنوو ذنبي مثلاً معليه بست جليلة ولا شي تريد حاسب الي صدك ،حجوا عليها شنو ذنب البقية

جان يكول .. يلة لعد احجيي منو هو

رفعت كتوفي وكتله .. ماعررفه ،شنو لو اذب التهمة براس احد لو تنقصني انا اتعب واسهر ليلي حتى اطلع درجات حق تعبي وانتَ تريد تنقصني من كل مادة بسبب عركة انا مالي ذنب بيها

جان ترفع حواجبها ست جليله وكالت .. رواسن لا تسوين نفسج فقيرة، وابد مالج علاقة بشيء انتَ تعررفين كلشي وحالج حال البقية وهم مشاركتهم وبهذا اللقب

قابلتها بنظرة حادة وكلتلها .. ولله يا ست لو سامعه بأذنج انا اللفظ، هذا اللقب حقج بس اذا ماسامعه مالج حق تحجين وثانياً عييب تحاجيني بهاي، النبرة الج احترامج كـ مدرسة والي احترامي كـ طالبة

جان تخزرني وكالت .. انتبهييي بالبداية النبرتج الي تنترين بيها وبعدين دوري احترامات، الانسان المحترم
الناس تحترمة بدون مايحجي

ابتسمت بردود وكلتلها .. بضبط ست لذلك خليت الاحترامات الج

جان تفتح عيونها ع وسعها والمدير باوعلي وكال .. هذا اسلوب تعاملين، مدرستج بي

رديت عليه .. وليش ماتكول هذا اسلوب، تعامل طالبه بي؟

هز راسه وكال .. باجر ماتدخلين للمعهد، اذا ما ولي امرج وياج