قسر الرواسن

بارت ٤١

إمامَ زَمانِنا أشرق مبينا 💛
وبدّد عتمَة الظلماءِ فينا 💛

متباركين بولادة الحجه عج الله فرجه
واعتذر ع تأخير لان كنت بالولاية .

بارت 41 من قصة "قـسَـر الـرواسَـن"

رواسن .. نزلت من تكسي وجان توكف سيارة بهاء كبال الجامعه باوعلي وفتح عيونه ع وسعهن بلعت ريكي وانطيت ابو التكسي الكروة ومشيت افرك بيدي
نزل من سيارة عيونه حمررررر وضاغط ع ايدة همس .. صعدي

باوعتله بنظرات توسل انطاني خزرة تهديد صعدت بسرعه حرك السيارة ومشة بسرعه ويصيح .. تطلعين بدون علمي انطيتج عين مو انا اربيج رواسن وين طلعتي ولج احجييييييييي ليش انخرستي عبالج ما حاس عليجججج اخرررر فتررره شمسوووية وين جاي ترحيييييييين

صحت بخوف .. بهااااء راح تكلبببب السيارة بينه

زمخ .. احجيييييييي ويننننن جنتي

حشكت نفسي وية الباب بخوف وهو هز راسة بغضب ،وسكت وصلنه دخل السيارة نزل واجه بتجاهي فتح الباب وعتني من ايدي عت دخلني للبيت يدفع بية من كتفي ويهدد دفعني بالمطبخ وقفل الباب
وهمس .. احجي وين طلعتي

ضليت ساكته وجان يزمخ بصوت طفرني
من مكاني .. وينننن جنتيييي رواسن لا تخبلينيييي وين جنتي ولججج انا ثااااق بيج ومنطيج اطلاااااق الحرية هيججج تسويييين شسويلج هسة اذبحج ؟

كمت ابجي من صوته ورافعه ايدي ع وجهي خايفه يضربني انتبه الحركتي  سكت وكام يتنفس بسرعه  تقرب عليه وانا ،رجعت ليورة بسرعه عبالي يضربني بس هو سحبني لحضنه مسح ع راسي

وهمس .. رواسن انا من تزوجتج اعرف معدنج
زين، لو مااعرفج زين جان ماحاربت علمودج وهسة انا ماشاك بيج ومُحمد اشك بنفسي، ومااشك بيج بس بابا انا اخاف عليج ،انا حياتي مو هينه اعدائي يعادلون عمري ضعفين ماريد العين تصير عليج وتصيرين الضحية، صدكيني انتِ بس بالكُلية انا ماحاط عليج حرس

رفعت راسي مصدومه جان يهز راسه، وكال .. الكُلية بي أمن وتقريباً مأمن من ناحيتها بس من طلعين ويه صديقاتج ماأمن فـ اترك حرس وراج
وتشوفين اغلب، طلعاتج وياي وصدف أقبل تطلعين ويه صديقاتج لان اخاف عليج ولله واحاول قدر الامكان مااخُنكج، ولا احسسج انتِ سجينه اريدج تعيشين حياتج حالج حال البنات ماريد أقيدج واكرهج بيه بس، بنفس الوقت عيني عليج انا عيشتي مو سهله ،كوليلي وين جنتي، بابا كولي لا تخافين حتلو مسوية شي غلط لا تضمين عليه انا سندج مو عدوج حتى اذيج واصير ضدج

ابتعدت عنه ،مسحت وجهي وكتله .. بس توعدني ماتمنعي منه

غمض عيونه، بعدم الصبر وكال .. اذا مكان مقبول عادي بس ديربالج تكذبين عليه اكره الكذب

هزيت راسي وكتله .. بهاء انا، جاي اروح عند دكتورة نفسيه

فتح عيونه بصدمه وصاح .. ليشش، شبيججج