قسر الرواسن

بارت ٤٣

- زعل شياب كلش صعبه نتراضه .

بارت 43 من قصة "قـسَـر الـرواسَـن"
.
.

مرت ايام حياتنه هدوء لمن، سمعنه زهراء حامل حييل فرحنالها
وبهاء سوة عزيمة عائلية بهاي المناسبه لكن هي ماتكدر تجي لان حامل وكذلك اخواته وامه هم مااجوي لان سجى دوام والطريق طويل مايكدرون ثاني يوم يرجعون

فـ اجوي بس عماته وعمامه سوينه غدة وتغدى الكل وبعدها صفينه ،المطبخ انا والبنات ورحنه كعدنه
عمات بهاء يحجن ويا فـ ضل كاعدة ماطلع

جانن مندمجات، يحجن وية بهاء وجان تلتفتلي الحيه عمته الجبيرة وكالت .. وانتِ رواسن ليش ماحبلتي صارلكم ٣ سنوات من تزوجتوا

ابتسمت بس ماكدرت، اضم ضحكتي كمت اضحك وكلتلها .. شدعوة عمة انا وبهاء مامفكرين بهذه الموضوع انتِ ليش شاغله بالج

كالت .. غير ابن اخوي ،وعمرة طك بالثلاثينات ونريدلة بزر يشد ضهره بيهم

ابتسمت وكلتلها .. لا تخافين عماتي بهاء جبل مايحتاح البزر تشد، ضهره وبعدين هذا الموضوع مو بيدي بيد ربي شوكت، مايرزقنه الحمد لله وانا حالياً ماحاطه هذا الموضوع براسي لان طالبه ودراستي مو هينه هم رجلي اله واجبات عليه وهم دراستي الها واجبات عليه وهم نفسي وراحتي الها واجبات عليه

خلي اخلص دراستي، والله كريم بعدنه شباب مدللين رواحنه لحد هسة معتبرينه شهر عسل

التفتت البهاء وكتله .. ها شتكول حبيبي

ابتسم وكال .. اي ولله عاش اللسانج الاطفال هم تحتاج عناية ،وقت خاص وانا هاي الفترة مشغول تطورات بالشركه وهم هي دراستها صعبه شوكت مايرزقنه الله هلة بي

عمته ماعجبها الكلام بس البقيه ايدونه بهاء شاف السالفه صارت بين النسوان كام وكف أشرلي اجي ورا راح وانا طلعت ورا كال .. حبيبي لا تخليهن يستفزنج جاوبي بهدوء وبرود، و لا تغلطين بحق احد خلي الحق دوم الج رفعيلي راسي بيج مو تجفصين البيت بيتج وانتِ المعزبه

هزت راسي واشرت ع عيوني باوع يمنى ويسرى وتقرب باسهن اثنينهن وباس شفتي وطلع

ورة فترة التهيت بدراستي، بس موضوع الحمل بقة براسي ضليت افكر بي وحاجيت بهاء علمود نراجع هو بالبداية ماقبل كال كلشي بيد الله مانعترض ع حكمة بس كتله خلي نتأكد وصدك ولله راجعه الحمدلله اثنينه مابينه شي فـ نسد الموضوع
السائق كام ماياخذني لأن مريض استمر بهاء ينطي راتب وهو ،عايف شغلة ويوديني ويرجعني ونوبات يتأخر يكول ضلي جوة اتصل عليج تطلعين

ولمن يوم من الايام، انصدمت دخل بهاء للصالة جنت ادرس وكفني وكال .. تعاي ارويج فدشي

كتله .. شنو هو

حط ايدة ع عيوني، وهمس .. هسة تشوفين

صحت .. بهاااء ،وينن ماخذني كلي النبي عليك