قسر الرواسن

بارت ١٧

شَنفِضهن نَفض شَو كلهِن التَمن
لا عَطوة النَطني ولا رَضن يَهدن
شگثر أسَهام كلهن فد وكت هَدن
سَهم وداع ، سَهم أوجاع !!
وسَهم ذاك العَزيز الصَار جوة الگاع
وسَهم عَمري وشبابي الضَاع
و تاليهن العوز الاكل بيه أضَلاع
شَنفَضهِن بَعد ونَيابهِن حَدن
شاة وبَين سَبع ذَياب شَيخلن ؟!
انة بَطرك العَظم والدَود بية اكلن .

بارت -17- من قصة "قـسَـر الـرواسَـن"

.
.
.
رواسن .. حسيت برودة ع كصتي، فتحت عيوني
صار بوجهي بهاء يسويلي كمادات شافني فتحت عيوني مسد بأيده ع راسي و همس ... وكعتي كلبي عليج شجاج بوية

ظليت اباوعله بتعب ونحول، وهو تنهد واستمر يسويلي كمادات رجعت غفيت، وحالتي صارت بالاسوء بهاء يكعد بيه ميقبل انام وانا كلساع غفيت لمن حسيت بنغزه بيدي فتحت عيوني متوجعه شفت ابنيه لابسه لابكوت طبي واكفه تحطلي كانيولا وبهاء واكف وراها خلصت واندارت تحجي ويه بهاء بخصوص العلاج وطلعت ورة شوية كعدني بيده اكل حط مخدة وراي، وعدل كعدتي

رجعت راسي ليورة، بتعب وهو سحب كرسي وكعد مقابيلي يوكل بيه بحنيه وعيونه تباوعلي بأهتمام

شكد ما بهاء شخص، عصبي واحياناً يقسى وياية بس يبقى حنيننن كُلش ومتفهم

المهم شبعت رجعت تمددت، وهو غطاني وكعد يخض بالابرة وضربني بالكانيولا، يدفع الدوة ع كيف ويفرك بيدي حتى يمشي الدم

خلص كام ذبها ورجع يمي غطاني وحط موبايلي بصفي وهمس ... راح ارتاح بغرفتي بس تحتاجين شي خابريني خوش

هزيت راسي طلع هو، وانا ضليت اتكلب لمن عيوني خذاها النوم النحول يموت يخلي الإنسان عنده استعداد ينام يومين واكثر ،وراها ماحسيت غير الساعه بـ ٢ بالليل رفعت راسي جان اشوف بهاء متمدد ع تخم وعينه عليه

صحتله بصوت مبحوح ... بهااء

وكف وتقرب مني ... كولي بوية، تردين شي

هزيت راسي بـ لا وكتلة .. مو رحت ترتاح ليش نايم ع تخم انتَ هم تعبت

رد عليه بهدوء .. ماكدرت اعوفج خاف ترجعين تصخنين

سكتت وهو كعد ع كرسي بصفي ويباوعلي ،وانا هم اباوعلة وكوة فاتحه عيوني من ورة النحول

بلع ريكه وقرب وجهة مني، وهمس .. ليش سكتي احجي صوتج يريح كلبي ،صوتج مثل معزوفة مطر بعز الشتة
غمضت عيوني بتعب ومديت، ايدي الي بيها الكانيولا وحطيتها ع ايدة ماعرف ليش تصرفت هذا التصرف
جنت تعبانه وراسي يوجعني وحسيت حييل محتاجته
هو باوع لايدي ابتسم، بهدوء ودنك باسها وعصرها علكيف بين ايدي

راسي كام يوجعني اكثر ،همستله بوجع .. بهاء راسي كُلش يوجعني

هز راسه وكال ... شلون مايوجعج وانتِ، نايمة ١٨ ساعه، امشي خلي افرج بالبيت شوية