قسر الرواسن

بارت ٢٠

بارت -20-
من قصة "قـسَـر الـرواسَـن"

شعركِ الأسود القصير
يشبهُ حياة العراقيّينَ
حياتهم سوداء
وقصيرة جدا..
#أحمد_نذير

ضحكت بأستهزاء وكتله .. شبيك بهاء ؟؟ شنو واحد من اهلي انتَ مو تدري ،ماعندي احد

تنهد وجان يكول .. راح يوصلج السائق كومي بسرعه

سد الموبايل، وانا صفنت وجان افز ع صوت سيارة الحارس
كمت غسلت عسريع وطلعت ركض ،صعدت بالسيارة وافكر بكلام بهاء شيقصد شنو واحد من اهلي لزمت كلبي بخوف

وصلنه للبيت فتحت الباب، ونزلت
كال الحارس .. سيد بهاء الدين ينتظرج بالمضيف الخارجي

عكدت حواجبي بهاء مايقبل ادخل لهذا المُضيف ليش ينتظرني هناك ،توجهت للمضيف شفت الباب مفتوح دخلت وجان اشوف بهاء كاعد وكبالة واحد يشبه عمي عصام نسخه ،منه بس هذا مبين عليه الكبر

ضليت واكفه، باب المُضيف وهو وكف وبهاء يباوعلي ويباوعله ومنتظر ردت فعلي

كام يتقرب بأتجاهي وهمس .. رواسن بت عُثمان

بلعت ريكي ،وطخ براسي ماكو غيره بس لازم أتاكد
مسحت وجهي وايدي ترجف كتله .. عمو بركان ؟

هز راسه تحولت نظراتي للغضب ورجعت ليورة وهو ركض راد يلزمني بس زمخ بي بهاء .. عوفهاااا

التفت البهاء، ورجع التفتلي كال .. رواسن سمعيني

نترت بي .. اششش شعندك، انتَ جاي تكمل الي ماكملوا اخوتك

خزرني وصاح .. روااااااسن، انا عمجج شنو هذا الاسلوب

ضحكت بأستهزاء وكتلة .. عمي؟ هه، جنك عصام من باعني وكال انا عمج انتم بس بالاسم عمام

غمض عيونه حيل وكال .. انا مو، عصام

نترت .. انكس من، عصام

فتح عيونه ع وسعهن متفاجأ من اسلوبي
كال .. رواسن ؟ ياوسفه تحجين هيج ويا واحد بكبر ابوج والشيب براسه

صحت بصوت من كل كلبي .. اي انا مامتربااااية، منووو رباني احجيييييي منو رباني عندي اب؟ لو ام ؟ فهمني تدررري انا ايااام انام ع رصييييف تدري لو لا تدري اخوووووك، يساوني بشرفي علمود اعيش تدري لو لا

نزل راسه شهكت بصوت وكتله .. ماريد اشوفكم ماريدكم ،ولا واحد ابتعدوا عني اريد اعيشش اريد اعيش اريد استقر، روح بعد لا تجي

تقرب عليه تهسترت، كمت اعيط .. اطلللللع روحححح ماريدكم ماريدددددكم

أشرلة بهاء يطلع ،وهو لمحت دمعه استقرت بعينه
نزل راسه وطلع ،تقرب بهاء عليه رفع راسي وخر شعري عن وجهي ،وانا اشهك بصوت واحجي بس الكلام ماوضح ،سحبني لحضنه ويمسد ع ضهري وانا كُل شهكه اشهكه يفز وياي ويسكت بي