SKရဲ့ လုပ်ငန်းစုနှစ်ပတ်လည်ပွဲလို့ နာမည်တပ်ထားသောပွဲက ဥက္ကဌကြီးဦးစိုင်းမောင်ဟိန်းရဲ့ သမက်ကြွားပွဲအဖြစ် အသွင်ပြောင်းသွားခဲ့သည်။
ခန့်ဝေယံကိုအား သူသွားလေရာဆွဲခေါ်ကာ ကြွားလုံးထုတ်မပြီးနိုင် ဖြစ်နေသော ဥက္ကကြီးကတော့ သူတို့နောက်ကနေ မျက်နှာစူပုတ်ပုတ်ဖြင့် တကောက်ကောက်လိုက်နေသော သားဖြစ်သူအား ဖုတ်လေတဲ့ငါးပိ ရှိသည်ဟုပင် မသတ်မှတ်ထားသည့်ပုံ။
ဒေါ်သက်ထားဖြူအပါအဝင် သူတို့ရဲ့လူယုံတွေကတော့ သူတို့နှစ်ယောက်ဖြစ်နေပုံကိုကြည့်ကာ ခိုးရယ်နေကြသည်။
လိုက်လည်းလိုက်တဲ့ သားအဖတွေ။
ခန်းမထဲရှိသူအချို့ကလည်း ခန့်ဝေယံကိုရဲ့ အေးချမ်းတည်ငြိမ်တဲ့ပုံစံလေးရယ် ၊ ဥက္ကဌကြီးကိုယ်တိုင်က ချီးကျူးပြီး သည်းသည်းလှုပ်ဖြစ်နေတာရယ်ကြောင့် သူတို့အား အကြည့်မလွဲနိုင်ဖြစ်နေကြသည်။
ဦးစိုင်းမောင်ဟိန်း မိတ်ဆက်ပေးနေသမျှ သူတွေအား ခန့်ဝေယံကို ခေါင်းတငြိမ့်ငြိမ့်နဲ့ သေချာလိုက်မှတ်နေရသည်။ SKလုပ်ငန်းစုနှင့်ပတ်သက်ပြီး အရေးပါသော သူတွေကြည့်ကိုသာ ရွေးပြီးမိတ်ဆက်ပြောဆိုနေသည်ကြောင့် SKမှာ ခန့်ဝေယံကိုအား တော်ရုံအနေအထားနဲ့ သတ်မှတ်ထားခြင်းမဟုတ်ကြောင်းလည်း ရိပ်မိကုန်ကြသည်။
"စိုင်းမောင်ရေ ဖြည်းဖြည်းကြွားပါကွာ"
"ဟားဟား မင်းတို့တောင် ကြွားစရာရှိလို့လားကွ"
"အေးပါကွာ"
ရင်းနှီးတဲ့ လုပ်ဖော်ကိုင်ဖက်တွေက ဦးစိုင်းမောင်ဟိန်းရဲ့မိသားစုနဲ့ ပတ်သက်ရင် အမြဲအကြွားသန်မှုကြောင့် စနောက်နေကြတော့သည်။
"သားခန့် ဒါ ဦးမြင့်ဆွေတဲ့ ဒယ်ဒီတို့SKရဲ့ ဒါရိုက်တာအဖွဲ့ထဲကပဲ ၊ သားခန့်နဲ့အတူ project မှာ ကူပေးလိမ့်မယ် ပြီးတော့ ဟိုမှာရောပဲ"
ခန့်ဝေယံကိုက ဦးစိုင်းမောင်ဟိန်းပြောတဲ့ ဟိုမှာရောဆိုသည့် အဓိပ္ပါယ်ကြောင့် စိုင်းခွန်မိန်းအား အကဲခက်ပြီးမှ ဦးမြင့်ဆွေအား ရိုသေစွာပြန်နှုတ်ဆက်သည်။
VOUS LISEZ
🏍 Crushကို ဒီလိုလိုက်မယ် ☕ (Completed)
Roman d'amourအချစ်ဆိုတာ တစ်သက်လုံးနေလာတဲ့ cool guy type ကြီးကနေ ခဏချင်း cute boy typeကိုပြောင်းသွားစေတာမျိုး
