Unicode
"ကျွန်တော်ဒီမှာရှိတာ ဘယ်လိုသိတာလဲ"
ထိုစကားကြောင့် ကျွန်တော့်နှုတ်ခမ်းလေးရဲ့ အတွင်းသားလေးကို ကြိတ်ပြီးကိုက်လိုက်မိသည်
"ကျွန်တော့်ကို သူကပုံစံပြောပြတော့ ကျောင်းသားသစ်နေမယ်ဆိုပြီး ကျွန်တော်လိုက်ပြတာ မှန်သွားတာ"
ကျွန်တော့်ရဲ့ဆွံ့အနေမှုကို ဟန်မပျက်အောင် ထိန်းပေးနေသည့် ကျွန်တော့်သူငယ်ချင်းလေးကို ကြိတ်ကျေးဇူးတင်မိပါ၏
"အော်..."
"ဒါဆိုသွားလိုက်ပါအုံးမယ်ခင်ဗျ"
ကျွန်တော်နှုတ်ဆက်ပြီး အလျင်စလို ထိုနေရာမှပြေးထွက်ချင်မိပါသည်
"ခဏနေပါအုံး"
သူ့ရဲ့သြသြရှရှအသံက ကျွန်တော်တို့လှည့်ထွက်မယ့် ခြေလှမ်းများကို ရပ်တန့်နိုင်စွမ်းရှိလှသည်
"မင်းလေးတို့နာမည်က...."
ကျွန်တော်တို့ကိုယ်ရှိန်သတ်လိုက်သည်နှင့် ထိုသူဆီမှအမေးစကားလေးကထပ်မံပျံ့လွင့်လာပြန်၏
"သူ့နာမည်က သန့်စင်ပါ ကျွန်တော့်နာမည်က မွန်းပါ"
ကျွန်တော်ပထမဆုံး သန့်စင်ကို မိတ်ဆက်ပေးမိသည် ထိုအချိန်တွင် သန့်စင်ကိုဦးစားပေးရမည်မဟုတ်လား
"ကျွန်တော့်နာမည်က နောင်စိုးပါ"
သူ့နာမည်ကိုပြောပြီးသည်နှင့်ကျွန်တော်တို့ခေါင်းငြိမ့်ပြီး ဘယ်၍ဘယ်မျှပြုမူရမည်နည်း မသိပါ
"မင်းလေးတို့က ဘယ်မေဂျာကလဲ ဘယ်နှနှစ်လဲ"
"ကျွန်တော်တို့က သမိုင်းကပါပဲ အစ်ကို ဒုတိယနှစ်ပါ"
ထိုအဖြေကိုဦးဆောင်သူက သွက်လက်လှသည့် ကျွန်တော့်သူငယ်ချင်းသန့်စင်ပင် သူတို့ကြားတိတ်ဆိတ်နိုင်လွန်းသူကတော့ကျွန်တော်ပင်
.....................................................................
ဒီနေ့တော့ကော်ဖီသောက်ရင်း ကန်တင်းတွင် စာအုပ်ဖတ်လျက် သန့်စင်အား ကျွန်တော်စောင့်နေသည်
YOU ARE READING
ထိုလူကြီး
Romanceသူငယ်ချင်းရဲ့ တစ်ဖက်သတ်ကြိုက်နေသူကို ကျွန်တော့်ဘက်က စအရောဝင်ရတာ မဝံ့မရဲဖြစ်လှသည် Start 》》3.11.2021 End 》》 13.12.2021
