ထိုလူကြီး

Ep 5

ထိုလူကြီး အပိုင်း(၅)

​ကျွန်​တော်​ကောင်​လေးတစ်​ယောက်အ​ပေါ် ဘဝမှာနစ်​မြောမိမယ်လို့ တစ်ကြိမ်တစ်ခါမျှ​ရေး​ရေးပင်မ​တွေးဖူး။ ခု​တော့​ခြေချုပ်မိသလို ထို​ကောင်က​လေးဆီကိုသာ ကျွန်​တော်ဦးတည်​နေမိပါရဲ့။

မ​နေ့ညက ကျွန်​တော်သဲကြီးမဲကြီး စာလုပ်ပြီးလို့ ခုထို​ကောင်က​လေးရှိသည့် ကန်တင်းဘက်ကို သွား​တွေ့နိုင်​တော့မည်။ကျွန်​တော်က တမင်တကာ ​တွေ့ချင်လို့ ​ခြေဦးတည် ရသည်မျိုးသာ

​ဟော...​တွေ့ပါပြီ ​ကော်ဖီကိုတစ်ငုံ​သောက်လိုက် စာအုပ်​လေးဖတ်လိုက်နဲ့ သူ့သီးသန့်ကမ္ဘာ​လေးနဲ့သာယာ​နေတဲ့ ​ကောင်က​လေး

ကျွန်​တော်က ​ကော်ဖီအရသာကိုသိပ်မကြိုက်ဘူးဗျ ။ကော်ဖီသောက်ပြီးရင်ပါးစပ်ထဲစွဲ​နေတဲ့ အရသာမျိုးကို ကျွန်​တော်မကြိုက်ဘူး။
ဒီ​ကောင်က​လေးက ​ကော်ဖီနဲ့တူ​တယ်ထင်တယ်ဗျ။သူ့ကို​တွေ့ပြီး ထပ်​တွေ့ချင်​အောင် စွဲ​နေ​ရောဗျ။​ကော်ဖီနဲ့တူတဲ့​ကောင်​လေး ဆို​ပေမယ့် ကျွန်​တော်သူ့ကို​တော့ ကြိုက်တယ်။

အ​တွေး​တွေက ရုန်းထွက်ပြီး ထို​ကောင်က​လေးရှိတဲ့ ဝိုင်းကို စကားတစ်လုံးမျှမဆိုဘဲ ကျွန်​တော်သွားထိုင်လိုက်သည်။

ထို​ကောင်က​လေး သူ့စာအုပ်အ​ပေါ် စိတ်ဝင်တစားရှိလှသည်။သူ့​ရှေ့ထိုင်သူဟာ ဘယ်သူဘယ်ဝါ ​သေချာမကြည့်ပါဘဲ သူ့သူငယ်ချင်းကို စကားနာထိုး​နေသည်။အဘယ်​ကြောင့်​နောက်ကျ​လေသနည်း ဆို၍ ကျွန်​တော်ထင်ပါသည် နှုတ်ခမ်း​လေး​တွေ​ထော်ပြီး နှုတ်သီး​ခေါင်းလျှာပါး ​ထေ့​ငေါ့​နေမည်ဆိုတာ။အဘယ်၍ဆို သူကစာအုပ်အကွယ်မှ သူ့သူငယ်ချင်းကို ရန်​ဆောင်စကား​လေး ဆို​နေ၍သာ ခုထိကျွန်​တော် သူ့မျက်နှာ​သေချာမ​တွေ့ရ​သေး။

ကျွန်​တော့်ဆီမှ မည်သည့်အသံမျှ မကြား၍ သူ့စာအုပ်​လေး ​ဘေး​​စောင်း၍ ကျွန်​တော့်ဆီ မျက်လုံးဝိုင်း​လေးဖြင့် ကြည့်ရာဝယ်။ထိုမျက်လုံးဝိုင်းစက်စက်က​လေး​တွေက ပို၍ကျယ်လာပြီး အံ့သြရိပ်​လေးဖြတ်​ပြေးသွားသည်။ဖြစ်နိုင်ပါ၏။မ​နေ့ကမှမိတ်ဆက်ပြီး ဒီ​နေ့လာ​တွေ့တာ ကျွန်​တော်ပဲမို့လား။ကျွန်​တော်ပိုလွန်းလှသည်ဟု သူ့စိတ်​လေးက ​တွေး​တော​နေ​လေမလား။