*LAIFI TUDU NE*....!
*NA SADNAF*🩸
*Page 6*
Bamu isa kauyen ba sai wajen biyu na Rana Ina ta mamakin yanda Adda Maryam tasan irin wanan wajen.
Shima da muka isa sai da muka hau acaba k'usa nan k'usa can har muka iso wani gida mai gajeran gini.
Muna sauka muka shiga cikin gidan ita tasan kan gidan hakane yasa duk inda tayi Ina biye da ita a baya.
A wani dogon zaure muka Shiga dake d'auke da shimfidar tabarma
Mata muka samu wajen su shidda Kuma kowacce kana ganinta kasan tana cikin rufin asiri.
Zama mukayi muma ni kuwa na hau kalle kalle.
Wayata dake ringing yasa gabana tsinkewa dan Mahmud ke kirana nagane hakane ta ringing din dana saka Masa
Yanda na zaro Ido yasa Adda Maryam tambayata mene
"Adda Mahmud ke kirana"
"Toh ki daga mana sabida yana kiranki kika tashi hankalinki haka"
"Adda idan ya gane bana gida fa"
"Mtss taya zai gane bakya gida dalla daga"
Daga wayar nayi kafin ma nayi magana yace "Kina Ina"?
Zaro Ido nayi jikina na d'aukar balain rawa
Kafin na hararo karyar da zanyi yace "bazaki gaya min Ina kikaje ba Batula? Ashe idan bana nan fita kike yi"?
"Aaa wlh ba fita nake ba"
"Toh yanzu kina ina dan Nura tunda zu na aikeshi gidan yace Yana kwankwasa wa baa bud'e ba sanan kawarki ma taje a k'ofar gidan ya sameta,Batula ashe har yanzu baki rabu da Yan iskan kawayen nan naki ba? Ya akayi har kawarki tasan gidana tazo nemanki? tun yaushe Kika fara fita idan kika ga bana nan"?
Hannuwa kawai nake yarfawa na ma kasa magana
Adda kuwa fusge wayar tayi daga hannuna ta Kara wayar a kunnenta tare da Sallama
"Mahmud Maryam ce yayar ta asibiti na kai ta sabida bata Jin dadi,naje unguwar ne gaisuwar mutuwa shine na biya dan mu gaisa shine naga tana cikin halin rashin lafiya sosai hakane yasa na taho da ita asibiti"
"Duk da haka Aunty bai Kamata ta fita batare da izinina ba ni mutum ne mai mugun kishi Abu kad'an sai ya dasa min zargi dan akan irin haka na rabu da Waleeda satar fita batare da izinina ba,sanan kema kinsan irin kawayen Batula yarane marasa kamun kai hakane yasa na rabasu,sabida Kar su ringa hure mata kunne suna dora ta a hanyar banza duk da larura ce kafin a kaita sai a sanar dani sabida na sani,yanzu Kuna wane Asibitin zan aiko Nura yazo ya Sameku"
Yanda naga Adda Maryam na hararar wayar yasa na had'e hannuna alamar roko dan duk abinda yace Ina jinsa
"Ai yanzu zamu taho magunguna ne aka bata sai allura da aka mata"
"Allah ya sauwake ya bata lafiya Aunty inaso ki Kara ja mata kunne bana San ta ringa Hulda da kowace kawa"
Daga haka ya katse wayar Adda Maryam ta wurgo min wayata tana "Lailai wanan mijin naki dan iska ne ashe dai dagaske ake da akace tsohuwar matarsa tayi zaman hakuri dashi ya kuwa zama dole muyi aiki akansa"
"Adda dan Allah muyi mu koma gida nasan halinsa wlh zai iya kara aikan Nura akan ya duba ko mun dawo"
Nace duk hankalina a tashe dan Ina balain tsoron Mahmud da gudun b'acin ransa ko kafin muyi Aure ni nasan dokokin daya ringa kafa min da yanda ya ringa lura da kowane motsina.
Layi na zuwa kanmu muka Shiga d'akin da mallamin yake.
Bayan mun gaishe shi Adda ta kara masa bayanin abinda take so ya Mana.
