" ရွာဇော် " [ Complete ]

အခန်း(၁၆)

" ဟူး..ဟူး...ဟူ

သွားကြမယ် ချစ်ကမ္ဘာဘုံ..

လိုက်မလားကွယ်...သီးသန့်တဲ့မေတ္တာဘုံ

သီတာရေမြေ ခြားနေပါတယ်

ထူးခြားတဲ့သစ္စာဘုံ...

ယုဇနာတစ်ရာ ဝေးကွာရာဝယ်

ဆန်းပြားတဲ့ ဗိမ္မာန်ဘုံ

ဟူ...ဟူး...ဟူ

လိုက်ခဲ့မကွယ့် သည်းညှာယုံ

မောင်သွားရာ

ဖဝါးထပ်မျှလိုက်မယ်ယုံ..

အန္တရာယ်ရန်စွယ်မမှုပါကွယ်...

မောင့်တစ်ယောက်အတွက်အသက်ကိုပုံ

အချိန်နာရီတွေမဝေးပါရှင်ရယ်

မောင့်နောက်ကလိုက်မယ်ယုံ

မောင်သွားမှာ ဆန်းပြားတဲ့အရပ်ကိုပါ

ဘယ်ကိုလဲကွယ် ပြောစမ်းကွယ်

မောင့်နေရာ..... "

မင်္ဂလာသီချင်းသံလေးဟာ
မနက်ခင်းအလင်းရောင်နဲ့အတူ
ချစ်သူကောင်လေးနှစ်ယောက်အတွက်
ဘယ်အရာနဲ့မှမလဲနိုင်တဲ့ ‌ပျော်ရွှင်မှုလေးပေါ့

"အချစ် ကိုယ့်ကိုပြပါအုံး"

အဖြူရောင် တိုက်ပုံလေးကို
ငွေရောင်ပုဆိုးလေးနဲ့တွဲဖက်ဝတ်ဆင်ထားပြီး
သူတို့သမီးဖြစ်တဲ့ကောင်လေးကတော့
‌ထွက်မလာသေး

"ကြည့် ဘယ်လိုနေလဲ"

အဖြူရောင်တိုက်ပုံလည်ကတုံးလေးနဲ့
ငွေရောင်ပုဆိုးလေးဝတ်ပြီး
ရှေ့နောက်လှည့်ပြနေသည်

"ကိုယ့်မိန်းမလေးကချစ်ဖို့အကောင်းဆုံးပဲလာ..ရင်ထိုး တပ်ပေးမယ်"

ငှက်မွှေးပုံစံ ရွှေရင်ထိုးလေးကို
စိန်တုံးလေးများဖြင့် ကပ်ထိုး‌ထားတဲ့
လှပတဲ့ရင်ထိုးလေးအား ဂရုတစ်စိုက်တပ်ပေးနေသည်

"ချစ်စရာလေး"

"ကဲ..လာအောက်မှာဧည့်သည်တွေရောက်နေလောက်ပြီ"

"ဟုတ်..."

လက်လေးတွဲရင်း
အိမ်အောက်သို့ဆင်းတော့
ဧည့်သည်များက စားပွဲကိုယ်စီမှာ ထိုင်နေကြပြီး တစ်ချို့ကလဲသူကြီးနဲ့စကားပြောနေကြသည်