Forever First Snow(FFS)

💛FFS 1💜

Unicode Version

ကိုရီးယားမှာ ပထမဆုံးနှင်း​တွေကျတဲ့​နေ့။
အဲ့​နေ့မှာ အမှတ်မထင်ဆုံ​တွေ့ခဲ့ရတဲ့ ​ကောင်​လေးက ဒီ​လောက်ထိရင်ထဲကို ဝင်​ရောက်လာလိမ့်လို့ ဘယ်​သောခါမှ ထင်မှတ်မထားခဲ့မိတာ အမှန်။

ဘာလို့လဲလို့ ​မေး​နေစရာပင်မလို။
Park jiminလိုလူမျိုးရဲ့ နှလုံးသားထဲ အမြဲ​တ​စေ​နေရာယူထားနိုင်ဖို့ဆိုတာ ဖြစ်မှမဖြစ်နိုင်တဲ့ ကိစ္စ။
​ကောင်မ​လေး​တွေ ထည်လဲတွဲနိုင်သည့် ရုပ်ရှိ​ရေလျှံ ​စော်ကြည်ဘဲ။

Park Groupဟုဆိုလိုက်သည်နှင့် ကိုရီးယားရဲ့ Top3အဆင့်ဝင် ကုမ္ပဏီကြီးဆိုတာ မသိသူမရှိ။
Park Groupရဲ့ တစ်ဦးတည်း​သော အ​မွေဆက်ခံရမယ့် Park jiminသည် ပိုးသား​လေးလို နူးညံ့မည့်ပုံထင်ရ​ပေမယ့် ​ကျောင်းမှာတည်းက ရန်ပွဲတိုင်းကို ရှုံးပွဲမရှိ အနိုင်ပိုင်းလာနိုင်သည်ချည်းပဲ။

​ကျောင်းတက်တုန်းကလည်း ​ကျောင်းသားဘဝအပြည့်ရရှိခဲ့သလို
​ကျောင်းပြီး​တော့လည်း သူ့စိတ်ပါဝင်စားသည့် စီးပွား​ရေးကို တစ်စိုက်မတ်မတ် လုပ်​ဆောင်သူ။

Park Jiminတစ်​ယောက် နှင်း​တွေကိုချစ်မြတ်နိုးသည်ဆိုတာကို ဘယ်သူမှ မသိရှိ​ပေ။ ​ကျောင်းတုန်းက Fighterတစ်​ယောက်ဖြစ်သလို ​စော်ကြည်ဘဲကြီးဆိုလည်းမမှား။

စီးပွား​ရေး​လောကထဲ ​ခြေစုံပစ်ဝင်​တော့လည်း တည်ကြည်​ဖြောင့်မတ်စွာနဲ့ စည်းကမ်းတင်းကြပ်သူ တစ်ဦးအဖြစ် နာမည်ကြီးလှ​ပေသည်။
အရှိန်ဝါကြီးလှ​သော Park Jiminဆိုသူကား နာမည်ကြားရရုံဖြင့် စီးပွား​လောကထဲမှာ မသိသူမရှိသ​လောက်​ပေ။
ထိုသို့​​သော လူတစ်​ယောက်က အပြစ်ကင်းစင်စွာ က​လေးဆန်စွာနဲ့ နှင်း​​တွေကို အမြတ်တနိုးရှိ​နေလိမ့်မယ်လို့ ဘယ်သူမှ ​တွေးထင်မထား​ပေ။

ခုလည်း ပထမဆုံးကျလာမယ့်နှင်းကို နမ့်ဆန်တာဝါမှာ ကြည့်ဖို့ တစ်​ယောက်တည်း ထွက်လာခဲ့တာဖြစ်သည်။
သူလည်းအ​ရောက် နှင်းလည်းအကျနဲ့ ကွက်တိပင်ဖြစ်သည်။

ထိုအချိန် နမ့်ဆန်တာဝါမှာ သူ့အပြင် ​ကောင်လေးတစ်​ယောက်လည်းရှိ​နေခဲ့သည်။ ထို​ကောင်​လေးကိုကြည့်ရတာလည်း နှင်း​တွေကို မြတ်နိုးမည့်ပုံပင်။ နှင်းကျတာကို တ​မေ့တ​မောကြည့်​နေခဲ့တာမို့ သူရှိ​နေသည်ကို မသိ​ပေ။