Forever First Snow(FFS)

💛FFS 2💜

Unicode Version

Jungkookဆိုသည်မှာလည်း Jeon Groupရဲ့ အငယ်ဆုံး​သားလေးဖြစ်သည်။
Jeon Groupမှာ​ သားနှစ်​ယောက်ရှိပြီး အကြီးဆုံးသား Jeon Junghyunက​ လက်ရှိ Jeon Companyကို ဦးစီး​နေသူတစ်ဦးဖြစ်သည်။
မိဘ​တွေက အားထား စိတ်ချရသူမို့ Koreaအ​ခြေစိုက် Jeon Companyကို​ သားကြီး Junghyunဆီမှာပဲ လွှဲအပ်ထားခဲ့သည်။
လက်ရှိ Mr.Jeonတို့ လင်မယားက​တော့ New Yorkမြို့မှာ ​နေထိုင်လျှက်ရှိကာ
သားနှစ်ဦးကို​တော့ ကိုရီးယားမှာပဲ စိတ်ချထားခဲ့သည်။

သားကြီးက အားကိုးအားထားရသလို သားငယ်ကလည်း အလိမ္မာဆုံး​လေးမို့ စိတ်ချလက်ချနဲ့ နိုင်ငံရပ်ခြားမှာ သွား​ရောက်​နေနိုင်ခဲ့သည်​။

သားငယ်​​က အ​နေ​အေးပြီး သူဝါသနာပါရာ​လေးကိုပဲ ​ရွေးချယ်လုပ်တတ်သည်။
ဥပမာ ပန်းချီဆွဲတာမျိုး​ပေါ့။
ပါရမီဓါတ်ခံလည်း​ကောင်း​တော့ Jungkookဆွဲလိုက်သည့် ပန်းချီတိုင်းကို ဆရာများ၊ တကယ့် Professional Artistများက မချီးကျူးပဲ မ​နေနိုင်ကြ​ပေ။
Jungkookက သူငယ်ချင်း အ​ပေါင်းအသင်းလည်း သိပ်မထားဘဲ သီးသန့်​နေတတ်သည့်ပုံစံမျိုး။

Jeonညီအစ်ကို နှစ်​​ယောက်က တစ်​ယောက်နဲ့တစ်​ယောက်ချစ်ကြ​ပေမယ့် ထုတ်​ဖော်ပြသည်ကသိပ်မရှိ​တော့ ​ညီအစ်ကိုနှစ်ဦးကြား ​နွေး​ထွေးမှု သိပ်မရှိဘဲ ဖြစ်​နေရသည်။
Junghyunကလည်း Companyတစ်ဖက်နဲ့မို့ ညီငယ်ကို သိပ်ဂရုမစိုက်နိုင်။
Jungkookက​တော့ အ​နေ​အေးသူဖြစ်တာကတစ်​ကြောင်း မိဘ​တွေနဲ့အ​ဝေးမှာ ​နေရသည်ကတစ်​ကြောင်းနဲ့
​နွေး​ထွေးမှုဆိုတာ သိပ်မရှိဘဲ သီးသန့်​နေတတ်သွားပြီး အရှက်သည်းတဲ့ ​ကောင်​လေးဖြစ်လာခဲ့ရသည်။

Jungkookက ခုမှ Seoul Universityမှာ ပန်းချီ​မေဂျာကို အဓိက တတ်​ရောက်​နေ​သော ​ကျောင်းသား​ဖြစ်သည်။
ပထမဆုံးနှင်းကျခြင်းကို ကြည့်ဖို့ရာ နမ့်ဆန်တာဝါဆီ သွားခဲ့ရာမှာ Park Jiminဆို​သော Hyungနဲ့ ဆုံ​တွေ့ခဲ့ပြီး Jungkookရဲ့ ဘယ်ဘက်ရင်အုံမှာရှိ​နေတဲ့ လိပ်ပြာငယ်​လေး လှုပ်ခတ်သွားခဲ့ရသည်ကို သူကလွဲပြီး ဘယ်သူ သိနိုင်​လိမ့်မလဲ။

အရပ်ကမနိမ့်မမြင့်ဆို​ပေမယ့် သူ့ထက်​တော့ ပုမှာ​သေချာ​နေ​သော Hyungက ဖြူဥ​နေသည့် အသားအ​ရေနဲ့ နှင်း​တွေကြားမှာ အရမ်းလှ​နေခဲ့သည် မဟုတ်လား။
စ​တော်ဘယ်ရီသီး​လေးလို ချိုမြလှမည့်နှုတ်ခမ်းထူထူ​လေးကို ကြည့်ရင်း ရင်​တွေခုန်မိလို့ ​ခေါင်းချည်းငုံ့​နေခဲ့မိ​​​လေသည်။