Divorce {Jikook} MIZO✅

Divorce

THIS STORY IS WRITTEN BY mybiasisjimin ,and I translate with a permission. Go follow her account for more

Jimin'a POV

"Inthen hi thleng turin i duh tak tak amaw?"room chhunga a rawn luh hnu chuan khum sirah chuan ka thu a,a nghawnga tie a awrh a tih thawl lai chu ka en reng a,nilenga hna a thawh vang chuan a hah hmel angreng khawp mai.

Keipawn ka thawk a,kan dinhmun hi dang se chuan a nghawng ka hmehsak ngei ngei ang.

Inthen tur chungchang sawi lo ila chu.

"Aw,"mut hran kan tih hnua bedroom-a ka lakluh ka hnathawhna chair-ah chuan Jeongguk chu a thu a,chuan pha miahloa min chhanna hian ka thinlung a vit sawk a ni mai,a na lutuk ringawt.

Khawi atang ber nge diklo pawh ka hrelo.

Mahse nikhat chu Jeongguk hian min hmangaih tawhloh thu leh,a secretary a duh zawk tawh thu min hrilh miau a.

Kan inkar tihthat tumin a hna atanga chawlh la turin ka hrilh a,mahse Jeongguk chuan a hnar hmak,a secretary lak atanga awmsawn duhloh vangin.

Ka la hmangaih reng a,mahse ani chuan ka rilru ang a pu ve tawhlo.

Awm reng turin ka tilui theilo.

A thinlung a inthlak tawh hnu phei chuan.

Mahse thil tha deuh pakhat chu,a rilru ngîlna a la inthlaklo.

Ka lakah thudik a zeplo a,min kawploin ka hriatloh hlanin engmah a tilo a,heihi a miziaa ka ngaihsanna lai tak a ni.

He mipa, ka hmaa thu mek ka hmangaih chhan tamtak zinga pakhat a ni.

Chhan tamtak zinga inneih ka pawm chhan pakhat a ni.

Mahse kan inneihna chu a tawp tawh,ka pawm veleh khan.

"Awle,mahse thil pakhat hi min tih hlawhtlinsak turin ka duh che a,chuan ka chhuah zalen ang che,"ka ti chhuak sep a,he thil chungchang hi ka zawh duh vangin ka huaisenna ka sawmkhawm a.

He thil hi Jeongguk zawh ka duhna chu a rei tawh,mahse ka tîm leh thin,ka duh aiin ka sawichhuak har bawk.

" Enge ni?"a rawn ti a,ka chelhbet dawnlo a ni tih a hriat chuan a mitah chuan hahdamna mitmeng ang deuh a rawn lang a,mahse a zawhna ka chhan chuan a inthlak leh nghal.

"Fa min pai tir rawh."

"Maw?"a hmai chu a ti chuar a,ka mala ka kut ka hum nasat lutuk vang chuan ka kekawr a chuar nghal vek thei, Jeongguk chuan mak tih hmel hle mah se ka thusawiah chuan ka tawlhlet dawnlo.

"Keimaha fa neih ve ka duh a. Chuan pasal ka nei bawk a,chuvang chuan tinge a theihloh ang?"Jeongguk chair atanga a thawh lai chuan ka en chho a,room-a a vei kual sek chuan Jeongguk chu a thinrim hmel hle bawk a.

"I fiamthu a ni tiraw,"a sam tham pah chuan a tichhuak a,ka insehruh teuh a,tho chhuakin a kalkual sek chu ka va dintir a.

"Ka uanglo,"a hmaah chuan dingin a kawr awmah chuan ka vuan a, Jeongguk chuan ka banreka rawn vuanin a vawn nat takah chuan ka then sawk a.

" Fuck,Jimin. Heihi a nuihzatthlakloh ania,"insehruh teuh pah chuan a rawn tichhuak a,a mitmu uk kharh chuan ka mitah a rawn en a,mahse ka thusawi hi ka la let dawn chuanglo.

Heihi ka thuthlukna a ni.

"Min rawn chawm turin ka dillo ang che,ka hna hi ka neih chhung chu keimahin ka ti thei. Min raitir ringawt la chuan naute hian a pa ini tih a hre miahlo ang,"ka chhuah zalen dawna ka thil duh chu tih hlawhtlin duhin ka melh let ve a.