Everything here is written by the original author.
*kawngka a rawn inhawng ri rek a*
Author-nim?
Aw,Ms. Secretary. Enge ilo tih dawn a?
Reilote ka be thei che angem?
Uh,lo let leh i tum anih chuan,a theih ka va ringlo ve.
Ka hria lawm. Readers te hnena thil hrilhfiah tur ka neih vang zawk a nia.
Oh,awle. Lo thu la min han hrilh teh. Hriattir ngei ngei ka lo tum ang.
Awle,a hmasa berah chuan.
Mr.Park leh Mr.Jeon te inkara inrawlh hi ka thiltum pawh a nilo a.
Ka tumlo hrim hrim.
Secretary ka nih angin ka hna ka thawk a ni mai a,chuan ka thiam tih leh ka cool tih pawh ka hria,mahse chu chuan Mr.Jeon hi a hip ang tih ngaihna reng ka hrelo.
Awle.
A hun leh ni tak chu ka hre tawhlo a,mahse min ngaina tih a ti lang thut a.
Mahse a hun aia rei hna kan thawh zana zanriah ei tura min sawm zan kha ni ta berin ka hria.
Khami hun khan,hna thawh tur kan ngah lutuk a, zanriah ei tura min sawm khan,a thlawna eitur baklo kha chu engmah pawh ka ngaihtuah hranlo.
Chhan chu ka ril a tam tawh lutuk a,chaw ei hun a pel daih tawh bawk nen.
Zanriah ei chhuahpuiah min sawmlo pawh ni se,kan hnathawhnaa eitur rawn deliver tir a duh ve angem tih ka zawt tho ang,a chhan chu he company-a hna thawhtur hian tlak hniam lai reng a neilo.
Ka dawhkana hna thawh tur paper lo awm khawm tun ka hmuh khan camp-na turin mutna tur sleeping bag nen riah mai ka duh hman a ni.
Awle,i sawi kual mah mah in ka hria.
Oh, tihpalh.
Chuan,a hnu kar tam vaklo pawh kha ti reng khan a nia,mahse ni khat chu min duhthu min hrilh thut a.
Mak ka ti lutuk kha engtin maw?! ka ti ringawt.
'Mahse pasal i nei a, engtinnge ni anga?"tiin ka zawt nghal a.
'Thudik ka hrilh mai ang' a ti tawp a.
Eng thudik maw?!
Kan inkarah engmah a awm silo a!
Chutah thil engmah pawh ka ngaihtuah chian hma in a rawn kal leh a,an inthen dawn thu min rawn hrilh leh tawp a.
Ka ngaihtuahnaah chuan,keimah vang em ni ka ti a.
Mahse engmah ka ti bawk silo a?
Hnathawk pangngai ang chiahin ka eiin hna ka thawk a ni mai a.
Chuvang chuan,ka inhnem nan,an inkarah buaina thenkhat a awm tawh a nih ringin Mr.Jeon hian hma a lak chhunzawm a nih ka ring ta ringawt a.
Chulo chu,engmah ka sawilo.
Engmah ka zawtlo bawk.
Kha kha ka thiamloh a ni maithei a ni.
An inthen hma khan thil lo sawiin lo zawt chiang ta ila,tiang em em hian an inkar hi a chhiat phah lo maithei a ni.
Anmahni hrechiang em emtu ka nilo a,an inneih hnua thawk chauh ka ni a,chuan thu lengvak vel a hlauhawm em vangin company-a sawi sep sep nih ka duhlo hle bawk.
Inhnamhnawih loh hram ka tum a,mahse ka tum diklo niin ka hria.
Buainaa a laihawl ber kha ka ni ta miau a.
Chuan an inthen tak tak tih thu ka hriat khan,thil engemawni tak hian min hnawh tlata hriatna ka nei a.
Ka ngawih reng vangin khatiang thil zawng zawng kha a thleng a ni tih ka hriat deuh vang a ni ngei ang,mahse ka ngawi a,ka sawichhuah chuan Mr.Jeon hian a thiltih sual a hrechhuak anga min mawhpuh ka hlau a ni.
Chuvang chuan an inthen hnuah chauh khan ka sawi ta a.
Ka ngawi ta reng a.
Ka hna ka neih theih nan.
Mahse ni a liam zel a,hna thawh pawh a nuam tawhlo.
Ka phur hi a rit telh telh ni maiin ka hria.
Cafe-a Mr.Jeon in rai chunga lo thu Mr.Park a hmuha ala duh reng tih a en laia a mitmeng ka hmuh lai khan a rit berin ka hria.
Ka chau takzet.
Thawk te hi a har lutuk.
Tuman engmah sawilo mah se,cafe-a Mr.Park te nena kan inhmuh hnua an meeting zawh veleh a Mr.Kim lo kal pawh khan,ka hah ngawih ngawih a ni.
Ka chungchang an sawi tih ka hria.
Mr.Park ka ngaihtuah chhuah apiangin ka inthiamlo telh telh bawk si.
Company field day hma ni deuh khan ramdanga kan branch atang hna thawh tur min rawn offer tih ka hmuh a,ka taksa pumah hian huaisenna a rawn lut nimaiin ka hria.
Heihi thil ka tih theih nana sign ni ngeiin ka hre bawk.
Thil ka tih a ngai tih ka hria.
Mr.Jeon in min ban dawn pawh ni se,pawi ka tilo.
Chuvang chuan,ka tihtur chu ka ti ta reng a.
Tawp turin ka hrilh ta a ni.
Chuan khami zan kan inbiaka a hmel ka en khan,a hma ang em emin hrehawm ti hmela pu tawhlo a,ka thaw a veng huai mai.
Ka tana a feelings hi hmangaihna a nilo,amah pawn chu thil chu a hria.
A hmangaihna chu Mr.Park hnenah a awm reng a,chu pawh chu a hria a ni.
A nuna lo tibuai mai mai tu chauh ka ni a,ka mi zah takte pahnih inkar ka siamthatsak loh vang khan ka damchhung hian ka inthiam thei tawh ngailo ang.
Readers te hi chu chu hre turin ka duh a ni.
Khang zawng kha a ni e.
Misual ka nilo.
Hming pawh ka neilo.
Secretary mai ka ni.
.
.
.
Hriattur: Jeongguk khan Jimin hi a uire sanlo.
Inthen a duh chhan chu a secretary lakah feelings a neih vang chauh a ni.
Jimin hnenah dawt sawi a duhlo a.
Pasal a neih lai renga midang lo duh pawh kha a duh heklo.
Jimin hriatlohin khawlo takin an awmlo hrim hrim a, secretary sawi ang khan,hna an thawk dun a,zanriah an ei dun leh tawp a ni.
Khang zawng kha.
Jeongguk khan mawl a tumlo a,mahse a mawl mai mai a ni.
Bumtu erawh a ni hauhlo.
Chapter hmasa berah pawh khan Jimin khan a sawiin ka hria, Jeongguk khan bumloa thudik a hrilh vang khan a lawm a ni.
YOU ARE READING
Divorce {Jikook} MIZO✅
Fanfiction"Inthen hi thleng turin i duh tak tak amaw?"room chhunga a rawn luh hnu chuan khum sirah chuan ka thu a,a nghawnga tie a awrh a tih thawl lai chu chu ka en reng a,nilenga hna a thawh hnu chuan a hah hmel angreng khawp mai. "Aw,"mut hran kan tih hnua...
