Jimin's POV
"Jiminie,lunch atan enge i ei duh?"Ka thawhpuinu chu ka bula lo kalin min rawn zawt a.
"Tunlai chu ka thil ei chakna a bo a,mahse kan cafe-a thil ei leh ka chak,"ka tih chuan a pawm nghal vat a,ka awm a ti nuamlo zawk.
Cafe-a an thilsiam kha a sawisel reng thin sia,engin nge thlak tir?
"Tehreng mai! Cook kha a thar an ruai a,a tui tawh lutuk,"a tichhuak a,mahse nuam pawh ka ti lo.
"Taktak maw? Aunty pakhat kan biak thin siam porridge kha ka ei leh chak asin,"ka lungngai hmel a hmuh chuan min hnem nghal vat a.
"Oh lungngai suh,naute lian. Aunty kha ala awm reng alawm,an contract zawh khan tuman kal tir an duhlo a,cook thar khan a ruai tha leh alawm,"Y/N chu a nui sang a,aunty ala awm tih ka hriat chuan ka hlim sawt mai.
"Ka van lawm tak,a thil sawi sep sep thin pawh kha ka ngai alawm. Ina ka nu min hriatchhuah tir thin a,"Ka nui sek a,ani pawn minlo pawmpui ve nghal.
"Keipawh in lama ka nu min hriatchhuah tir thin. Ti teh,mi pahnih tan i ei a ngai tawh sia,kan ei teuh theih nan kal hma a ngai ania,"Ka dara a rawn ben thek thek chuan kalo nui a,ka laptop chu off-in minlo nghak rengtu Y/N bulah chuan ka kal a.
.
.
.
"Ka lo thu ve thei angem?"tia zawttu a hriat chuan Y/N chu a hawi chhuak a,tunge a nih a hmuha a laih vanga a biang tai ka hmu thei.
"Tehreng mai,hyung. Nilengin meeting i nei emaw ka tia,"ka tih chuan Y/N chu Hoseok a thut ve theihna turin a tawlhphei a,an hmuhlohin ka nui sek a.
Hoseok hi Y/N hian a duhna a rei tawh lutuk a,chuan hepa pawh hi Y/N bula a awm hian tlemin a nem deuhin ka hria.
A duh ve ami?
"Hemi zawh hian meeting ala awm a,mahse a hmasa zawk a zo hma hlauh a,a tihzia. Hi,Y/N,"ka thianpa chuan Y/N chu a nuih a,an inbiak ka beisei tehreng nen,Y/N in a phone en chunga a tum bur ka hmuh chuan ka lawmlo hle a ni.
"Hi,Mr.Jung. Ka tihpalh lutuk,mahse ka kal a ngai a,tui deuhin in ei dawn nia,"a eitur chu ei sawk sawkin a tho nghal a,mahse Hoseok chuan a ti ding a.
"I kal dawn maw?"Hoseok chu tlemin a lungngaih hmel,an inbia chu kalo thlir reng a.
"Uh,aw. In meeting leh na tura hardcopy kha a chianglo a, meeting room-a a copy kenga siamtha turin Mr.Lee in minlo hrilh a."
"Anih tak chu,"a hmanhmawhthlak vangin tih din dan tur Hoseok chuan a hre tawhlo a ni ngei ang,mahse keiman ka hria alawm.
Taehyung leh Yoongi an awm chuanlohah chuan an pahnih tan hian cupid kan ni hrih mai ange.
"Hun ala tam alawm,Y/Nie. Hyung,ei vat la Y/N hi lo pui rawh,"idea a neih theih nan Hoseok chu a ngalah ka tlawh a,a khap sak sak hnu chuan a lu a bu vat a.
"Oh-nia. Ka ei reilo ang,minlo nghak lawk hman angem?"gusto chu a ei nghal vat a,mahse a lem hmaa thial chu a theihnghilh chuanglo.
"Mahse ka-"Keimah leh Hoseok a en pahin Y/N chu a inthiamloh hmel em em a,mahse a kut chu ka vawnsak thuai a.
"I nghah duhloh chuan,keiman kalo pui dawn che ami?"tihel deuha ka tih chuan Y/N chuan a phallo chiang kher mai.
"Aih,Jimin. Engtinnge saw'ng paper saw ka kentir theih ang che?"lungawiloh hmel deuh hian a ti chhuak a,amah pawh hi a taksa en hian ti chi a nilo tih a hrelo emawni.
Mr. Lee hian a hna a tihtir reng a,a thleng rei tawh lutuk a ka lung hi a awi theilo.
"Nangpawh,Y/N. Keiai i te a. Hetah hian thu la,hna hahthlak chu Hoseok hi tihtir vek hrih rawh,"a ban chu ka vawnsak a,a ka a khah vek vangin Hoseok chu rang tawk hian a bu nghal a,Y/N chu tlawmin ka thilsawi a pawm ta hram a.
"Anih chuan, lawmthu sawi nan in pahnihin intur ka lo leisak ang che u. Eng coffee nge in duh ang?"a tray chu laka coffee lei nghal a tum tih ka hmuh chuan ka nui sang a.
A kal veleh Hoseok hi Y/N a duh nge duhlo ka zawt ang.
A duh tak tak chuan,kan in rawn tlawh turin ka sawmtir anga.
Emaw date-a sawm turin.
"Keichu ka duhlo, Hoseok hi Iced Americano lo leisak tawp rawh, coffee-ah chuan a duhkhirhlo lutuk."
.
.
.
Minute sawmpanga pawh tlingloah an pahnihin cafe atang chuan an chhuak a,hna an thawk nasa dun lutuk hi ka khawngaih.
Ka bowl-a porridge la bang tam lutuk chu muang changin ka ei a,chhun chawlh hun ala tam bawk a,ka hmanhmawh lo.
Ka thutna bul thutnaa mi an rawn thut ve vang chuan nui chungin en ka tum a,mahse Jeongguk ka hmuh chuan ka khawng awt thei.
A rawn kalpui a en reng vang chuan tunge ka nih ala hrelo a,chuan a rawn kalpui a secretary,a thutna hmaa thu chu,ka bul hnaih deuha thu chu ka en leh a.
Chutah chuan,kan in melh ta chat mai le.
Mak tih hmel deuh hian min en a,pangngai hmel deuhin ka awm reng thung, Jeongguk lam ka hawi leh chuan minlo en reng tawh a.
Pangngai deuhin awm rawh,Jimin.
Naute chungchang ngaihtuah rawh.
Porridge hi i ei zawh a ngai ania.
Eitur chu ka ei lui a,kan dawhkan bul vel boruak chu a uap kher mai,mahse engmah ka sawi chuanglo.
An pahnih pawh chutiang bawk.
An ngawi reng a,a secretary chuan thutna sawn a duhthu a sawi a,mahse cafe chu a khat vek tawh bawk si.
Thutsawn a duh chhan chu ka awm nawmloh a hlauh vang a ni tih ka hria a,mahse chu chuan ka awm a ti nuamlo zawk.
"Jimin,duhtak?"Porridge siamtu aunty lam chu ka en vat a,ka mita mittui tling chu ka khap let vat vat a.
"Aunty,"Ka nui lui a,ka bula a rawn thutthlaka ka hnung a rawn chul chuan ka awm nawmlohna tlemin a ti zia.
"Porridge kha i chungah a sual ami? A tuilo ami?"Ka eitur min siamsak chu fiamthuin a melhrum der a,ka lo nui chhuak hak a,a awm ve hian ka awm a ti nuam huai mai.
"Aih,teuhlo mai,a tui lutuk. A tui takzet,"ka lu ka thin pah chuan ka piah lawka thu te chu ka ngaihtuahna atanga paiha min rawn chhandamtu lama ka ngaihtuahna pek ka tum a.
"Anihchuan ei vek rawh. Ka eitur siam i ei zawh hma chu ka kaltir dawnlo che ania. Chhun chawlh hi zo mahse enge pawi,mama chuan a naute hi a enkawl uluk a ngai alawm,"ka hnunga rawn beng thek thekin fian chu ka kutah min kentir a,a fel lutuk vang chuan ka nuih sen sen a.
"Awle,aunty. Tun atang chuan ka bodyguard ni mai rawh,aw?"Ka lo fiam let a,chuveleh a ban chu lek kangin a intisek der vel a,ka lo nuihzat a.
"Tehreng mai,ka mochi duhawm deuh tan te chuan engpawh ka huam alawm."
Drama a intan dawn e
YOU ARE READING
Divorce {Jikook} MIZO✅
Fanfiction"Inthen hi thleng turin i duh tak tak amaw?"room chhunga a rawn luh hnu chuan khum sirah chuan ka thu a,a nghawnga tie a awrh a tih thawl lai chu chu ka en reng a,nilenga hna a thawh hnu chuan a hah hmel angreng khawp mai. "Aw,"mut hran kan tih hnua...
